Joannan ezmäine kirjeine 2 నుండి ప్రసిద్ధ బైబిల్ శ్లోకాలు

షేర్ చేయి

Algat armastagoi mirud i sidä, midä mirus om. Ku ken-ni armastab mirud, hänes ei ole sijad Tatan armastusele. Sikš ku midä mirus om: hibjan himod, sil՚miden tahtod da elon kitändad, kaik nece om miruspäi, ei Tataspäi.

Mir dai sen himod kadoba, no ken eläb Jumalan valdan mödhe, eläškandeb igän.

Sille, ken sanub, miše püžub Iisusas Hristosas, pidab eläda muga, kut eli hän.

Armhad lapsed! Kirjutan necen teile, miše tö et tegiži grähkid. A ku ken tegeb grähkid, ka meil om Tatan edes Polestai, Iisus Hristos, Tozioiged.

Ken sanub, miše tundeb Iisusan, a iče ei elä hänen käsköiden mödhe, ka hän om kelastai, i hänes ei ole tot.

Ka kut mö voim tedištada, tundem-ik Iisusad? Mö tundem händast, ku eläm hänen käsköiden mödhe.

Ken sanub, miše hän om päivänvauktas, a iče kandab vihad vellen päle, se om völ pimedas.

Ka kenak sid՚ om kelastai, ku ei se, ken sanub: Iisus ei ole Hristos? Mugoine mez՚ om antihrist, hän om hül՚gäidanu kut Tatan, muga Poigan-ki.

Ken hül՚gäidab Poigan, hänel ei ole Tatad-ki, no ken sanub, miše hän om Poigan läheline, hänel om Tat-ki.