Ex 5 నుండి ప్రసిద్ధ బైబిల్ శ్లోకాలు

షేర్ చేయి

Y k'ari' ri Moisés y ri Aarón xe'apon chuwech ri rey y xkibij chire: Ri Jehová ri Dios richin ri Israel, kere' ri rubin-pe: Taya' q'ij chire ri nutinamit richin niberubana' jun nimaq'ij chuwe yin ri pa tz'iran ruwach'ulew, chayineq-pe, xecha' rije'.

Roma xa kan xaxe toq xibe rik'in ri rey, richin yich'on pan abi' rat, kan jari' k'a toq xunimirisaj ri tijoj-poqonal pa qawi' roj ri oj atinamit y rat k'a man jani oj akolon ta el, xcha'.

Toq xkak'axaj re', jari' toq ri Moisés xbech'on rik'in ri Jehová y xubij: Ajaw, ¿achike roma janila ye'aya' pa tijoj-poqonal re tinamit re'? ¿Roma re' toq xinateq-pe?

Jak'a ri rey xubij: ¿Achike chi Dios ri Jehová richin chi ninwak'axaj ri nubij y ninya' q'ij chire ri tinamit Israel richin nibe? Yin man wetaman ta ruwech ri Jehová, ni man xtinya' ta q'ij richin ri tinamit nibe, xcha' chike.

Y man tiqasaj ri rajlabal ri xan. Xa tikibana' achi'el ri kibanon-pe ronojel q'ij. Roma xa yalan kiq'oral, roma ri' yesik'in richin nibekisuju' kamelabel chire ri ki-Dios. Tinimirisaj k'a ri ilinri'il pa kiwi' richin nibe kik'u'x rik'in ri kisamaj y man tikak'axaj ri tz'ukun-tzij ri niban chikiwech, xcha' ri rey.