Nūmela 16 నుండి ప్రసిద్ధ బైబిల్ శ్లోకాలు

షేర్ చేయి

Kae kāfai e fai e te ALIKI he mea e fōu kātoatoa, e vē ko te fakamaga ake o te gutu o te kelekele ma tafolo uma kilātou fakatahi ma nā mea uma a lātou, ma ōifo ola ai lava ki lalo ki te lalolagi o tagata oti, oi ka iloa ai e koutou, ko nā tino iēnei kua teteke ki te ALIKI.” Na uma atu lava te tautala o Mohe i nā kupu iēnei, kae matala ake te gutu o te kelekele i lalo o Tatana ma Apilama, ma folo uma kilāua ma o lā kāiga, fakatahi ma te kāuga nae mulimuli kia Kolaha ma a lātou meatōtino uma.

Ko Kolaha te ataliki o Ihala, mai te kaukāiga ha-Levī o Kohati, na fakatuikehe ma teteke kia Mohe. Na kau fakatahi ma ia ni tāulelea e toka tolu mai te puikāiga o Leupena—ko Tatana ma Apilama nā ataliki o Eliapo, ma Ono te ataliki o Peleti—ma ni tino Ihalaelu e toka 250, ni takitaki lauiloa na filifilia mai te fakapotopotoga o tagata Ihalaelu.