ཨེ་ཅིབ་ནས་ཐོན་པ། 7 నుండి ప్రసిద్ధ బైబిల్ శ్లోకాలు

షేర్ చేయి

དེ་ནས་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། ལྟོས་དང་། ངས་ཕཱར་ཨོལ་གྱི་མདུན་དུ་ཁྱོད་རང་དཀོན་མཆོག་ལྟ་བུར་བྱས་པ་དང་། ཡང་ཁྱོད་ཀྱི་སྤུན་ཨ་རོན་ནི་ཁྱོད་ཀྱི་ལུང་སྟོན་པ་ཡིན་པར་འགྱུར།

ངས་ཕཱར་ཨོལ་གྱི་སེམས་གྱོང་པོར་བྱེད་པ་དང་། ཨེ་ཅིབ་ཡུལ་ནས་ང་ཡི་གྲུབ་རྟགས་དང་དོན་ངོ་མཚར་ཅན་མང་པོའང་སྟོན་པར་བྱ། འོན་ཀྱང་ཕཱར་ཨོལ་གྱིས་ཁྱོད་ཅག་ལ་མི་མཉན་ཞིང་། བདག་གིས་ལག་པ་བརྐྱངས་ནས་ཨེ་ཅིབ་ཡུལ་ལ་ཉེས་ཆད་དྲག་པོ་གཅོད་ཅིང་། བདག་གི་མི་ཚོགས་སྟེ་ང་ཡི་འབངས་མི་ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཕྱིར་འཁྲིད་པར་བྱའོ། །

དེ་ནས་ངས་ལག་པ་བརྐྱངས་ནས་ཨེ་ཅིབ་ཡུལ་ལ་རྒོལ་ཞིང་། ཡེས་ར་ཨེལ་པ་རྣམས་དེ་དག་གི་ཁྲོད་ནས་ཕྱིར་འཁྲིད་པའི་དུས་སུ། ཨེ་ཅིབ་པ་རྣམས་ཀྱིས་བདག་ནི་ཡ་ཝཱེ་ཡིན་པ་ཤེས་པར་འགྱུར་ཞེས་གསུངས་པས།

ཕཱར་ཨོལ་གྱིས་མཁས་པ་དང་སྒྱུ་མ་མཁན་དག་བོས་འོངས་ཤིང་། དེ་རྣམས་ནི་ཨེ་ཅིབ་ཡུལ་གྱི་རྫུ་འཕྲུལ་སྟོན་མཁན་ཡིན་ལ། ཁོ་རྣམས་ཀྱིས་ཀྱང་རྫུ་འཕྲུལ་ལ་བརྟེན་ནས་དེ་བཞིན་བྱས་པ་སྟེ། དེ་དག་གིས་རང་རང་གི་འཁར་བ་སར་འཕངས་པ་དང་དེ་སྦྲུལ་དུ་གྱུར་མོད། འོན་ཀྱང་ཨ་རོན་གྱི་འཁར་བས་དེ་དག་གི་འཁར་བ་རྣམས་ཁྱུར་མིད་བཏང་།

ཡང་དཀོན་མཆོག་ཡ་ཝཱེས་འདི་སྐད་དུ། ལྟོས་དང་། བདག་གིས་རང་གི་ལག་ཏུ་ཡོད་པའི་འཁར་བས་ནཱ་ཡོལ་གཙང་པོའི་ཆུ་ལ་བརྡེག་ཅིང་ཆུ་ནི་ཁྲག་ཏུ་འགྱུར་བ་དང་། དེར་བརྟེན་ནས་ཁྱོད་ཀྱིས་བདག་ནི་ཡ་ཝཱེ་ཡིན་པ་རྟོགས་ངེས།

ཕཱར་ཨོལ་གྱིས་ཁྱོད་ཅག་ལ་དོན་ངོ་མཚར་ཅན་ཞིག་སྟོན་པར་གྱིས་ཞེས་སྨྲ་བའི་ཚེ། ཁྱོད་ཀྱིས་ཨ་རོན་ལ། རང་གི་འཁར་བ་ཕཱར་ཨོལ་གྱི་མདུན་དུ་གཡུགས་ཤིག དེ་སྦྲུལ་དུ་འགྱུར་བ་ཡིན་སྨྲོས་ཤིག་ཅེས་གསུངས། དེ་ནས་མོ་ཤེ་དང་ཨ་རོན་གཉིས་ཕཱར་ཨོལ་གྱི་མདུན་དུ་སོང་ནས། དཀོན་མཆོག་ཡ་ཝཱེས་བཀའ་ཇི་ལྟར་གནང་བ་བཞིན་དུ་བྱས་ཏེ། ཨ་རོན་གྱིས་ཕཱར་ཨོལ་འཁོར་དང་བཅས་པའི་མདུན་དུ་འཁར་བ་གཡུགས་པ་ལ་དེ་སྦྲུལ་དུ་གྱུར་པ་དང་།