1 MGA HARI 18 నుండి ప్రసిద్ధ బైబిల్ శ్లోకాలు

షేర్ చేయి

Tubaga ako, O GINOO, tubaga ako, aron nga kining katawhan mahibalo nga ikaw, O GINOO, mao ang Dios, ug nga gipabalik nimo ang ilang kasingkasing.”

Ug nahitabo nga sa panahon sa paghalad sa haponon nga halad, si Elias nga propeta miduol ug miingon, “O GINOO, ang Dios ni Abraham, ni Isaac ug ni Israel, himoa nga mahibaloan niining adlawa nga ikaw ang Dios dinhi sa Israel ug nga ako imong alagad, ug nga gibuhat nako kining tanang mga butanga tungod sa imong pulong.

Ug si Elias miduol ngadto sa tibuok katawhan ug miingon, “Hangtod kanus-a ba nga kamo magpalingpaling taliwala sa duha ka panghunahuna? Kon ang GINOO mao ang Dios, sunod kamo kaniya, apan kon si Baal, sunod kamo kaniya.” Ug ang katawhan wala motubag kaniya bisan usa ka pulong.

Unya ang kalayo sa GINOO mikunsad, ug misunog sa halad nga sunogon ug sa kahoy ug sa mga bato ug sa abog, ug gihurot pagtilap ang tubig nga diha sa kanal.

Sa pagkakita sa tibuok katawhan niini, ug sila mihapa ug miingon, “Ang GINOO, siya mao ang Dios; ang GINOO, siya mao ang Dios.”

Ug sa ikapitong higayon, siya miingon, “Tan-awa, may panganod nga sama kadako sa kamot sa tawo nga mipataas gikan sa dagat.” Ug siya miingon, “Tungas ug ingna si Ahab, ‘Andama ang imong karwahi ug lugsong aron dili ikaw maabtan sa ulan.’ ”

Ug ang kamot sa GINOO diha kang Elias ug gibaksan niya ang iyang hawak ug midagan pag-una kang Ahab ngadto sa ganghaan sa Jesreel.

Unya si Elias miingon kang Ahab, “Tungas, kaon ug inom, kay may dinahunog sa ulan.”

Ug siya miingon sa iyang alagad, “Tungas karon, tan-aw ngadto sa dagat.” Ug siya mitungas ug mitan-aw ug miingon, “Walay bisan unsa.” Ug siya miingon, “Lakaw pag-usab sa makapito.”

Unya si Elias miingon sa tibuok katawhan, “Dali kamo kanako,” ug ang tibuok katawhan miduol kaniya. Ug iyang giayo ang naguba nga halaran sa GINOO.

Ug sangpita ninyo ang ngalan sa inyong dios ug ako magsangpit sa ngalan sa GINOO, ug ang Dios nga motubag pinaagi sa kalayo, siya mao ang Dios.” Ug ang tibuok katawhan mitubag, “Maayo kanang pagkasulti.”

Ug si Elias mikuha ug napulo ug duha ka bato, sumala sa gidaghanon sa mga banay sa mga anak ni Jacob, nga kaniya miabot ang pulong sa GINOO nga nag-ingon, “Israel ang imong ngalan.”

Sa pagkaudto si Elias nagbiaybiay kanila ug miingon, “Kusga pagsinggit kay siya usa ka dios; tingali ug namalandong pa siya o may gilakaw pa o atua ba sa usa ka panaw o tingalig natulog pa ug kinahanglang pukawon.”

Gigamit niya ang mga bato sa pagtukod ug usa ka halaran sa ngalan sa GINOO ug siya naghimo ug usa ka kanal libot sa halaran ug ang gidak-on niini kasudlan ug duha ka dagkong takos nga binhi.