1
Rom 12:2
Kwatay (Kuwaataay)
cwt
Atum'ariliikool ni máhinar mite mu bakate ku t'etaam ye; ariwas Atambatun eewunuun biyinoor bíyeni, man n'áriyemi bakan kíyeni. Af'árihin iyu, n'aŋ'áriyini kánandin b'ámaŋie bu. Bo beemo fu beejake bu, ni beetoofo bu, ni beekuure bu but.
సరిపోల్చండి
Rom 12:2 ని అన్వేషించండి
2
Rom 12:1
Náami kújakuwe, makamu Atambatun aŋ'ayubiyen úne dómbokun, íñj'endu ti kaanuuun waasi, ariwuno siniuun naane *kaasarah keeroŋe, keenabe yooŋ, abe nu kutoofo. Iyu a ariwaro fu kasayi ti hiñaawu nu múniyo.
Rom 12:1 ని అన్వేషించండి
3
Rom 12:12
Kikawuun kutoof iŋ'ite eyakar y'aribaje i. Árimuñ ti sílaam sans'arijuk, abe n'aŋ'áriñiŋkaan ti kalawu ku.
Rom 12:12 ని అన్వేషించండి
4
Rom 12:21
Atum'ariwas meejakut mu meehaŋuun sembe. Arijaaŋo mo ti káhinu kite meejake mu.
Rom 12:21 ని అన్వేషించండి
5
Rom 12:10
Árimaŋioori naane bakati. Árihabanein ti kájeŋgin kite bakaaku.
Rom 12:10 ని అన్వేషించండి
6
Rom 12:9
Kámaŋi koonuun kíyemi kite nu múniyo. Ariteñeko meejakut mu, abe n'arijok ti meejake mu.
Rom 12:9 ని అన్వేషించండి
7
Rom 12:18
Af'aribaj bítim, árihin wáhowah ariijamoor n'ésuk i fe.
Rom 12:18 ని అన్వేషించండి
8
Rom 12:19
Kújakuwe, aruun k'ímaŋie-maŋie ku, atum'aŋ'arinukan aruun kumuumuun t'an éehinuun meejakut, bare ariwas Atambatun eebin eenij te o, ábuki Atemit aanaan ti *Míkiñjin mu: «Íñje ija fu kanukan ku, íñje yooŋ ija fu kabatikaniin doon di karoke du.»
Rom 12:19 ని అన్వేషించండి
9
Rom 12:11
Áriyemi éñiŋkaana, abe atum'áriyemi biñek. Ñúwejet ñooniin ñíhabanein tu burok bite Anahaan u.
Rom 12:11 ని అన్వేషించండి
10
Rom 12:3
Makamu Atambatun áwufooramwufoor kajaku koone, iisokuun bonde arireyi fe: an t'aruun atum'ayitooro. Árimeyi kep buŋ b'ariemo fu ariike, huruw fe t'aruun aliik ti káyilen k'Atambatun awuno ku.
Rom 12:3 ని అన్వేషించండి
11
Rom 12:17
An af'áhinuun meejakut, atum'aribatikano meejakut. Ariŋes káhinu b'ésuk i fe eene bu bijakajak.
Rom 12:17 ని అన్వేషించండి
12
Rom 12:16
Arijok ésuk i fe kare. Atum'ariyitooro, bare arijokoor ni bakan keejokutee ku doon fe. Atum'arijokooro bakan kéewesinatee.
Rom 12:16 ని అన్వేషించండి
13
Rom 12:20
N'asooñ yooŋ aane: «Anatoora úuwe af'ajoñjolat, a̱wuno eeñoofo; búhujo nu bujoko, a̱wuno éehujo. Af'á̱hin iyu, anokooreenokoor kite awe á̱sike kíjeget kéetife a̱naŋ ti hikawo.»
Rom 12:20 ని అన్వేషించండి
14
Rom 12:14-15
Arilaw Atambatun éesoniyan kiŋki káhihinooruun; arilawo éesoniyaniin, atum'arieno áwuumiin. Aritoofan ni keeemo ku ti katoofu ku, abe n'ariyiy ni keeemo ku ti biyiy bu.
Rom 12:14-15 ని అన్వేషించండి
15
Rom 12:13
Áriyokunan bakanuun kéeyilene ku keebaje ku bisawula, abe n'aŋ'arijok áwariee kiŋki kawanan t'aruun.
Rom 12:13 ని అన్వేషించండి
16
Rom 12:4-5
Eni yite húŋgowulan efeeneŋ, bare ebajabaj buroon beehooje, abe dóonodoon fe nu burok bite te do. Iyu yooŋ u úemo fu: naane úhooje i fe, úmoomi naane eni efeeneŋ, ábuki úhinahin t'afeeneŋ ni *Kiris. Újokoorajokoor naane buroon beeemo t'eni efeeneŋ.
Rom 12:4-5 ని అన్వేషించండి