Иоанн 19 నుండి ప్రసిద్ధ బైబిల్ శ్లోకాలు

షేర్ చేయి

Уксусэз веръям бераз Иисус шуиз: «Быдэсмиз!» Но йырзэ мыкыртӥз, лулзэ сётӥз (Инмар кие).

Та бере Иисус, ваньмыз быдэсмиз ини шуыса тодэмез бере, Священной Гожтэмысь веран мед быдэсмоз, «Сюэ куасьме» – шуиз.

Анайзэ но татын сылӥсь яратоно дышетскисьсэ адӟыса, Иисус Анаезлы шуиз: «Анай! Тани Тынад пиед». Собере дышетскисезлы шуиз: «Тани тынад Анаед!» Та дырысен дышетскись Сое дораз басьтӥз.

Нош Иисус доры лыктыса адӟизы, Со кулэмын ни, соин ик Солэсь пыдъюмылъёссэ ӧз пыргытэ. Солдатъёс пӧлысь одӥгез Солэн урдлы висказ шибодыен бышкалтӥз но, соку ик вирен ву вияны кутскиз.

Священной Гожтэмын веран быдэсмиз: «Одӥг лыэз но Солэн медаз пырды». Мукет интыын но Священной Гожтэм вера: «Кинэ бышкалтӥзы – Со шоры учкозы».

Аслэсьтыз кироссэ нуыса, Со «Кымес», еврей сямен Голгофа, шуон интые потӥз.

Тёрнпулэсь йыркерттэт пуныса, солдатъёс Солэн йыр вылаз изьыязы. Нап-горд басмалэсь шобыр дӥсязы