Kenehe 27 నుండి ప్రసిద్ధ బైబిల్ శ్లోకాలు

షేర్ చేయి

Ke fōki atu e te Atua te hau mai te lagi, ke fakalelei ai ō kelekele, ma ke fōki atu ni haito ma ni uaina e lahi. Ke fai iētahi mālō ma kaukauna kia te koe, ma ke ifo atu kia te koe ia tagata uma. Ke kavea koe ma pule ki nā uho uma o koe, ma ke ifo atu kia te koe nā ataliki o tō mātua. Ke fetuku kilātou e fetuku atu kia te koe, ma ke fakamanuia kilātou e fakamanuia atu kia te koe.”

Kua lea atu ia Ehau, “Ko te fakalua tēnei oi fakavalea au e ia. Hētioa ko tona igoa ko Iakopo. Na ia kavea toku tofi ulumatua, ma ko tēnei foki kua kave e ia toku fakamanuiaga. E hēki kē tāofia lele he fakamanuiaga mo oku?”

Oi na tali atu loa ia Ihaako ki ei, “Kikila, e hēai he hau mai te lagi ki te mea ka nofo ai koe. E hēai ni kelekele lelei mo koe ke ola lelei ai nā mea totō. Ko te pelu lava te ka ola ai koe, ma ka kavea koe ma kaukauna a tō uho; kae kāfai koe e kāmata oi teteke, ko koe la ka hē toe i lalo o tana pule.”

Kua lea atu ia Ehau ki tona tamana, “Toku tamana, e fokotahi oioti lava tau fakamanuiaga? Fakamanuia mai foki kō ma au, toku tamana.” Oi na kāmata ai kua tagi.