Ec 7 నుండి ప్రసిద్ధ బైబిల్ శ్లోకాలు

షేర్ చేయి

Man̈ c'unoc cab' scot cowlec, yujto a jun owl cha, yic eb' may snab'en yaji.

Toto wach' cajc tzquila, ca'c tzaljoc qui c'ojol; palta toto man̈ wach'c cajc tzquil jun, qui nac wal si'mb'il, to a Dios 'ixta tz'utn chac'aj tic. An̈ 'anman̈ec tic, man̈ cojcoquec tas tzqui chajec qui b'a yet' 'a cojltac.

Wach'xam a yic tz'el yich junc tas janc'n̈ej tzaljc'ojlal, palta ax yic tzb'o 'el'chi, yel xo niwn tzaljc'ojlal 'a jun c'u cha. Toto 'emmquilal tzcutjec qui b'a, yel xo wach' quiquec 'a yib'n̈ pax to cob' tzquijec chan̈ qui b'a.

Palta may junc on̈ec caw tojl qui b'eyb'al 'a yolyib'n̈q'uinl tic, yic to may 'aj tz'och qui mulec.

A jelnal cha, tzcolwj 'ayn̈ec 'icha scolwj q'uen tumin, palta yel xo wal wach' jun jelnal cha, yujto tzon̈ yijec b'ey 'a junc'ojlal.

Yel xo wach' to wach' qui b'inaxec 'a yib'n̈ pax to su'q'ui ye'c qui jab' yet' perjuma. Yel xo wach' jun c'u yic tzon̈ chamec, 'a yib'n̈ pax jun c'u yic tzon̈ 'aljec.

Yel xo wach' toto tzqui chajec cab' tennb'il tzyac' junc mach 'ay snab'en, 'a yib'n̈ pax to tzon̈ cob' yalc wach'l junc may snab'en.

Yel xo wach' yic tzon̈ 'atc tan̈j 'ac'wl 'a 'aj tz'och chamel, 'a yib'n̈ to tzon̈ 'atc can 'a q'uin̈, yujto a chaml cha, to quiquec yaj qui masnil. Wach' toto tzqui nac 'a yib'an̈ yic pitzn on̈c to.

A eb' 'ay snab'en, tzna eb' yuj schamel, ax eb' may snab'en, a 'a q'uin̈ 'ayb't snab'en eb'.