လံာ်ယၡါယၤ 58 నుండి ప్రసిద్ధ బైబిల్ శ్లోకాలు

ဒီးယကပၢဆှၢသုထီဘိဒီးမၤသးမံသးမုာ်သုလၢတၢ်အဂ့ၤ တဖၣ်လီၤ. ယကဟ့ၣ်သုတၢ်ဂံၢ်တၢ်ဘါဒီးတၢ်အိၣ်ဆူၣ်အိၣ် ချ့လီၤ. သုကလီၤဂာ်ဒ်တၤသၣ်လီၢ်လၢအဘၣ်စီၣ်ဘၣ်သ့တလီၢ်, ထံမူထီၣ်ပၢၢ်တပူၤလၢတလီၤသံးနီတစုဘၣ်အသိးန့ၣ်လီၤ.

တၢ်ဒုၣ်တၢ်အီၣ်တၢ်အီတကလုာ်လၢအဘၣ်ယသးန့ၣ်မ့ၢ်တၢ်အံၤလီၤ. မ့ၢ်တၢ်ထုးကွံာ်သုးကွံာ်တၢ်မၤအၢမၤနးအထးကွီၤတဖၣ်, ဒီးတၢ်စံၣ်ညီၣ်တတီအနီၣ်ယိးဘိ, ဒီးပျဲထူၣ်ဖျဲးကွံာ်ပှၤလၢအဘၣ်တၢ် မၤအၢမၤနးအီၤန့ၣ်လီၤ. နီၤဟ့ၣ်သုတၢ်အီၣ်တၢ်အီဒီးပှၤလၢတၢ်သၣ်ဝံၤအသးဒီး အိးထီၣ်သုဟံၣ်သုဃီတဖၣ်လၢပှၤအဖှီၣ်လၢအဟံၣ် အဃီတအိၣ်တဖၣ်အဂီၢ်တက့ၢ်. ဟ့ၣ်တၢ်ကူတၢ်သိးတဖၣ်ဆူပှၤလၢ ကကူကၤတၢ်တအိၣ်နီတမံၤတဖၣ်အအိၣ်, ဒီးသးပ့ၤနီၣ် မၤစၢၤသုဘူးသုတံၢ်ဒၣ်ဝဲတဖၣ်စ့ၢ်ကီးတဂ့ၤ.

အန့ၣ်ဒီး, ယတၢ်ကွၢ်မဲာ်ကကပီၤထီၣ်လၢသုဖီခိၣ်ဒ်မုၢ်ဂီၤ အတၢ်ကပီၤအသိး, ဒီးသုပူၤလီၢ်ပူၤကျဲတဖၣ်ကဘၣ်တၢ် မၤဘျါက့ၤအီၤချ့သဒံးလီၤ. ယကအိၣ်ဒီးသုထီဘိလၢ တၢ်အုၣ်က့ၤခီၣ်က့ၤအဂီၢ်, ဒီးယမဲာ်ကဒီဒၣ်အိၣ်ပှိၤသုလၢတၢ် ကိးကပၤဒဲးလီၤ.

ဖဲသုဃ့ဘါထုကဖၣ်တၢ်န့ၣ်, ယကစံးဆၢသုလီၤ. ဖဲသုကိးထီၣ်တၢ်ဆူယအိၣ်န့ၣ်, ယကဟ့ၣ်က့ၤတၢ်စံးဆၢလီၤ. သုမ့ၢ်ဆိကတီၢ်တၢ်မၤအၢမၤနး, တၢ်ဒုးနဲၣ်တၢ်သူၣ်က့ၣ်သးကါ တမံၤလၢ်လၢ်, ဒီးတၢ်ကတိၤအအၢအသီကိးထံၣ်ဒဲး

သုမ့ၢ်ဟ့ၣ်ဒုးအီၣ်ပှၤလၢတၢ်သၣ်ဝံၤအသးဒီးမၤသးမံသးမုာ် ပှၤလၢအလိၣ်ဘၣ်တၢ်တဖၣ်ဒီး, အန့ၣ်တစုတၢ်ခံးတၢ်နၤ အိၣ်ဝးတရံးသုတဖၣ်ကဘိးကဒါကွံာ်အသးဆူမုၢ်ထူၣ်အတၢ် ကပီၤန့ၣ်လီၤ.

သုပှၤဂီၢ်မုၢ်ကသူၣ်ထီၣ်ဘှီထီၣ်ကဒါက့ၤတၢ်လၢအအိၣ်ယံာ် တ့ၢ်လံလၢတၢ်ဟးဂီၤအပူၤတဖၣ်, သူၣ်ထီၣ်ဘှီထီၣ်ကဒါက့ၤ တၢ်လၢတၢ်အခီၣ်ထံးလီၢ်လံၤတဖၣ်အဖီခိၣ်န့ၣ်လီၤ. သုကဘၣ်တၢ်သ့ၣ်ညါသုဒ်, ပှၤဂီၢ်မုၢ်တဖုလၢအသူၣ်ထီၣ်ဘှီ ထီၣ်ကဒါက့ၤတၢ်အခိၣ်ဒူတဖၣ်ဒီးမၤထီၣ်ကဒါက့ၤဟံၣ်ဃီ လၢအဟးဂီၤတဖၣ်, အသိးန့ၣ်လီၤ.”

ယွၤစံးဝဲ, “သုမ့ၢ်ပာ်မုၢ်အိၣ်ဘှံးနံၤလၢတၢ်စီဆှံဒီးတလူၤထွဲ သုတၢ်သးစဲဒၣ်ဝဲလၢမုၢ်နံၤအဝဲန့ၣ်, သုမ့ၢ်ပာ်လုၢ်ပာ်ပှ့ၤ ယမုၢ်နံၤစီဆှံဒီးယူးယီၣ်အီၤခီဖျိတၢ်တလဲၤတၢ်က့ၤတၢ်, တဖံးတၢ်မၤတၢ်မ့ၢ်ဂ့ၤ, တကတိၤဘၣ်တၢ်ကလီကလီလၢ မုၢ်နံၤန့ၣ်မ့ၢ်ဂ့ၤဘၣ်ဒီး, သုကထံၣ်န့ၢ်တၢ်သးခုလၢအဟဲလၢသုမၤယတၢ်ခ့တၢ်ပှၤ အတၢ်မၤအဃိလီၤ. ယကဒုးကဲထီၣ်သုလၢပှၤလီၤယူး ယီၣ်ပာ်ကဲလၢဟီၣ်ခိၣ်ဒီဘ့ၣ်ညါ, ဒီးသုကမုာ်လၤသးခုလၢ ထံကီၢ်လၢယဟ့ၣ်လီၤတ့ၢ်သုပၢ်လၢပျၢၤ, စီၤယၤကိာ်န့ၣ်လီၤ.” ယၤ, ယွၤအံၤ, ကတိၤလံတၢ်လံ.

သုတၢ်ဒုၣ်တၢ်အီၣ်တၢ်အီဒုးကဲထီၣ်သုလၢပှၤမၤဆူၣ်မၤစိးတၢ် ဒီးသုအ့ၣ်လိာ်ဆိးက့လိာ်သုသး, ဒီးထိလိာ်သုသးလၢသုစု ခိၣ်န့ၣ်လီၤ. မ့ၢ်သုဆိကမိၣ်လၢတၢ်ဒုၣ်တၢ်အီၣ်တၢ်အီဒ်အံၤ တကလုာ်ကမၢယဒိကနၣ်သုတၢ်ထုကဖၣ်န့ၣ်ဧါ. ဖဲသုဒုၣ်တၢ်အီၣ်တၢ်အီန့ၣ်, သုပာ်ဖျါသုသးလၢသုတူၢ်ဘၣ် တၢ်လီၤ. သုဆုးဖုၣ်လီၤသုခိၣ်တဖၣ်ဒ်နီၣ်အလၣ်တဘ့ၣ်အသိး, ဒီးသုဒါလီၤထၢၣ်တၢ်ကံးယာ်ဒီးဖှံလီၤဖၣ်ကမူၣ်ဖၣ်ဆါဒ်သိး သုကမံလီၤလၢအဖီခိၣ်အဂီၢ်လီၤ. တၢ်န့ၣ်မ့ၢ်တၢ်လၢသုကိးအီၤ လၢအမ့ၢ်တၢ်ဒုၣ်တၢ်အီၣ်တၢ်အီန့ၣ်ဧါ. မ့ၢ်သုဆိကမိၣ်လၢ ယကမုာ်သူၣ်မုာ်သးလၢတၢ်ဒ်န့ၣ်ဧါ.