ዮሃንሳ ምሽራቹዋ 17 నుండి ప్రసిద్ధ బైబిల్ శ్లోకాలు

షేర్ చేయి

ኔን ቱማተን ኡንቱንታ ነዋንታ ኦ፤ ነ ቃላይካ ቱማተ።

አሳይ ኔና እት ቱሙ ጾሳ ግዴዳዋ ኤራና ማላነ፥ ቃይ ኔን ኪቴዳ የሱስ ክርስቶሳ ኤራና ማላ፥ ሀዌ መና ደኡዋ።

“ታን ኡንቱንቱ ጻላላዉ ዎስከ፤ ሽን ኡንቱንቱ ቃላ ኦድና፥ ታና አማኔዳዋንቶካ ዎሳይ። ኡንቱንቱ ኡባይ እቱዋ ግዳና ማላ፥ ታን ዎሳይ። አዎ፥ ኔን ታ ግዶን ደእያዋዳን፥ ቃይ ታንካ ነ ግዶን ደእያዋዳን፥ ኡንቱንቱ ኑ ግዶን ደኢኖ። ቃይ ኔን ታና ኪቴዳዋ አላሚ አማናና ማላ፥ ኡንቱንቱ እቱዋ ግድኖ።

ኔን ጻላህያፐ ኡንቱንታ ናጋና ማላ ዎስያዋፐ አትን፥ አላምያፐ ከሳና ማላ ዎስከ።

ኔንነ ታን እቱዋ ግድያዋዳን፥ ኡንቱንቱ እቱዋ ግዳና ማላ፥ ኔን ታና ቦንቼዳዋዳን፥ ታንካ ኡንቱንታ ቦንቻድ። ታን ኡንቱንቱ ግዶን ደእና፥ ኔን ታ ግዶን ደእና፥ ቃይ ኔን ታና ሲስያዋዳን፥ ኡንቱንታካ ሲቆዋነ ኔን ታና ሀ አላምያ ኪቴዳዋ አላሚ ኤራናዳን፥ ኡንቱንቱ ኡባ እቱዋ ግድኖ።