Ec 3 నుండి ప్రసిద్ధ బైబిల్ శ్లోకాలు

షేర్ చేయి

Smasnil tas 'ay 'a yolyib'n̈q'uinl tic, 'ay sc'ual yet' yorail yet'i

'Ay yorail 'aljelal, 'ay pax yorail chamel. 'Ay yorail yawx junc tas, 'ay pax yorail sto'x cha'an̈. 'Ay yorail smilx 'anma', 'ay pax yorail yan̈txi. 'Ay yorail sma'x 'ejm junc tas, 'ay pax yorail sb'ox cha'an̈.

'Ay yorail yoch 'oq'uel, 'ay pax yorail yoch tze'ej. 'Ay yorail yoch cusc'ojlal, 'ay pax yorail yoch q'uin̈. 'Ay yorail sjulx puc q'uen q'ue'en, 'ay pax yorail si'x monto q'ue'en. 'Ay yorail la'jb'a, 'ay pax yorail ma'ay.

'Ay yorail tzjat junc tas, 'ay pax yorail snipxi. 'Ay yorail sictac tzon̈ 'ajec, 'ay pax yorail tzon̈ paxtinec. 'Ay yorail 'ay chamc'ojlal, 'ay pax yorail chacjb'ail. 'Ay yorail yoch owal, 'ay pax yorail yoch junc'ojlal.

'Ay yorail sayx junc tas tzsati, 'ay pax yorail man̈xtzac sayxi. 'Ay yorail smolx junc tas, 'ay pax yorail sjulx 'eli.

'Ix wojcan 'eli, to a smasnil tas b'ob'il yuj Dios, 'ayc'n̈ej 'a smasnil tiempo. May tas tztac' ca'nec 'och stz'acub', matz tac' pax qui'nec 'el jab'oc. A Dios 'ixta x'utni, sec wach' tzon̈ 'ochc 'emmquilal 'a 'a.

Yuj cha, tzin nan 'ixtic: A Dios 'oj qui b'eyc'ojlanec an̈ 'anman̈ec tic, wach'xam wach'n̈ec mto may qui ch'olnilec, yujto a smasnil tas yet' tas tzlaj uji, 'ay sc'ul 'oj b'eyc'ojlaxoc, xin chi.