Tabij chike ri awinaq chi tikik'ama-pe aceite jebel ch'ajch'oj, aceite richin olivo ri yitz'on y jari' ri xtikiya' chupan ri taq candil ri yebe pa ruwi' ri candelabro. Ja ri Aarón y ri e ruk'ajol ri xke'ilin-apo ri candil ri yetzije' chuwech ri Jehová, toq niqaqa ri q'ij k'a ri nimaq'a' richin ri jun chik q'ij. Re candelabro re' xtik'oje-pe re juk'an chire ri peraj tzieq ri tasayon rupan ri wachoch, ri k'o-pe chuwech ri káxa richin tununri'il. Y re' kan jun pixa' ri richin jantape' y kichin ri iwijatzul ri xkepe chi wiq chi tanaj.