Agta New Tetament

<div class="version vid4102 iso6393apf" data-vid="4102" data-iso6393="apf">
 <div class="book bkMRK">
 <div class="chapter ch9" data-usfm="MRK.9">
 <div class="label">9</div><div class="p"> 1Kinagi pa ni Jesus nide, &#8220;Tandaan moy, tehhod a sangan he nikam a awan matay hanggan a awan de ketan u p&#225;ghare nu Diyos a tehhod a kapangyariyan.&#8221;</div><div class="s">Nagbagu u Idsura ni Jesus</div><div class="r">(Mateo 17:1-13; Lukas 9:28-36)</div><div class="p"> 2K&#225;llipas nu &#225;nn&#225;m a aldew ay simmangkay ti Jesus tu essa a malangkaw a buked. Awan siya ti agum a kinaguman nan di Pedro, Santiagu sakay ti Juan la. Nikuna hed hide hod ay netan de a nagbagu u idsura ni Jesus. 3Tunay ti pudew u damit na sakay makasile a iling&#225;n, maskin ti deya ti munduw&#225;y ay awan ti makapagpapudew ti konna hod. 4Sakay netan di be hod di Elias sakay ti Moises, a m&#225;kp&#225;gguhon ni Jesus. 5Kinagi ni Pedro ni Jesus, &#8220;Panginoon, mapiyya la ta katoy kami he. Pagbilay mi kam a t&#225;llo: ti b&#225;bbadit a bilay; essa niko, essa ni Moises, sakay essa ni Elias.&#8221; 6Iye u kinagi na dipo awan na tukoy ni &#225;nya u k&#225;kkagi-kagiy&#225;n na dipo garabi u &#225;nteng na sakay u agum na hide.</div><div class="p"> 7Nadid ay tinakl&#225;bben hide nu dikl&#225;m sakay tehhod hide a nasaneg a boses a g&#225;bwat tu dikl&#225;m, kinagi na &#8220;Sa iye u pinakamamahal ko a Anak. Sanig&#225;n moy siya!&#8221;#9:7 Basa&#225;n tu 2 Pedro 1:17-18; Mateo 3:17; Juan 12:28-29. 8Tu k&#225;ssuleg nu disepulus hide ay awan d&#225;n hide ti netan nan ti Jesus d&#225;lla.</div><div class="p"> 9Nadid, nikuna a padegson d&#225;n hide tu buked ay mahigpit hide a kinagiyan ni Jesus a, &#8220;Diyan moy kagiy&#225;n maskin ti deya u netan moy, mentaras awan&#225;k mabiyag a huway, hik&#225;n a Anak nu tolay.&#8221; 10Kanya awan de kinagi maskin ti deya i nangyariyan itod, pero nagtanungan hide ni &#225;nya i gustuway a kagiy&#225;n ni Jesus tu kinagi na a mabiyag siya a huway. 11Sakay tinanung de ti Jesus, &#8220;Bakin a k&#225;kkagiy&#225;n nu tagapagtoldu hide tu Kautusan a kailangan kan pa a dumem&#225;t ti Elias bagu a dumem&#225;t u tagapagligtas ti munduw&#225;y?&#8221;</div><div class="p"> 12Timm&#225;bbeg ti Jesus, &#8220;Tatahoden ina, umangay pa he ti Elias, para ihanda u atanan a bagay. Ay hikam, bakin w&#225;d a mabasa tu Kasulatan, a u Anak nu Tolay ay badit-badit&#225;n sakay maghirap ti garabi? 13Pero kagiy&#225;n ko nikam a immangay d&#225;n he ti Elias,#9:13 U Elias a kinagi nahe ay ti Juan a M&#225;gbawtismo. pero ginimet de nikuna u gusto de sakay natupad d&#225;n ngane u nakasulat tungkul nikuna.&#8221;</div><div class="s">Pinagpiyya u Anak a Sin&#225;dd&#225;p ni Maduk&#225;s a Ispirito</div><div class="r">(Mateo 17:14-21; Lukas 9:37-43)</div><div class="p"> 14Nadid, tu k&#225;ssole di Jesus tu agum na a disepulus ay netan de a makpal a tolay. Katoy bi hod u maisto hide nu Kautusan a m&#225;kpagpasuwayan tu disepulus hide ni Jesus. 15Nagtaka u tolay hide nikuna a ketan de ti Jesus. Sakay nagginan hide a timmagbu, sakay bimmate nikuna. 16Tinanung ni Jesus u disepulus na hide, &#8220;&#193;nya u pam&#225;gtalu-taluwan moy?&#8221;</div><div class="p"> 17Tehhod a essa a l&#225;llake tu katolayan a timm&#225;bbeg, &#8220;Maisto, inyangay ku he niko i anak kuw&#225;y a l&#225;llake, dipo sin&#225;dd&#225;p siya ni maduk&#225;s a ispirito, sakay awan d&#225;n makapagupos. 18Ni pahirapan nu maduk&#225;s a ispirito ay itumba na siya; magbugak u labi na sakay magngariteng&#225;t u ngip&#225;n na, sakay umig&#225;t u b&#225;ggi na. N&#225;kpagguhun&#225;k d&#225;n tu disepulus mu hide a palakad&#225;n u maduk&#225;s a ispirito, pero awan di kaya!&#8221;</div><div class="p"> 19Kinagi ni Jesus nide, &#8220;Awan ti p&#225;nniwala i tolayay nadid a panahun! Hanggan nikasangan&#225;k moy a kakaguman? Hanggan nikasangan takam a pagtiisan? Iyangay mo he anake!&#8221; 20Kanya inyangay de u anak tu k&#225;n Jesus. Pero tu p&#225;kketa nu maduk&#225;s a ispirito ni Jesus ay pinagp&#225;gp&#225;g na u anak, pinatumba sakay pinaggulung tu luta a magbugak u labi na. 21Tinanung ni Jesus u ama nu anak, &#8220;Nikasangan pa siya a nagkakonna hina?&#8221;</div><div class="p">Timm&#225;bbeg u ama. &#8220;Sapul pa tu kaanak na. 22Lagi siya a patumba&#225;n nu maduk&#225;s a ispirito tu apoy oni kaya tu dinom dipo laan na siya a bunuw&#225;n. Kanya ni maare ay kagbiyan mo kame, ni ke magimet ka, tulungan mu kame.&#8221;</div><div class="p"> 23Tin&#225;bbeg siya ni Jesus, &#8220;Bakin a na kagi mo a tehhod&#225;k a magimet? Mangyare u atanan para tu tolay a maniwala tu Diyos.&#8221; 24Agad a timm&#225;bbeg ti mabegs&#225;k u ama nu anak, &#8220;Maniwala&#225;k, patibay&#225;n mu ped i p&#225;nniwala kuw&#225;y t&#225;n magin husto!&#8221; 25Tu p&#225;kketa ni Jesus tu tunay ti k&#225;ppal a tolay a tamo nikuna ay kinagiyan na u maduk&#225;s a ispirito, &#8220;Hiko, a ispirito a m&#225;gpab&#225;ngng&#225;g sakay m&#225;gpabulol umibut ka d&#225;n ti anake: sakay diyan ka d&#225;n sumole nikuna a huway!&#8221; 26Tu p&#225;kkakagi hod ni Jesus ay pimm&#225;khaw u maduk&#225;s a ispirito, sakay pinagp&#225;gp&#225;g na u anak ti mahigpit, sakay immibut. U anak ay kum&#225;n d&#225;n a bangkay u idsura na, akala nu tolay hide ay natay d&#225;n! 27Pero tinawiden ni Jesus u kam&#225;t nu anak sakay pinaikat na. Sakay timmakn&#225;g be u anak.</div><div class="p"> 28Tu k&#225;ss&#225;dd&#225;p di Jesus tu bilay ay tinanung siya nu disepulus na hide ti lihim, &#8220;Bakin a awan me napalayas u maduk&#225;s a ispirito?&#8221;</div><div class="p"> 29Tin&#225;bbeg hide ni Jesus, &#8220;I konna ay hod a kalase ni ispirito ay mapalakad la tu pamamag-itan nu p&#225;gdasal.&#8221;</div><div class="s">Binanggit a Huway ni Jesus U K&#225;kkatay sakay u K&#225;kkabiyag na a Huway</div><div class="r">(Mateo 17:22-23; Lukas 9:43-45)</div><div class="p"> 30Nadid, palihim a limmakad di Jesus ti lugaran itod sakay himmoyot hide ti Galilea. Um&#225;d ni Jesus a matukuyan nu tolay hide a atoy hod siya, 31dipo tolduwan na u disepulus na hide. Kinagi na nide, &#8220;Hik&#225;n a Anak nu Tolay ay itokyun&#225;k de, ipabunuw&#225;k de, pero huway&#225;k a mabiyag tu kat&#225;llo a aldew.&#8221; 32Pero awan de naintendiyan u kinagi ni Jesus, sakay magalangan be hide a magtanung nikuna.</div><div class="s">Ti Deya u Pinakamataas?</div><div class="r">(Mateo 18:1-5; Lukas 9:46-48)</div><div class="p"> 33Nadid ay dimmem&#225;t hide ti Capernaum. Nikuna a hod d&#225;n hide tu bilay ay tinanung hide ni Jesus, &#8220;&#193;nya u pinam&#225;gtalu-taluwan moy tu mamaya he tu dilan?&#8221; 34Awan hide makat&#225;bbeg, dipo u pinam&#225;gtalu-taluwan de ay ni deya nide u pinakamataas.</div><div class="p"> 35Kanya immetnod ti Jesus, sakay dinulaw na u sapulo ay ti duwwa a disepulus na, sakay kinagi na nide, &#8220;Ni deya man u masoh a magin pinakamataas tu atanan ay dapat a magpakababa sakay dapat a magserbi tu atanan.&#8221; 36Tu p&#225;kkakagi na ti itod ay dinulaw na u essa a anak sakay pinatakn&#225;g na tu atubang de. Tu p&#225;ngk&#225;lk&#225;l na tu anak ay kinagi na nide, 37&#8220;Ni deya man u mangtanggap ti anak&#225;y a konna he dipo nik&#225;n ay tinanggap&#225;k na sakay u mangtanggap nik&#225;n ay tumanggap be tu ama a n&#225;ngpaangay he nik&#225;n.&#8221;</div><div class="s">Kakampe Tam u Awan Kontara Nikitam</div><div class="r">(Lukas 9:49-50)</div><div class="p"> 38Kinagi ni Juan ni Jesus, &#8220;Maisto, naketa kame ti tolay a nagpalayas ti maduk&#225;s a ispirito tu ngahan mo, binawalan me siya dipo awan tam siya kaguman.&#8221;</div><div class="p"> 39Pero kinagi ni Jesus, &#8220;Diyan moy siya bawalan, dipo maski deya u maggimet ti maganda a gimet tu pamamag-itan nu ngahan ko ay awan magupos ti maduk&#225;s kontara nik&#225;n k&#225;ttapos na itod a gimit&#225;n. 40Dipo u awan kontara nikitam ay kakampi tam. 41Tandaan moy: ni ti deyaman u mangat&#225;d nikam maski essa a baso a dinom dipo hod kam ni Cristo ay siguradu a makatanggap ti gantimpala.&#8221;#9:41 Basa&#225;n tu Mateo 10:42.</div><div class="s">U Makap&#225;ngat&#225;d ti Kasalanan</div><div class="r">(Mateo 18:6-9; Lukas 17:1-2)</div><div class="p"> 42&#8220;Maganda pa tu essa a tolay a b&#225;ttenan ti gilingan a bito u &#225;lleg na, sakay it&#225;bbung ti ditaw a diget kasera makap&#225;ng-at&#225;d siya ti pagkasalaan nu anak hide a maniwala nik&#225;n.&#8221; 43Kanya kinagi ni Jesus, &#8220;Ni u kam&#225;t mo u mangat&#225;d niko ti p&#225;gkakasala ay put&#225;dd&#225;n mo d&#225;n! Maganda pa a umangay ka ti langet a put&#225;d, kasera ni duwwa u kam&#225;t mo a meangay tu apoy a awan maada-ad&#225;p. 44Awan hod matay u uh&#225;d hide a mangkan nide sakay u apoy. 45-46Sakay ni u tik&#225;d mo u dahilan nu pagkasalaan mo, put&#225;dd&#225;n mo! Mas maganda pa ni eessa la u tik&#225;d mo ni tehhod ka a biyag a awan ti kah&#225;d, kasera ni duwwa u tik&#225;d mo a meangay ti impiyerno. 47Sakay ni u mata mo u dahilan nu pagkasalaan mo ay l&#225;bwet&#225;n mo! Mas maganda pa ni eessa la u mata mo pero tehhod ka a biyag a awan ti kah&#225;d, kasera ni duwwa u mata mo pero ibut ka la be ti impiyerno. 48Awan mata-matay u uh&#225;d hod hide sakay u apoy ay awan be maada-ad&#225;p.&#8221;</div><div class="p"> 49Dipo kinagi ni Jesus, &#8220;U atanan a tolay ay pruwebaan tu apoy. 50Maganda u asen, pero ni mawanan ti lasa ay tumablal d&#225;n, pakodya&#225;n pa a pasoliy&#225;n u asen na? Konna bi hod nikam, dapat magin konna kam tu asen a makatulung tu tolay, tulungan moy u bawat essa t&#225;mpara magin maayus u pam&#225;ggagum moy.&#8221;</div>
 </div>
 </div>
</div>

Pahanan Agta New Testament © Philippine Bible Society and Wycliffe Bible Translators, Inc., 2017.

Kinagi pa ni Jesus nide, “Tandaan moy, tehhod a sangan he nikam a awan matay hanggan a awan de ketan u pághare nu Diyos a tehhod a kapangyariyan.”


Kállipas nu ánnám a aldew ay simmangkay ti Jesus tu essa a malangkaw a buked. Awan siya ti agum a kinaguman nan di Pedro, Santiagu sakay ti Juan la. Nikuna hed hide hod ay netan de a nagbagu u idsura ni Jesus. Tunay ti pudew u damit na sakay makasile a ilingán, maskin ti deya ti munduwáy ay awan ti makapagpapudew ti konna hod. Sakay netan di be hod di Elias sakay ti Moises, a mákpágguhon ni Jesus. Kinagi ni Pedro ni Jesus, “Panginoon, mapiyya la ta katoy kami he. Pagbilay mi kam a tállo: ti bábbadit a bilay; essa niko, essa ni Moises, sakay essa ni Elias.” Iye u kinagi na dipo awan na tukoy ni ánya u kákkagi-kagiyán na dipo garabi u ánteng na sakay u agum na hide.
Nadid ay tinaklábben hide nu diklám sakay tehhod hide a nasaneg a boses a gábwat tu diklám, kinagi na “Sa iye u pinakamamahal ko a Anak. Sanigán moy siya!” Tu kássuleg nu disepulus hide ay awan dán hide ti netan nan ti Jesus dálla.
Nadid, nikuna a padegson dán hide tu buked ay mahigpit hide a kinagiyan ni Jesus a, “Diyan moy kagiyán maskin ti deya u netan moy, mentaras awanák mabiyag a huway, hikán a Anak nu tolay.” Kanya awan de kinagi maskin ti deya i nangyariyan itod, pero nagtanungan hide ni ánya i gustuway a kagiyán ni Jesus tu kinagi na a mabiyag siya a huway. Sakay tinanung de ti Jesus, “Bakin a kákkagiyán nu tagapagtoldu hide tu Kautusan a kailangan kan pa a dumemát ti Elias bagu a dumemát u tagapagligtas ti munduwáy?”
Timmábbeg ti Jesus, “Tatahoden ina, umangay pa he ti Elias, para ihanda u atanan a bagay. Ay hikam, bakin wád a mabasa tu Kasulatan, a u Anak nu Tolay ay badit-baditán sakay maghirap ti garabi? Pero kagiyán ko nikam a immangay dán he ti Elias, pero ginimet de nikuna u gusto de sakay natupad dán ngane u nakasulat tungkul nikuna.”


Nadid, tu kássole di Jesus tu agum na a disepulus ay netan de a makpal a tolay. Katoy bi hod u maisto hide nu Kautusan a mákpagpasuwayan tu disepulus hide ni Jesus. Nagtaka u tolay hide nikuna a ketan de ti Jesus. Sakay nagginan hide a timmagbu, sakay bimmate nikuna. Tinanung ni Jesus u disepulus na hide, “Ánya u pamágtalu-taluwan moy?”
Tehhod a essa a lállake tu katolayan a timmábbeg, “Maisto, inyangay ku he niko i anak kuwáy a lállake, dipo sináddáp siya ni madukás a ispirito, sakay awan dán makapagupos. Ni pahirapan nu madukás a ispirito ay itumba na siya; magbugak u labi na sakay magngaritengát u ngipán na, sakay umigát u bággi na. Nákpagguhunák dán tu disepulus mu hide a palakadán u madukás a ispirito, pero awan di kaya!”
Kinagi ni Jesus nide, “Awan ti pánniwala i tolayay nadid a panahun! Hanggan nikasanganák moy a kakaguman? Hanggan nikasangan takam a pagtiisan? Iyangay mo he anake!” Kanya inyangay de u anak tu kán Jesus. Pero tu pákketa nu madukás a ispirito ni Jesus ay pinagpágpág na u anak, pinatumba sakay pinaggulung tu luta a magbugak u labi na. Tinanung ni Jesus u ama nu anak, “Nikasangan pa siya a nagkakonna hina?”
Timmábbeg u ama. “Sapul pa tu kaanak na. Lagi siya a patumbaán nu madukás a ispirito tu apoy oni kaya tu dinom dipo laan na siya a bunuwán. Kanya ni maare ay kagbiyan mo kame, ni ke magimet ka, tulungan mu kame.”
Tinábbeg siya ni Jesus, “Bakin a na kagi mo a tehhodák a magimet? Mangyare u atanan para tu tolay a maniwala tu Diyos.” Agad a timmábbeg ti mabegsák u ama nu anak, “Maniwalaák, patibayán mu ped i pánniwala kuwáy tán magin husto!” Tu pákketa ni Jesus tu tunay ti káppal a tolay a tamo nikuna ay kinagiyan na u madukás a ispirito, “Hiko, a ispirito a mágpabángngág sakay mágpabulol umibut ka dán ti anake: sakay diyan ka dán sumole nikuna a huway!” Tu pákkakagi hod ni Jesus ay pimmákhaw u madukás a ispirito, sakay pinagpágpág na u anak ti mahigpit, sakay immibut. U anak ay kumán dán a bangkay u idsura na, akala nu tolay hide ay natay dán! Pero tinawiden ni Jesus u kamát nu anak sakay pinaikat na. Sakay timmaknág be u anak.
Tu kássáddáp di Jesus tu bilay ay tinanung siya nu disepulus na hide ti lihim, “Bakin a awan me napalayas u madukás a ispirito?”
Tinábbeg hide ni Jesus, “I konna ay hod a kalase ni ispirito ay mapalakad la tu pamamag-itan nu págdasal.”


Nadid, palihim a limmakad di Jesus ti lugaran itod sakay himmoyot hide ti Galilea. Umád ni Jesus a matukuyan nu tolay hide a atoy hod siya, dipo tolduwan na u disepulus na hide. Kinagi na nide, “Hikán a Anak nu Tolay ay itokyunák de, ipabunuwák de, pero huwayák a mabiyag tu katállo a aldew.” Pero awan de naintendiyan u kinagi ni Jesus, sakay magalangan be hide a magtanung nikuna.


Nadid ay dimmemát hide ti Capernaum. Nikuna a hod dán hide tu bilay ay tinanung hide ni Jesus, “Ánya u pinamágtalu-taluwan moy tu mamaya he tu dilan?” Awan hide makatábbeg, dipo u pinamágtalu-taluwan de ay ni deya nide u pinakamataas.
Kanya immetnod ti Jesus, sakay dinulaw na u sapulo ay ti duwwa a disepulus na, sakay kinagi na nide, “Ni deya man u masoh a magin pinakamataas tu atanan ay dapat a magpakababa sakay dapat a magserbi tu atanan.” Tu pákkakagi na ti itod ay dinulaw na u essa a anak sakay pinataknág na tu atubang de. Tu pángkálkál na tu anak ay kinagi na nide, “Ni deya man u mangtanggap ti anakáy a konna he dipo nikán ay tinanggapák na sakay u mangtanggap nikán ay tumanggap be tu ama a nángpaangay he nikán.”


Kinagi ni Juan ni Jesus, “Maisto, naketa kame ti tolay a nagpalayas ti madukás a ispirito tu ngahan mo, binawalan me siya dipo awan tam siya kaguman.”
Pero kinagi ni Jesus, “Diyan moy siya bawalan, dipo maski deya u maggimet ti maganda a gimet tu pamamag-itan nu ngahan ko ay awan magupos ti madukás kontara nikán káttapos na itod a gimitán. Dipo u awan kontara nikitam ay kakampi tam. Tandaan moy: ni ti deyaman u mangatád nikam maski essa a baso a dinom dipo hod kam ni Cristo ay siguradu a makatanggap ti gantimpala.”


“Maganda pa tu essa a tolay a báttenan ti gilingan a bito u álleg na, sakay itábbung ti ditaw a diget kasera makapáng-atád siya ti pagkasalaan nu anak hide a maniwala nikán.” Kanya kinagi ni Jesus, “Ni u kamát mo u mangatád niko ti págkakasala ay putáddán mo dán! Maganda pa a umangay ka ti langet a putád, kasera ni duwwa u kamát mo a meangay tu apoy a awan maada-adáp. Awan hod matay u uhád hide a mangkan nide sakay u apoy. Sakay ni u tikád mo u dahilan nu pagkasalaan mo, putáddán mo! Mas maganda pa ni eessa la u tikád mo ni tehhod ka a biyag a awan ti kahád, kasera ni duwwa u tikád mo a meangay ti impiyerno. Sakay ni u mata mo u dahilan nu pagkasalaan mo ay lábwetán mo! Mas maganda pa ni eessa la u mata mo pero tehhod ka a biyag a awan ti kahád, kasera ni duwwa u mata mo pero ibut ka la be ti impiyerno. Awan mata-matay u uhád hod hide sakay u apoy ay awan be maada-adáp.”
Dipo kinagi ni Jesus, “U atanan a tolay ay pruwebaan tu apoy. Maganda u asen, pero ni mawanan ti lasa ay tumablal dán, pakodyaán pa a pasoliyán u asen na? Konna bi hod nikam, dapat magin konna kam tu asen a makatulung tu tolay, tulungan moy u bawat essa támpara magin maayus u pamággagum moy.”

వినండి Markos 9