ཡང་འདི་སྐད་དུ། ཁྱོད་ཀྱིས་ཡེས་ར་ཨེལ་པ་རྣམས་ལ། འོད་ཀྱི་ཆེད་དུ་སྐྱུ་རུ་རའི་ཤིང་ལས་བརྡུངས་པའི་སྣུམ་དྭངས་མ་ཁྱོད་ལ་འབུལ་དགོས་པའི་བཀའ་སྒོས་ཤིག དེ་ནི་སྒྲོན་མེ་རྟག་ཏུ་འབར་བའི་ཕྱིར་ཡིན། མཇལ་འཕྲད་གུར་མཆོག་གི་ནང་དུ་ཡོད་པའི་དཔང་མཛད་ཤུར་སྒམ་མདུན་གྱི་ཡོལ་བའི་ཕྱི་ཕྱོགས་སར། ཨ་རོན་དང་དེའི་བུ་རྣམས་ཀྱིས་དཀོན་མཆོག་ཡ་ཝཱེའི་སྤྱན་སྔར་མཚན་མོ་ནས་ཞོགས་པའི་བར་དུ་སྒྲོན་མེ་ལ་ལྟ་སྲུང་བྱེད་དགོས། དེ་ནི་ཡེས་ར་ཨེལ་པ་རྣམས་ཀྱི་ཁྲོད་དུ་མི་རབས་ནས་མི་རབས་བར་གཏན་དུ་གནས་པའི་སྒྲིག་ཁྲིམས་ཤིག་ཏུ་འགྱུར་དགོས་ཞེས་གསུངས་སོ། །