От Матфея 13 నుండి ప్రసిద్ధ బైబిల్ శ్లోకాలు

Тама̄кут пӣтутыт тыкиткат сюнакыхтакун успутңа̄т югнун нагақӯлъҳӣнунлъю лӣгикилӷӣнунлъю уңипа̄мың. Ынка̄м пӣтысқуӷақут иляңи 100, иляңи 60, иляңи 30».

Тама̄кут пӣтутыт сикуҳлъюхтуқакун сюнакун тыкиткат успутңа̄т китумун алңунак нагақӯлъҳӣмун уңипа̄мың, та̄ўаңинақ тыхылъҳӣлъҳан кияҳта̄ӷусиҳқамың, аклъюңиӷиюлъыҳлъяганлъю пӣтфигиӷақа̄ уңипақ. Тама̄кын апалъюқлъюку пӣтыстиңигатуқ.

Пӣтутыт тумыт ся̄ӷўитхун тыкиткат успутңа̄т китумун алңунак нагақӯлъҳӣмун уңипа̄мың Атаныҳпагулъыӷмың аюқылӷӣмың. Лӣгикынӷилъкагу уңипақ Туӷныӷа̄м тагилюни ўаяҳлъықа̄ тыкитка̄ялӷӣ илюңакун.

Тама̄кут пӣтутыт уйӷахтуқакун сюнакун тыкиткат успутңа̄т китумун алңунак нагақӯлъҳӣмун уңипа̄мың, таўаниңинақ уңипақ тугуклъиқа̄ қуякусиқлъюку. Иўырңа уңипақ илюңани мулюмаңилңуқ қаюҳлъяк акуңылъҳилңуқ. Ынка̄м сыӷлылӣӷьялӷӣми налиӷмың амьюқыта̄ткылъыңьялӷӣми, апалъюқлъюку уңипақ таўаниңинақ ухпықинаниҳтуқ.

«Атаныҳпагулъҳа Қилягым аклъюңистун аюқуқ ӣӷңалӷӣ пӣтысиӷаӷвигми. Югым на̄лъкылъюки ӣнқихтыкӣ. Қуям аңталяңаның, аӷуляқлъюни қамахлъюки сяӷьяни акиклъюки, та̄хкын та̄на пӣтысиӷаӷвик тукфиқа̄».

Иўырңа иляңи пӣтутыт тыкиткат сюнакыхтакун пӣтыстикат зерномың, иляңи 100, иляңи 60, иляңи 30.

Қырңӣта пшеницатлъю, плевелытлъю нагустыки кынляңанун унаталъыҳқамун. Ынан унатаӷьяҳқа̄ҳтыката унатаҳтыт уңипа̄нъа̄ӷанка плевелыт сивукысқылъюки, қыпуӷлюки паныҳсяҳқа̄люки. Ынка̄м пшеницат унатаҳтыслъюки кахпахтысна̄ӷанка кахпагвимнун”».