2 Abanya Korĩnto 9
9
Ekĩbo busana nʼAbakristo balĩkyetu
1Kusangwa sinangasyakusakira omwatsi wʼerĩwatĩkya abandu ba Nyamuhanga abali eYũdea. 2Kusangwa nyĩnasĩ omũhwa wenyũ wʼerĩwatĩkya, kandi nabiribahalambira oko bandu bʼeMakedonĩa. Nyiti, abandu abali omo kihugo kyʼAbagĩrĩkĩ, babya basĩkĩre oko mwaka owalaba. Kandi omũhwa wenyũ abirireka abangi ba kubo nabo ibanza erĩhĩra omo kĩbo ekyo. 3Neryo lino ngatuma abalĩkyetu aba, neryo eriyihalamba lyetu busana nenyũ siribye buyira omo mwatsi oyũ. Neryo ngoko nabya ngabũga, imwabya ĩmũnasĩkĩre. 4Neryo abandi abʼeMakedonĩa bamasa haguma nage, bakasyabeya ĩsĩmũsĩkĩre, itwamahemuka, nenyũ nibya, busana nʼomwatsi wʼeriyihalamba lyetu busana nenyũ. 5Kyaleka ĩnaganĩrya nyiti, litolere itwalembalemba abalĩkyetu ĩbatsũka erigenda ewenyũ erĩmbere, nʼerĩtegekanĩa olũsũnzo lubuya olo mwalaga erĩmbere, litya olũsũnzo olo ilwabya lũsũnzo lwʼekwenene butsira olũsũnzo lwʼerihatikanwa.
6Uminye ekĩ, oyukabiba bike asyagesa bike; nʼoyukabiba bingi asyagesa bingi. 7Obuli mundu ahĩre omo kĩbo ngoko abiriyisoga omo mutima wuwe; siahe nʼobuhemu, kutse erĩkũnwa; kusangwa Nyamuhanga anzĩre omundu oyukaha nʼerĩyĩsyandira. 8Kandi Nyamuhanga akatoka eribaha ebĩlabĩre obwaga bwenyũ, imwabya nʼebyosĩ ebibatolere, nʼebikabwaga busana nʼobuli mũbĩrĩ owene. 9Ngoko kĩsakĩre kiti,
Akahĩtaya ndeke busana nʼabera,
Obwenge buwe ni bwʼerikota.
10Neryo Nyamuhanga oyukaha embuto okwʼoyukabiba, nʼobundu bwʼerirya asyabaha embuto, nʼerĩlasyayo ndeke, nʼerireka imwagesa binene busana nʼekibuya kyenyũ. 11Asyabatekesya omo byosĩ imwatoka erĩhĩtya ndeke, neryo abandu bangi basyaha Nyamuhanga yʼewasĩngya busana nʼolũsũnzo olo mukatuma omo byala byetu. 12Kusangwa erikola omũbĩrĩ oyũ siendisyabuga obwaga bwʼabandu ba Nyamuhanga busa, nĩkwa kwilaba aho asyaleka abandu ibaha Nyamuhanga yʼewasĩngya nene. 13Kandi busana nʼekĩmĩnyĩsyo kyʼomũbĩrĩ wenyũ oyũ, abangi basyaha Nyamuhanga olukengerwa ĩbakalebaya ngoko mukakenga Engulu Yowene ya Kristo, eyo mukakwama. Kandi ĩbakalebaya ngoko mukakola ebibuya erisangira ebindu byenyũ haguma nabo nʼabandi bandu. 14Neryo basyabasabira omo lwanzo lunene busana nʼolukogo lunene olo Nyamuhanga abĩrĩbakangya. 15Tuhe Nyamuhanga yʼewasĩngya busana nʼolũsũnzo luwe olute lwangatoka erĩkanĩbwa.
ప్రస్తుతం ఎంపిక చేయబడింది:
2 Abanya Korĩnto 9: KB80
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible in Kinandi © Bible Society of the Democratic Republic of Congo, and Bible Society of Uganda, 1980.