ᑎᐱᑦ ᐅᓂᑭᒧᐅᓇ 112

112

Psalm 112 (Proper-17 Year C)

1ᒪᒥᒋᒥᐧᒄ ᑎᐸᔨᒋᒐᓱᐤ !

ᓱᐛᔨᑕᑯᓱᐤ ᐊᓐ ᐃᔪᐤ ᑲ ᓇᓂᒋᔅᑐᐛᑦ ᑎᐸᔨᒋᒐᓱᐛ,

ᓇᔅᒡ ᑲ ᒥᔽᔨᑎᒺᑦ ᐅᑦ ᐃᑎᓱᐛᐅᓂᔪᐛ᙮

2ᐅᑦ ᐊᐛᓯᒥᓴ ᒋᑭ ᒋᒋᐃᑕᔨᑕᑯᓯᔨᐛ ᐊᔅᒋᒡ:

ᐅᑦ ᐊᔭᓂᔅᒐ ᐱᒪᑎᓯᒧᐛᐛ ᐅᑯᐃᔅᑯᑕᑎᓯᐅᒡ ᒋᑭ ᓱᐛᔨᑕᑯᓯᔨᐛ

3ᐛᔪᑎᓯᐅᓂᔪᐤ ᑭᔭ ᒥᓯᒋᓯᐅᓂᔪᐤ ᒋᑭ ᑎᑯᓂᔪᐤ ᐎᒋᒡ,

ᑭᔭ ᐅᑯᐃᔅᑯᑕᑎᓯᐅᓐ ᑲᒋᒡ ᒋᑭ ᑎᑯᓂᔪᐤ᙮

4ᐅᑯᐃᔅᑯᑐᐤ ᐸᒋ ᓄᑯᓯᔅᑕᑯᐤ ᐛᔅᑕᐅᓂᔪᐤ ᐊ ᐅᓂᑎᐱᔅᑲᔨᒡ:

ᒋᓴᐛᑎᓯᐤ ᑭᔭ ᓴᑭᔅᒋᓇᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ, ᑭᔭ ᑯᐃᔅᑯᑕᑎᓯᐤ᙮

5ᒥᔪ ᐃᔪᐤ ᐛᐸᑎᔨᐛᐤ ᒋᓴᐛᑎᓯᐅᓂᔪᐤ ᑭᔭ ᐊᐎᐃᐛᐤ:

ᐃᑈᐧᑲᑎᓯᐅᓂᔪᐤ ᒋᔅᒋᓄᑕᐃᑯᐤ ᐅᑦ ᐃᑐᐅᓂᒡ

6ᒐᔅᑎᓇᔅ ᓇᒪᐎᔾ ᒋᑭ ᐊᒋᐸᔨᐊᑭᓄᐤ,

ᐅᑯᐃᔅᑯᑕᑎᓯᐤ ᑲᒋᒡ ᒋᑭ ᒋᔅᒋᑐᐛᑭᓄᐤ᙮

7ᓇᒪᐎᔾ ᑯᔅᑎᒻ ᒥᒋᑎᐸᒋᒧᐅᓇ:

ᐊᔨᑎᔅᑕᔪᐤ ᐅᑕᐃ, ᐊ ᒪᒥᓯᑐᑐᐛᑦ ᑎᐸᔨᒋᒐᓱᐛ᙮

8ᓱᑲᔅᑕᔪᐤ ᐅᑕᐃ, ᓇᒪᐎᔾ ᒋᑭ ᓴᒋᓱᐤ,

ᐸᑎᒪ ᐛᐸᑕᒐ ᐊ ᐃᑐᑐᐛᑭᓄᔨᒋ ᑲ ᐛᐧᑲᑎᑯᑦ ᐊ ᐃᓯ ᓂᑐᐛᔨᑕᐧᒃ᙮

9ᒋ ᒪᑎᓂᒪᒐᐤ, ᒥᔭᐤ ᐅᒋᔅᑎᒪᑎᓯᐛ;

ᐅᑯᐃᔅᑯᑕᑎᓯᐅᓐ ᑲᒋᒡ ᑎᑯᓂᔪᐤ;

ᐅᑦ ᐊᔅᑭᓐ ᒋᑭ ᐃᔅᐸᔨᑕᑯᓂᔪᐤ ᒋᔅᑕᔨᑕᑯᓱᐅᓂᒡ᙮

10ᐅᒥᒋᑥᐤ ᒋᑭ ᐛᐸᑎᒻ, ᑭᔭ ᒋᑭ ᒥᑕᒋᔨᐛᓱᐤ;

ᒋᑭ ᒪᑥᔭᐱᑕᓯᓐ, ᑭᔭ ᒋᑭ ᑎᒋᐱᔪᐤ;

ᐅᐱᑯᓴᔨᒧᐅᓐ ᐅᒥᒋᑥᐤ ᒋᑭ ᓂᓱᐅᓇᑎᓂᔪᐤ᙮

ప్రస్తుతం ఎంపిక చేయబడింది:

ᑎᐱᑦ ᐅᓂᑭᒧᐅᓇ 112: ᓇᔅᑲᐱ

హైలైట్

షేర్ చేయి

కాపీ

మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి

ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ

Naskapi Development Corporation

Kawawachikamach, Québec G0G 2Z0 Canada

Canadian Bible Society

10 Carnforth Road, Toronto Ontario M4A 2S4 Canada

ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ గురించి మరింత తెలుసుకోండి