Rɔmënyüü 12 నుండి ప్రసిద్ధ బైబిల్ శ్లోకాలు

షేర్ చేయి

'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.

'Na ‑wlajü 'amɩ, Nyɔsʋaa nayatɛrɩa ‑gʋ 'n bibie 'amɩ, 'ba ‑nyɩ 'ɔɔn 'ana nyüfë ‑beere 'lɩbägbɔsadɛɛ ɛnyɩa' ‑fre pa ‑bɛ ɛ 'naa' Nyɔsʋaa ‑gʋ. 'A 'tasɩrɩa nyɔsʋabibiekʋ.

A dɔrʋ 'bla 'amɩ 'a jre dɛɛlɛ 'naa' Nyɔsʋa tɛrɛa' 'amɩ ‑sraakäpɩa ‑gʋ. 'Ba kpʋkplɔmlɩ ‑sʋɩa 'mlɩ, 'anyɩ ‑sɩa nyɔsʋabibiekʋa ‑gʋ.

'Anyɩ 'cɛrɛ ‑balʋ ‑wälɩ 'unyɩ ‑sie 'amɩ 'lɩ ‑maa 'ba nʋ 'cɩcagbi 'ba du ‑balʋ.

'Ba nʋ 'ana plɛa 'fɩɔ 'ba ‑wawla ‑beere ‑wlajü. 'Amɔ ‑kätɩ 'ba ‑täträlɩ.

'Ana ‑wawlakʋ 'nyɩ bä ‑glaaklɩ. 'Ba jrara ‑balʋ 'nyüa 'mlɩ, 'kä 'a nö i 'naa' ‑a 'doo.

Ima 'wʋ 'iin 'klɩ nɩ, 'ba nyra nyüüa 'fɩɔ 'nönröwli.

'Na ‑wawanyüü 'amɩ, 'ana 'mʋgbɛ 'nyɩ ‑fu ana 'wlia tou, 'ba 'cɛrɛ Nyɔsʋaa 'crɛ ‑wälɩ ɛ ji. 'I ‑jɩjra: 'Pläkänyɔɔ nɩnɩa: «'Mɔɔ ‑fuuö 'ana 'wli 'lɩa tou. 'Nyaa 'ua 'kpa 'saa.»

'Ba kli, 'anyɩ ‑fɛ; 'ba kä 'klü 'ana bobowlia 'mlɩ ‑bɛ 'ba ‑fɛ 'Pläkänyɔɔa 'jrʋpa.

Nyɔsʋaa ‑gbinanakʋlʋ ɔ ‑nyɩa' 'mɩ nɩ, 'ua 'nyrɩklɩa ‑gʋ, 'n ‑gbala 'amɩ 'doorodoo: 'ana bobowli 'nyɩ 'jrara 'amɩ ‑gböösa 'inyɩ ‑sie 'wli, ‑maa 'ba jre 'ana kʋfa. ‑Moloo ma bälɩ ɔ 'jä 'ɔa nyɔsʋaplɛtorokʋlʋ Nyɔsʋa ‑nyɩa' 'ɔɔn 'kä 'ɔ nö 'ia 'sa.

'Anyɩ nʋ ‑balʋ 'anyɩ 'sa ‑balʋa 'kpa. 'Ba 'bata wiili nyüüa 'fɩɔ 'daaa' i 'naa' 'ia nʋnʋkʋ.

'Ba 'nönröwli. 'Anyɩ bɔtɔ ‑tɔklʋ, ‑maa abɩa 'ana bobowli bɩara dɛɛlɛ 'ünyɩ 'daraa' dɛɛ a 'pɛlɩ. 'Anyɩ bobo ‑maa 'a jre wii .

‑Maa, ‑gbëka ma 'bla ‑na 'nyüamlɩjraranyɔɔ nɩ, ‑nyɩ 'ɔɔn jijri; 'mamlatʋ ma 'bla 'ɔmɩ nɩ, ‑nyɩ 'ɔɔn ɔ 'mla. ‑Ama nʋ 'saa nɩ, 'i ‑beere 'sɩrɩ ‑paaplaa' kaprajruu ‑gba ‑bɛ ‑tʋa' 'ɔa 'wli .

'Ba 'pa nyüülü nöa' 'amɩ ‑gbi ‑gba 'nɩ, 'anyɩ busu 'üün ‑maa 'ba 'pa 'üün 'nɩ. 'Ba nyra nyüülü dɔrʋ 'blaaa' nʋ dɔrʋ; nyüülü 'wuöa' 'ba nyra 'üün 'wu.

'Ba ji Nyɔsʋaa 'nyünanyüü ‑gba. 'Ba 'kʋɛɛlɩ 'mʋfasa nyüülü jöa' 'ana ‑nyɛɛ.

'Be fugbalä a 'klaaa' 'ä bä 'döö ‑maa 'äa ‑gbaa dii ‑sümlö, 'ia 'fɩɔ 'nyɩ 'jrʋpa 'döö ‑a kä. 'Asɩ a ‑sümlö ‑maa a bä nyɔɔ 'doo 'Kriisë 'lɩ, ‑bɛ ‑moloo bä ‑molooa 'pɛ.