Mɔl 50 నుండి ప్రసిద్ధ బైబిల్ శ్లోకాలు

షేర్ చేయి

Bɛmɛ ɛdeɛ, ɛnee bɛkpondɛ me nee munzule, na Nyamenle kpondɛle me nee saleɛ, amaa yeara ye zɔhane na mealie menli dɔɔnwo ngoane, kɛmɔ ɛnɛ bɛde la.

Na Dwosefi zele bɛ kɛ, “Bɛmmasulo; na tɛ mame a megyi Nyamenle agyakɛ anu a!

Yemɔti bɛmmasulo; mebanlea bɛ nee bɛ mra ne mɔ amuala.” Ɔzile bɛ ɛbolɛ na ɔkyekyele bɛ rɛle.

ɔhanle kɛ, ‘Bɛha bɛhile Dwosefi kɛ, mebodo wɔ, fa ɛ mediema ne mɔ mɛladonlɛ nee bɛ ɛtane kyɛ bɛ, ɔboalekɛ bɛyɛle wɔ ɛtane.’ Zɔhane ati kɛkala, yɛbodo wɔ, fa ɛ ze Nyamenle ne sonvolɛma mɛladonlɛ kyɛ bɛ.” Bɛhanle ɛhye bɛhilele Dwosefi la, ɔzunle.

Na Dwosefi zele ɔ mediema ne mɔ kɛ, “Ɔka ekyii mewu; Nyamenle banlea bɛ na yeaye bɛ yeavi azɛlɛ ɛhye azo yeahɔ azɛlɛ ne mɔɔ ɔhanle ndane ɔhilele bɛ ze mɔ Ebileham, Ayezeke nee Gyekɔbo kɛ ɔbava yeamaa bɛ la azo.”

Na Dwosefi manle ɔ mediema ne mɔ bɔle ɛwɔkɛ na ɔzele kɛ, “Bɛbɔ me ɛwɔkɛ kɛ, saa Nyamenle baye bɛ fi azɛlɛ ɛhye azo kɛ ɔ nee bɛ kɔ a, bɛkɛva me mbowule bɛkɛhɔ.”

Yemɔti Dwosefi wule. Ɛnee yeli ɛvolɛ ɛya ko ɛvolɛ bulu. Na bɛkpokpale ye ayile mɔɔ ɔmmaa ɔnzɛkye la na bɛdole ye ɛlɛka nu wɔ Yigyibiti.