Akaná Raj Devél jandiá daja bibáht i kerdiá adiáke, syr jov phendiá. Pal-dová so tumaré manušá kerdé grého angíl Raste-Devléste i na kandyné Léskiri zan, paldavá davá saró kerdiápe tuménca. I akaná dykh: me mekava pe vólia tut zandir'jendyr, so sys pe tyré vastá. Kóli isyn mištó pir tyrí godý te džas mánca ke Vavilóno, to jav, i me javáva te dykháv pal túte. Ne kóli isyn namišto pir tyrí godý te džas mánca ke Vavilóno, to jačné adái. Dykh, sarí phuv isyn angíl túte; karik túke zdelape mištés i kučes te džas, džá odorík.”
