1 Abanya Korĩnto 12 నుండి ప్రసిద్ధ బైబిల్ శ్లోకాలు

షేర్ చేయి

Nĩkwa Omũlĩmũ Abũyĩrĩre akaha obuli mundu olũsũnzo busana nʼerĩwatĩkya abosĩ.

Neryo nenyũ muli mubiri wa Kristo, kandi ĩnywe bosĩ muli bĩtsũko byago.

Neryo ekĩtsũko kiguma kyamagalwa, ebĩtsũko byosĩ bikagalawa haguma nakyo; kandi ekĩtsũko kiguma kyamasĩkĩbwa, ebĩtsũko byosĩ bikatsema haguma nakyo.

Kusangwa Omũlĩmũ akaha omundu muguma erĩbũga ebĩnywa byʼamenge, kandi akaha ogundi erĩbũga ebĩnywa byʼeriminya. Kandi Omũlĩmũ muguma oyũ wakaha oko mundu muguma erĩkĩrĩrya, nʼoko gundi olũsũnzo lwʼerĩlamya esyondwala. Kandi Omũlĩmũ akaha ogundi mundu obũtokĩ bwʼerikola ebitikotiko; nʼoko gundi akaha olũsũnzo lwʼerĩbũga engulu ya Nyamuhanga; kandi oko gundi akaha amenge wʼerisombola omo lũsũnzo olũkalũa oko Mũlĩmũ nʼolũtelũa oko Mũlĩmũ. Nʼoko gundi, akamuha erĩbũga emĩsĩndo-mĩsĩndo yʼebĩnywa, nʼogundi akamuha erĩkũmbũla ebĩnywa ebyo.

Nĩkwa nĩ Mũlĩmũ muguma oyukakola omo lũsũnzo olũ, iniakagabira oko buli mundu olũsũnzo, ngoko anzĩre.

Nyamuhanga mwakola atya ati Sihabye erikatulana omo mubiri, nĩkwa ebĩtsũko bĩwatĩkanaye.

Nĩkwa hali mĩsĩndo-mĩsĩndo yʼolũsũnzo, nĩkwa nĩ Mũlĩmũ muguma oyukahalo. Kandi hali mĩsĩndo-mĩsĩndo yʼemĩbĩrĩ, nĩkwa bakakolera Omukama muguma. Neryo hali mĩsĩndo-mĩsĩndo yʼamenge wʼerikola, nĩkwa ni Nyamuhanga muguma oyukaha oko bandu bosĩ amenge wʼerikola emĩbĩrĩ yosĩ.

Neryo omo kanĩsa, Nyamuhanga abĩrĩhĩra ebyosĩ omo mianya yabyo; omo mwanya wʼerĩmbere mwahĩra abakwenda, nʼomo mwanya wʼakabiri mwahĩra abatũlĩ bʼomwatsi, nʼowʼakasatu, abakangĩrĩrya, neryo abakakola ebitiko-tiko, neryo olũsũnzo lwʼerĩlamya esyondwala, neryo abakawatĩkaya abandi, neryo abakasondola omũbĩrĩ, neryo abakabũga emĩsĩndo-mĩsĩndo yʼebĩnywa.

Kusangwa omubiri sĩ kĩtsũko kiguma, nĩkwa awite ebĩtsũko bingi.

Nĩkwa ni kwenene ebĩtsũko byʼomubiri ebikabya nga byolo-byolo kwilaba ebindi, nĩkwa bitolere kutsibu.

Ko mubiri gosĩ amabya lĩso, angowa ati kwehĩ? Kandi kumbe omubiri gosĩ amabya kũtũ, angatoka erĩowa ekikumbo kyʼati kwehĩ? Nĩkwa lino Nyamuhanga abĩrĩhĩra ebĩtsũko omo mubiri, obuli kĩtsũko aho anzĩre. Kusangwa ebyosĩ byamabya ĩnĩ kĩtsũko kiguma, neryo omubiri angabya hayi kwehĩ