خروج ۱۰ నుండి ప్రసిద్ధ బైబిల్ శ్లోకాలు

షేర్ చేయి

خوداوند موسایَ بوگفته: «بوشو فرعونٚ ورجأ چونکی من فرعون و اونٚ خدمتگوزارأنٚ دیلَ سختَ کودم کی اَ نیشأنه‌یأنَ اوشأنٚ میأن آشکارَ کونم کی شومأن بتأنید می سختگیر‌یَ مصریأنٚ اَمرأ و نیشأنه‌یأنی کی اوشأنٚ میأن آشکارَ کودم شیمی زأکأن و نوه و نتیجه رِه وأگویا بوکونید کی شومأن بدأنید من خوداوند ایسم.»

بأزین خوداوند موسایَ بوگفته: «تی دسَ آسمانٚ طرف راستَ کون کی تاریکی تومامٚ مصرٚ سرزیمینَ بیگیره، جوری کی چوم چومَ نیدینه.» موسی خو دسَ آسمانٚ طرف راستَ کوده و سه روز، تومامٚ مصرٚ سرزیمین تاریکَ بوسته هَچین ظولمات. سه روز هیکس نتأنستی کسٚ دیگرَ بیدینه یا جٚه خو جا سر تکان بوخوره، ولی بنی‌ایسرائیلٚ جاجیگاه روشنایی بو.

پس موسی خو عصایَ مصرٚ سرزیمینٚ سر راستَ کوده و خوداوند تومامٚ او روز و تومامٚ او شب ایتأ باد شرقٚ جأ او سرزیمینٚ سر اوسه کوده. وختی هوا روشنَ بوسته، بادٚ شرقی ملخأنَ خو اَمرأ بأورده‌بو. ملخأن تومامٚ مصرٚ سرزیمینَ هوجوم بأوردیدی و ایتأ عالمه جٚه اوشأن او سرزیمینٚ همه جا بینیشتید کی تا او روز مصری‌یأن اَجور آفتٚ ملخَ نیده‌بید و هیکسم هیوخت دِه نیدینه.