Numeri 14 నుండి ప్రసిద్ధ బైబిల్ శ్లోకాలు

షేర్ చేయి

Musani kuhlubuka Simakadze, futsi ningabesabi nalabantfu balelive, ngobe sitabagwinya. Sivikelo sabo sesihambile, kodvwa Simakadze unatsi. Ningabesabi.”

‘Simakadze uyephuta kutfukutsela andze ngemusa, atsetselele sono nekuhlubuka. Noko lonelicala akamshiyi angakamjezisi; yena ujezisa bantfwana ngesono saboyise situkulwane sesitsatfu nesesine.’

Nangabe Simakadze asitfokotela, utasihola, siyewungena kulelive leligcwele lubisi neluju lwetinyosi, asiphe lona.

Kodvwa njengobe inceku yami Khalebi anemoya lowehlukile futsi ungilandzela ngenhlitiyo yakhe yonkhe, ngitamngenisa kulelive laya kulo, nebatukulu bakhe bayawulidla libe lifa labo.

Ngako-ke batjele utsi: ‘Simakadze utsi: Ngifunga kuphila kwami kutsi ngitakwenta kini tona kanye leto tintfo benginive nitisho.

Simakadze wakhuluma kuMosi, watsi: “Labantfu batawuchubeka nekungedzelela kuze kube ngunini? Batakwala kukholwa ngimi kuze kube ngunini, etikwaletibonakaliso temimangaliso lengitente kubo?

Onkhe ema-Israyeli asola boMosi na-Aroni atsi kubo: “Kube samane safela eGibhithe nome ehlane.

Joshuwa, umsa waNuni, naKhalebi, umsa waJefune, lababehambe nalamadvodza labeyewuhlola lelive, badzabula timphahla tabo, bakhuluma kulesive sonkhe sema-Israyeli, batsi: “Lelive silihambe lonkhe, silihlola; salikhandza kutsi lihle kakhulu.

Kodvwa ngiyetsembisa ngitsi ngifunga kuphila kwami nenkhatimulo yami legcwele umhlaba wonkhe, kute nome munye walabantfu lababona inkhatimulo yami netibonakaliso letiyimimangaliso lengatenta eGibhithe nasehlane kodvwa bangete bangilalela, bangilinga emahlandla lalishumi, kute namunye wabo loyawulibona lelive lengafunga ngalo kuboyisemkhulu kutsi ngitabanika lona. Kute namunye lotalibona kulabo labangedzelela.