Rom 6 నుండి ప్రసిద్ధ బైబిల్ శ్లోకాలు

షేర్ చేయి

Ábuki bajaam bite kaahoofoor beemo fu eket i; bare b'Atambatun bamb'awun fuufu beemo fu buroŋ béehabanaariit bu iŋi naane úhine i t'afeeneŋ ni Yesu *Kiris Anahaan ite úne.

Kaahoofoor ku kuroŋut kabaju t'aruun sembe, ábuki *Eluwa yite Moyis eŋkut ékiniuun, bare kajaku k'Atambatun kaŋk'áwufooruun kíkiniuun fu hahiye.

Náami ti kaboste ku, úketaket ni Kiris, abe n'úhokee ne o, kaanuku naane aritanee i t'eket i ti sembe site Faaf u séenike su, úne yooŋ buroŋ bite b'úne ni bíyemi bíyeni.

Atum'aŋk'árisik siniuun arisaan kaahoofoor ku, kaanuku iŋi sibin síhin meejakut mu. Árisik so arisaan Atambatun naane bakan keeritanee t'eket i, abe n'árihabanein fe tu burok boone, aŋ'aribin árihin beejoŋoore bu.

Úmoomi kaanuku manoŋkar mite m'úne mítiyar mu mitibeetib *t'ekuruwa i ni Kiris, kaanuku man kaahoofoor keeemo ku ti sini site s'úne nu kúbujarooree, utum'uŋk'úyemi búsukateen bite te ko.

Náami aruun yooŋ árihin iye: ti kaahoofoor ku, arijokooro naane bakan keekete, abe n'arijokooro naane bakan keeroŋe bija t'Atambatun iŋi naane árihine i t'afeeneŋ ni Yesu Kiris.

N'úene yooŋ buŋ? N'úboo fíya kakinu tu wuhoofoor wu kaanuku man kajaku k'Atambatun kaŋk'áwufoor úne ni kihaŋ? Mánoman aaa! Ti kaahoofoor ku, úne bakan keekete. Buŋ b'úyinie fu kasooñu úkin te ko?

Árimeyiit kaanuku af'árisik kikawuun arisaan ake, abe n'aŋ'arijam te o, áriyemia búsukateen boone? Hahiyu arijuk, man áriijeŋgin kaahoofoor ku kiŋki kibin n'eket i, man yooŋ áriijeŋgin Atambatun, abe n'aŋ'ajokuun bakan kéejube.

Bare úene Atambatun eyeehen: aruun kéeyemie ku hítiyar hu búsukateen bite kaahoofoor ku, arijokajok hahiye árihabanein tu múniyo m'ariliikenee mu. Aŋkut áriyemi búsukateen bite kaahoofoor ku; áriyemia búsukateen bite Atambatun kaanuku áriihin buroon beejoŋoore.