Abaruumi 14 నుండి ప్రసిద్ధ బైబిల్ శ్లోకాలు

kubanga obwakabaka bwa Katonda si kwe kulya n'okunywa, wabula butuukirivu na mirembe na ssanyu mu Mwoyo Omutukuvu. Kubanga aweereza Kristo bw'ati asanyusa nnyo Katonda, n'abantu bamusiima.

Kubanga bwe tubeera abalamu, tuba balamu ku bwa Mukama waffe; oba bwe tufa, tufa ku bwa Mukama waffe, kale, bwe tuba abalamu, oba bwe tufa, tuba ba Mukama waffe.

Kale bwe kityo tugobererenga eby'emirembe, n'eby'okuzimbagananga fekka na fekka.

Kale tulemenga okusalira bannaffe emisango nate fekka na fekka, naye waakiri musale omusango guno, obutaleeteranga wa luganda ekyesittaza oba enkonge.

Kubanga kyawandiikibwa nti, “Nga bwe ndi omulamu, bw'ayogera Mukama, buli vviivi lirinfukaamirira, Na buli lulimi lulitendereza Katonda.” Kale bwe kityo buli muntu mu ffe alibalirira omuwendo gwe yekka eri Katonda.

Naye atali munywevu mu kukkiriza mumusembezenga, naye temumusalira musango olw'ensonga ezibuusibwabuusibwa.

Ggwe ani asalira omusango omuweereza wa beene? Eri mukama we yokka gyayinza okuyimiririra oba okugwa. Naye aliyimirira; kubanga Mukama waffe ayinza okumuyimiriza.