1
AMSAL 29:25
Alkitab HABA GET
LAIACE
Teumakot ubak peundapat ureuëng laén, akibat jih na kheueh keusosahan. Peucaya ubak TUHAN, teuma gata aman.
2
AMSAL 29:18
Bansa nyang hana meuteumé bimbéngan nibak TUHAN jeuet keubansa nyang peunoh deungon karu. Mubahgia kheueh manusia nyang taát ubak huköm TUHAN.
3
AMSAL 29:11
Ureuëng bangai meunyoe beungéh trang-trang hana jilob-lob, teuma ureuëng bijaksana raya that saba dan geupeuteun beungéh gobnyan.
4
AMSAL 29:15
Deungon teudidek dan teutegah manusia nyan hase jeuet keu bijaksana. Aneuëk nyang sabe teupeupumoh peue nyang jilakée teuma jipeumalée ma jih.
5
AMSAL 29:17
Didek kheueh aneuëk gata, teuma gobnyan geubri keuteuntraman keu gata, dan jeuet keuhiboran keu gata.
6
AMSAL 29:23
Ureuëng sombong teuma geupeumiyueb; dan ureuëng nyang miyueb até teuma geupujoe.
7
AMSAL 29:22
Ureuëng nyang bagaih beungéh teupeusabab manusia jai that nyang meudakwa dan meudesya.
8
AMSAL 29:20
Leubeh le harapan nibak ureuëng bangai, nibak ureuëng nyang jipeugah haba hana jipike-pike.