Baroma 12 నుండి ప్రసిద్ధ బైబిల్ శ్లోకాలు

షేర్ చేయి

Musizwifananye ne shango ino, koga shandugwani ngobumbiwa butshwa, ngobumbiwa butshwa kwe mikumbulo yenyu, kuti ndizo mulakidze tjingabe tjili kuda kwe Ndzimu ne tjakalulwama tjingaamutjilika kakale ne tjakapelela.

Ndizoke, zwikamu, ngekwe ngoni dze Ndzimu ndomukumbila kuti mupe Ndzimu mibili yenyu ili tjibhayilo tjinotjila, tjakayengemala tjinoamutjilika ku Ndzimu, kuli iko kunamata kwenyu kwe Tjimeya.

Shathani mu kugalabgwe kwenyu, ibeni ne moyonlefu mu kudziyidziwa, mutembezele misi yose.

Musikuligwe nge bubi, koga kundani bubi nge ndulamo.

Danani nge ludo gwe zwikamu, pindanani mu kukudzana.

Ludo ngagube gwakwako. Bengani tjakabipa, mubhate makasimisa muna tjakalulwama.

Ha kutubuka muna sekwa munobona, tjilani nge kunyalala ne mmwe ne mmwe.

Badiyiwa bangu musitongo bgwilizila, koga letjani bushongola gwe Ndzimu gushinge; ngobe kwakakwagwa kuyi, “Kubgwilizila nge kwangu, ndowobgwilizila, kojalo She.”

Shingani kwazo musibe simbe. Meya ngaimulonge nyota, shingayililani She.

Ngono nge ngoni dzandapiwa ndoti ku mmwe ne mmwe wenyu, asizwikumbule kupinda sekwa akafanila kuzwikumbula. Koga azwikumbule kulizana nge kugalamoyo kwawakapiwa nge Ndzimu.

Musibgwilizile nge tjakabipa. Ibeni ne njele kushinga tjakafanila mu mesho e mmwe ne mmwe.

Gadzanani; musizwikudze, koga muzwishanganye ne be tjimo tjipasi mu butjilo, musitongo zwitola kuti makatjenjela moga.

Kwakakwagwa muhwalo kuti, “Tjita tjitjo ha tjina zhala, utjipe zojiwa; ha tjina nyota, utjipe vula tjing'we; ngobe ngothama ikoku unowobe ubutitika masimbe anothuta mu nsholo uwe.”

Kombolelani banomudziyidza, mubakombolele musibalonge bhiso. Shathani ne bakashatha, lilani ne banolila.

Ipani bagalimoyo zwabanosheta, muzwiwolobedze kuamutjila bezi mu mizi yenyu.

Koga se mu mbili nng'ompela tina ndungululo njinji ngono ndungululo idzedzi dzose dzina mishingo yakasiyana. Ndizo nenguba tili banjinji, ti mbili nng'ompela muna Kirisiti, koga mmwe ne mmwe i ndungululo ye mmwe.