Miq 4 నుండి ప్రసిద్ధ బైబిల్ శ్లోకాలు

షేర్ చేయి

Wichi iyhäj ihänlhi t'at laka dios lhayis. Mat n'amel wet y'ahänhilhila Lhawuk Dios yämlek tiyäj'attsiy.

Wujla'pe wichi tä yohlak, “Mäh n'ekhen, n'ahoye Lhawuk laka chenaj, häp Jacob laka Dios Lew'et, häpkhilek lham tä ichufwenla n'amejen lhämtes yämthilek y'awoye t'at.” Tsi Lhawuk lechufwenyaj tälhiyela Sión, wet lhämtes tälhihola Jerusalén.

Häp ifwalas tä ilepese, häp chenaj tä Lhawuk Lew'et i'pe häpkhila chenaj tä inu'pe nilhokej chenhas tä atoschephä, wet õyenla häpeya chenhas laka niyat. Wet nilhokhiyeja wichi tä i'pe honhat nämhiyela.

Lhawuk itetshanhila m'ak tä iyej wichi tä i'pe honhat tä takhajayhen, wet isyenla alhoho. Wet lhamel lefwajnhates yenla häpeya lechumetcha tä isajeji lakäsw'et, wet lehunis yenla häpeya lechumetcha tä yistejen hup. Nemla iche wichi chik tachumhiyela laka'tshayajchal yämthilek ilänejen iyhäj, wet nemla lhaichufwenejen n'oka'tshayaj lakey.