Núm 16 నుండి ప్రసిద్ధ బైబిల్ శ్లోకాలు

షేర్ చేయి

Jak'a wi ri Jehová kan xtuben jun banobel ri man jun bey k'uluwachitajineq y ri ruwach'ulew nijaqatej richin yerubeq' ri winaqi' ri xemakun kachibilan ronojel ri k'o kik'in y kan k'a e k'es na k'a toq xkebeqaqa chuxe' re ruwach'ulew, wi keri' kan xtiwetamaj k'a ri' chi re achi'a' re', jari' ri xeyako royowal ri Jehová, xcha'. Y kan xaxe k'a xtane-qa chi ch'owen ri Moisés, kan jari' toq xch'aratej ri ruwach'ulew chikixe' ri winaqi' ri', y ri ruwach'ulew kan xch'aratej k'a y xerubeq' ri Coré y konojel ri aj pa rachoch y ronojel ri beyomel ri k'o kik'in.

K'o k'a jun achin richin ri tzobaj richin ri Leví, rubini'an Coré, ruk'ajol ri Ishar ri rijatzul ri Quehat. Y ri Coré ri' ek'o k'a e oxi' chik rachibil ri e richin ri tzobaj richin ri Rubén, ri kibini'an Datán, Abiram ri e ruk'ajol ri Eliab, y chuqa' ri On ri ruk'ajol ri Pélet. Rije' xjunamatej k'a kiwech kik'in e 250 achi'a' ri e kiwinaq, achi'a' ri kan e aj-na'oj y e cha'on richin ye'ok aj-raqen. Y konojel rije' xeyakatej k'a chikij ri Moisés y ri Aarón.