2 Abanya Korĩnto 13
13
Ehee, nʼerĩkerya abandu
1Eyĩ ni ngendo yʼakasatu ngabahĩkako. Kĩsakĩre kiti, Obuli mwatsi asyaminyikala nga ni kwenene omwʼĩtũlago lyʼabalangĩrĩ babiri, kutse basatu. 2Nyanzĩre eribabwira ĩnywe mwahalaya erĩmbere, nʼabandi bosĩ. Monabũga oko lugendo lwage lwʼakabiri, nĩkwa lino ngabũgakyo kandi isinyiriho, nyiti, namaswahĩka eyo, sĩndĩendĩsyabalya mundu. 3Kusangwa mukasonda-sonda ekĩmĩnyĩsyo ko Kristo akabũga omo buno bwage. Naye si molo omo myatsi yenyũ, nĩkwa akakola nʼobũtokĩ omo katĩkatĩ kenyũ. 4Kusangwa kwenene mwahanikwa oko musalaba busana nʼobolo bwʼomubiri, nĩkwa aneho omo bũtokĩ bwa Nyamuhanga. Netu nibya tuli bolo nga ye, nĩkwa twasyabyaho haguma naye omo bũtokĩ bwa Nyamuhanga omo myatsi yenyũ.
5Muyirengeko nga mukakwama omwʼĩkĩrĩrya; muyitswere! Sĩmwasĩ kwenene ko Kristo Yesu amatikene nenyũ kwehĩ? Mutetatoka ekyo imwabiritaluka. 6Nĩkwa indi nʼamaha ko mwasyaminya ĩtwe sitwenditaluka omo mwatsi oyũ. 7Neryo tukasaba Nyamuhanga tuti Simukole ekibi, sĩʼbũga ambu tuminyikale nga twamataluka. 8Kundi Sitwangatoka erilwa nʼekwenene ya Nyamuhanga, nĩkwa tukimanira ekwenene eyo. 9Tukatsema omugulu tuli bolo, nĩkwa ĩnywe muli nʼamaka; kandi tukasaba tuti, mũhĩkane ndeke. 10Busana nʼemyatsi eyĩ, ngabasakira omugulu nyite haguma nenyũ, neryo omugulu nasyabahĩkako, isinangakala omo hamũlĩ eyo Mukama abirimba. Kusangwa amba ehamũlĩ eyo busana nʼerĩbahĩmba, si busana nʼerĩbahĩmbũla.
11Neryo balĩkyetu, Obuholo! Mukwame erĩhĩkana, mowe ebyo ngabũga; mubye nʼobũlengekanĩa buguma, musibe buholo; na Nyamuhanga wʼolwanzo nʼowʼobuholo asyabya haguma nenyũ.
12Mũkeranaye omwʼiwanako lĩbũyĩrĩre.
13Abandu bosĩ ba Nyamuhanga bakabakeraya.
14Olukogo lwʼOmukama Yesu Kristo, nʼolwanzo lwa Nyamuhanga, nʼerĩsĩbĩkya lyʼOmũlĩmũ Abũyĩrĩre, bibye nʼĩnywe bosĩ.
ప్రస్తుతం ఎంపిక చేయబడింది:
2 Abanya Korĩnto 13: KB80
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible in Kinandi © Bible Society of the Democratic Republic of Congo, and Bible Society of Uganda, 1980.