Ec 4 నుండి ప్రసిద్ధ బైబిల్ శ్లోకాలు

షేర్ చేయి

Wach' toto tzmol munlj chawn̈oc 'anma', 'a yib'n̈ junc mach tzmunlj sch'ocoj, yujto niwn tas tzyij eb' 'a smunljel 'ixta'. Toto tz'ejm junoc, ax junx chi tz'i'n cha'an̈. Ax pax jun sch'ocj cha, toto tz'ejmi, toc 'ayt mach 'oj 'i'noc cha'an̈.

A junc mach sch'ocoj, yajn̈ej tz'ajx ganar yuj junc 'ajc'ojol, palta ax yic chawn̈ sb'ey eb', tztac' ste'wtzan sb'a eb', 'icha junc lasu 'oxe yol sat, man̈ comnoc tzn̈i'chji.

An̈jtona toto 'ay chawn̈oc 'anma junn̈j tzwayi, tzmol 'a'j eb' sq'uixnal 'a jun jun. Palta ax junc mach sch'ocoj, may tz'aj sq'uixnj cha'an̈.

Palta an xo tic tzwal pax 'ixtic: Yel xo wach' jab' wal tas 'ay 'ayn̈ec toto tzaljc'ojlal cajec, 'a yib'n̈ to cob' niwn tas 'ay 'ayn̈ec, palta yel xo tzquixtjec qui b'a qui sayni, xin chi.

Xwiln paxi, 'ay 'aj caw tzcob' quixtquec qui b'a qui munlji yic tzcob' qui nib'noquec q'ue'ch qui b'a yet' tas 'ay 'ayn̈ec. Nab'an̈ej jun tzon̈ munljel cha, yujto lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Yel xo wach' yic junc win quelm to meb'a to 'ay snab'en, 'a yib'n̈ pax junc win rey 'ichm xo to may snab'en, man̈xtzac schaj yab' junc nab'en.