Kirjeine rimalaižile 12 నుండి ప్రసిద్ధ బైబిల్ శ్లోకాలు

షేర్ చేయి

Algat otkoi henghe necen mirun elonveroid, a vajehtagatoiš, uzištagat ičetoi mel՚t, miše tedištaižit, midä tahtoib Jumal, mi om hüvä, mi om hänele mel՚he da om mugoine, kut pidaiži olda.

Jumalan suriden armoiden tagut pakičen teid, velled: Antkat ičetoi hibjad eläbaks, pühäks da Jumalale mel՚hižeks žertvaks. Muga tehtes tö tozi-ki služit Jumalale.

Hüviš meliš nadeigatoiš Jumalaha, tirpkat kaik ahtištused, loičkat väzumata.

Ala anda pahale olda väges sinun päl, a vägesta paha hüväl.

Armastagat toine tošt muga lämäs kut velled, pidägat toine tošt korktembas arvos mi ičtatoi.

Olgha teiden armastuz-ki puhthas südäimespäi. Algat navedigoi pahad, püžugat hüvüdes.

Ku muga voiži da ku nece ripub teišpäi, ka elägat kožmuses kaikidenke.

Algat iče makskoi pahal nikenele, a jätkat sija Jumalan vihale. Ved՚ om sanutud Pühiš Kirjutusiš: «Minun om namestuz, minä maksan tegoiden mödhe, sanub Ižand».

Algat näivištugoi siš, midä teget, palagaha teiš Hengen lämoi Jumalan täht.

Jumalal anttud armoil minä sanun teile jogahižele: algat libutagoi ičtatoi korktemba, mi pidab, a vaiše sen verdan – ičetoi uskondan mödhe, kudamban Jumal jogahižele teišpäi om andnu.

Algat makskoi nikenele pahas pahal. Naprigat tehta sidä, mi om hüvä kaikiden sil՚miš.

Olgat kesknetoi üks՚meližed. Algat lugekoi ičtatoi korktemba toižid, olgat peniden rindal. Algat lugekoi ičtatoi lujas melekahikš.

Sanutas i ninga: «Ku sinun vihanik om näl՚gäs, söta händast, ku om vezinäl՚gäs – jota händast. Tehtes muga sinä keradad palabid hilid hänen pän päle.»

Blahoslovigat teiden küksijoid, blahoslovigat, a algat oigendagoi Jumalan vihad heiden päle. Ihastugat nenidenke, kenel om ihastust, voikkat ühtes voikajidenke.

Abutagat mairhes olijoile jumalanuskojile, olgat adivoičetajad.

I muga kut meil om üks՚ hibj i siš om äi paloid, kudambil om ičeze tegoid, ka mö-ki kaik Hristosas eläjad olem üks՚ hibj, a eriži mö kaik olem toine toižele sen hibjan palaižed.