Eksodas 20 నుండి ప్రసిద్ధ బైబిల్ శ్లోకాలు

షేర్ చేయి

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig. Na da noolppa dup nona binal menana, aib kayak laa ele noobppa dup nona binag meme; daib na da noolppa dup nona, da binal mekkut.

Na habppan keeke laa, o wanppan keeke laa, o le ooppan keeke laa anidna, na amu dottog laa da abenalppa mekkutnu aib hoime. Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte

Na mamen, anin ele binalah mate! Ge! Na paha ii mauhmananu, na wan laappa, da Yawe, nahip Kayak, da na medakkulnu hettem amu, na appa haen elab daakkutnu, na anam hekkut.

Na Sabat deɗnu amu, na deɗ hamu iitta, am deɗ da, Yawe, dahilnu tituanak daatte, na amu dabmettanna, ɗo da deɗ amunu mattami dim lamidnana oiye!

Da am Yawe, nahip Kayak. Na da onil hamu aib diime. Aɗinu? Da danab o ah aun nug da onil hamu diitte ele, da nug bu medakkul.

Mettid ohppa na deɗ eblaih laippu ele uɗat henana, na nahip uɗat oh hekkut, amge deɗ ebqak eblaih aɗit ele, amuam Sabat deɗ, deɗ amunu amu, da Yawe, ahilag Kayak, da ag hik aoglagnu deɗ amu mattami. Deɗ amuam Sabat, na deɗ amuppa uɗat aib heme. Ge, na, nahipad nid, nahipad maɗi nid maɗi ah ele, doɗ nahipad, wan laihnu danab nug uɗia, ag oolagppa daatte amu, ag oh deɗ amuppa uɗat ii hemana.

Na layap laugnu aib amen qeeb aolomnab dabmak eheɗ aome. Laa amu, na layap wau, o nuhig maɗi nid, o nuhig maɗi ah, o nuhig makau okkai ebehi ele, o nuhig donki, o nuhig keeke laala oh ele amu, na aib amen qeeb aolomnab dabmak eheɗ aome.” Yawe Nug nai amu oh Israel danab ah amelagppa aum.

Na hettoɗiakppa, aben laa oh eleppa, na layapnu nai hambuppuak aib mattime.

Na ewau aib pakkuna gappai heme.

Na danab aib qeppe mauhom.

Na yabhok aib heme.