Kenehe 1 నుండి ప్రసిద్ధ బైబిల్ శ్లోకాలు

షేర్ చేయి

Oi na vāgana ai te Atua, “Ke fai loa e kitātou ia tagataola ke fōliga kia te kitātou ma ke vē ko kitātou; ma ke pule kātoa e kilātou nā ika o te tai, nā manulele o te ea, nā manuvaefa tauhi, nā manuvaefa tāvao, ma nā meaola fetolofi uma i luga o te laukelekele.” Oi na foafoa ai e te Atua ni tagataola i tona fakatuha. I te fakatuha o te Atua na foafoa ai e ia kilāua; he tamāloa ma he fafine.

Na fakamanuia kilāua e te Atua ma na vāgana vē atu ai te Atua ki ei, “Ke uluola ma ke tokalahi lele aulua fānau ke fakatumua ma ke pule i te lalolagi; ke pule i nā ika o te tai ma manulele o te ea, ma meaola fetolofi uma i luga o te laukelekele.”

I te kāmataga, i te foafoaga e te Atua o te lagi ma te lalolagi ma nā mea uma e iei

ko te lalolagi nae hēai hona tino mai, ma hēai he mea e fokotahi nae iei. I te moana loloto, ko nā mea uma lele nae tatao i te pōuli, ma ko te Agaga o te Atua nae tāmilomilo pea lava i luga o te tai.

Oi na vāgana vē ai te Atua, “Ke iei loa he mālama,” ma na iei ai loa te mālama.

Kua kikila te Atua ki nā mea uma lele na ia faia, ma na fiafia lahi lele ai ia. Kua teka atu te afiafi ma ōtea mai te tāeao—ko te ono tēnā o aho.

Kua kitea e te Atua ko te mālama kua lelei, oi na tuku kehekehe ai e ia te mālama ma te pōuli.

Ma na vāgana ai te Atua, “Kikila, kua kō fōki atua nā itūkāiga lākau uma lele, nā lākau e iei nā fatu e ola i lalo o te kelekele, ma nā lākau i luga o te kelekele e iei nā fatu i olātou fua, ke fai ma meakai a koulua

Kua fakaigoa e ia te mālama ko te Ao, ma te pōuli ko te Pō. Kua teka atu te afiafi ma ōtea mai te tāeao—ko te aho muamua tēnā.

Oi na vāgana ai te Atua, “Ke iei loa he tuāfale fakalāpotopoto ke vāelua ai te huāvai ma ke tūmau ai pea i nā mea iēnā e lua.”

kae mo nā manuvaefa tāvao uma o te laukelekele, nā manulele uma o te ea, nā meaola fetolofi uma lele, nā mea uma e iei te mānava ola, kua kō fōkia ki ei te mutia ma nā lākau lauolaola uma lele ke fai ma a lātou meakai.” Ma na vēnā lava ona fai.

Ma na vāgana ai te Atua, “Ke iei loa ni mōlī i loto o te tuāfale fakalāpotopoto o te lagi, ke tuku kehekehe ai te ao ma te pō; ma ke iloa ai nā fakailoga o te hūiga o te tau, nā aho ma nā tauhaga

Oi na vāgana ai vē te Atua, “Ke ola ake loa mai te laukelekele ia itūkāiga lākau kehekehe uma, ia itūkāiga mutia ma itūkāiga lākau uma e kai” —ma na vēnā lava ona fai.

Ma na fai ai e te Atua he tuāfale fakalāpotopoto, ma tuku kehekehe nā vai i luga ake o te tuāfale fakalāpotopoto, ma nā vai i lalo ifo—ma na vēnā lava ona fai.

Oi na ola ake ai i te laukelekele nā itūkāiga lākau valevale uma e fua mai ai ni fua. Ma na kitea e te Atua kua lelei.

Ma na fai ai e te Atua nā mōlī mālolohi e lua, ko te mōlī e mālohi atu ke pule i te ao; ma te mōlī e hē mālohi lahi, ke pule i te pō; ma na fai foki e ia nā fetū.

Ma na vāgana ai te Atua, “Ke tuku fakatahi loa te huāvai i lalo o te lagi ki he mea e fokotahi, ma ke hula ki luga te kelekele mātūtū”—ma na vēnā lava ona fai. Kua fakaigoa e te Atua te kelekele mātūtū ko te “Laukelekele” ma te huāvai kua tuku fakatahi ko te “Tai.” Ma na kitea e te Atua kua lelei.

Kua fakamanuia e te Atua kilātou uma ma vāgana vē atu ki ei, “Ke uluola koutou ma ke lahi lele ke fakatumu ai te tai, ma ke lahi lele foki nā manulele i luga o te laukelekele.”

Ma na vāgana ai te Atua, “Ke tutupu mai loa i te laukelekele ia itūkāiga mea ola uma lele: nā manuvaefa tauhi, nā manuvaefa tāvao lalahi ma taigogole, ma nā meaola fetolofi uma lele.” Ma na vēnā lava ona fai.

Ma na vāgana ai te Atua, “Ke fakatūtumu loa ia loto o nā vai i itūkāiga meaola kehekehe uma, ma te ea i itūkāiga manulele uma.”

Na fai e te Atua nā itūkāiga manuvaefa tāvao uma lele, nā itūkāiga manuvaefa tauhi uma lele, ma nā itūkāiga meaola fetolofi uma lele. Ma na kitea e te Atua kua lelei.