Imamat 4
4
Jou-jou di'a sigofi ngowa'a ra Ma JOU 'ai momina
1Ma JOU 'o kanau ra Musa: 2<<Siajele toma ngowa'a Israel so'o ne: Na'o matengo i'a 'o 'a'a ḏosa kama sangaja ua toma 'oru ḇato ga'a Ma JOU 'o simaha ua, re unanga 'o 'a'a rapu parenta rimoi i'a 'oru ḇato. Ḏua unanga gena-ge balasu 'o mete'e 'atoranga ne:
Jou-jou di'a 'Imam 'Agung 'ai ḏosa kama sangaja ua
3Na'o 'Imam 'Agung 'o 'a'a ḏosa kama sangaja ua, singadolo bangsa Israel 'aḏi mete'e 'a'a ḏosa re 'aḏi dadi sala, unanga balasu 'o sidoa'a sapi ma ngowa ma nau'u rimoi ga'a ma lese lolara ra Ma JOU sa'olo jou-jou di'a sigofi 'ai diri ra Ma JOU 'ai momina. 4Sapi ma ngowa ma nau'u gena-ge 'Imam 'Agung balasu 'a gasa toma Suyu'u Lo-lomu ma ngalana ma da-daku ma biono. Unanga balasu 'a siteru 'ai giama toma sapi gena-ge ma sae'e, kara 'a tola'a toma Suyu'u Lo-lomu ma ngalana ma da-daku ma biono. 5Sapi ma ngowa ma nau'u ma ngaunu mamuni'a, 'Imam 'Agung balasu 'a gasa singosama toma Suyu'u Lo-lomu ma dara, 6kara 'o sitono 'ai giama ma rarag̱a toma ngaunu gena-ge re 'a siji-jiri soi tumudingi toma Kamara Lai 'ofi-'ofi ma da-daku ma biono ga'a toma Suyu'u Lo-lomu ma dara. 7Gena ḏua, sapi gena-ge ma ngaunu mamuni'a, 'imam gena-ge balasu 'a si'ese toma tadu-tadu'u ga'a toma jou-jou tau'u ma dupa ma ngi'i ma ḇuḇuku rata, toma Suyu'u Lo-lomu ma dara re sapi gena-ge ma ngaunu ma jingianga balasu 'i siajala toma jou-jou tau'u ma ngi'i ma cimi ga'a toma Suyu'u Lo-lomu ma ngalana ma da-daku ma biono. 8Sapi ma ngowa ma nau'u sa'olo jou-jou di'a sigofi ngowa'a ra Ma JOU 'ai momina, 'Imam 'Agung balasu 'a 'oro enanga gena-ge ma gaji mo-moini: gaji ga'a ya sao ma po'olo ma dara, 9re ḏi'i ma ginjal romoḏiḏi rema gaji re ma 'a'abala ma balangu ma rousu i'a. 10Gena-ge ma tero sa'olo ma balangu-balangu ga'a matengo i'a 'a 'oro toma sapi sa'olo jou-jou sababu dadunu marimoi moju ra Ma JOU. Re 'Imam 'Agung balasu 'a tau'u mo-moini gena-ge toma jou-jou tau'u ma ngi'i ma re'u. 11Mada'a sapi ma ngowa ma nau'u gena-ge ma eno'o re ma la-la'eme mo-moini, enanga ma sae'e re ma busuu'u, ma po'olo ma dara re ma faja, 12mo-moini gena-ge re sapi ma ngowa'a ma nau'u ma la'eme ma jingianga, balasu ya gasa sisupu toma suyu'u ma daeraha ma ḏuḏunu toma ngi'i rimoi ga'a siwola i'a ḏua sa'olo ngi'i najis ua di'a upa'a 'omanga. Toma ngi'i gena-ge sapi ma balangu-balangu gena-ge mo-moini, ananga ya tau'u toma ate leja-lejanga ma re'u singadolo moini ḏua.
Jou-Jou di'a bangsa Israel
13Na'o ngowa'a Israel mo-moini 'aḏi 'a'a ḏosa kama sangaja ua sababu ngowa'a tamanga sigolona ananga gena-ge 'aḏi 'a'a 'oru ga'a Ma JOU 'a simaha ua, kama sangaja ua. Re ananga gena-ge 'aḏi dadi sala. 14Wakutu ḏosa gena-ge ananga ya waro ḏua, ananga jau-jau balasu 'aḏi gasa sapi ma ngowa ma nau'u rimoi toma Suyu'u Lo-lomu ma ngalana ma da-daku ma biono re 'aḏi sidoa'a sapi gena-ge sa'olo jou-jou di'a sigofi ngowa'a ra Ma JOU 'ai momina. 15Dadi bangsa Israel manga bi-biri'i—bi-biri'i balasu ya siteru manga giama toma haiwani gena-ge ma sae'e re ya tola'a toma Suyu'u Lo-lomu ma ngalana ma da-daku ma biono. 16'Imam 'Agung balasu 'a gasa sapi gena-ge ma ngaunu mamuni'a toma Suyu'u Lo-lomu ma dara. 17Unanga gena-ge balasu 'a sitono 'ai giama ma rarag̱a toma sapi gena-ge ma ngaunu kara 'a siji-jiri soi tumudingi toma Kamara Lai 'Ofi-'Ofi ma da-daku ma biono toma Suyu'u Lo-Lomu ma dara. 18Gena ḏua, sapi gena-ge ma ngaunu mamuni'a, unanga gena-ge balasu 'o si'ese toma tadu-tadu'u ga'a toma jou-jou tau'u ma dupa ma ngi'i ma ḇuḇuku rata ga'a toma Kamara Lai 'Ofi-'Ofi ma da-daku ma biono toma Suyu'u Lo-lomu ma dara. Ḏua ma ngaunu gena-ge ma jingianga 'a siba-ba'ala toma jou-jou tau'u ma ngi'i ma cimi ga'a toma Suyu'u Lo-lomu ma ngalana ma da-daku ma biono. 19Sapi ma gaji mo-moini, 'Imam 'Agung balasu 'a 'oro mo-moini kara 'a tau'u toma jou-jou tau'u ma ngi'i ma re'u. 20Ma duhu so'o gena-ge ananga balasu ya si'a'a toma sapi ma ngowa ma nau'u gena-ge ma tero sa'olo ya si'a'a toma sapi ma ngowa ma nau'u sa'olo jou-jou di'a sigofi ngowa'a ra Ma JOU 'ai momina. Dadi 'Imam 'Agung ḏuanga i'a sidoa'a jou-jou gena-ge di'a ananga, re Ma JOU ḏuanga i'a 'o singi-ngiranga manga ḏosa, ḏua bangsa Israel dadunu 'aḏi dadi marimoi moju ra Ma JOU. 21Gena ḏua, sapi ma ngowa ma nau'u gena-ge unanga gena-ge balasu 'a gasa sisupu toma suyu'u ma daeraha ma ḏuḏunu, ḏua ya tau'u singadolo moini ḏua ma tero ḏi'i sa'olo unanga 'a tau'u jou-jou sapi ma nau'u ma mulaingi. Gena-ge bangsa Israel ma jou-jou di'a sigofi ananga ra Ma JOU 'ai momina.
Jou-jou di'a bi-biri'i—bi-biri'i
22<<Na'o bi-biri'i matengo 'o 'a'a ḏosa kama sangaja ua, sababu unanga 'o 'a'a 'ori i'a rimoi ga'a Ma JOU, gena-ge Ma Jou'ongu Madutu ga'a unanga 'o silamo'o re siḏubuso, Unanga 'o simaha ua. Ḏua unanga gena-ge 'o waro 'ai sala, 23bolo ngowa'a 'u siajele mangale unanga ro 'a'a ḏosa, unanga balasu 'o gasa 'ai jou-jou 'abingi ma nau'u rimoi ga'a ma lese lolara. 24Ḏua unanga balasu 'a siteru 'ai giama toma 'abingi ma nau'u ma sae'e kara 'a tola'a haiwani gena-ge toma ngi'i ga'a biasa ngowa'a 'aḏi tola'a haiwani jou-jou tau'u di'a Ma JOU toma Suyu'u Lo-lomu ma ngalana ma da-daku ma biono. Gena-ge jou-jou di'a sigofi ngowa'a ra Ma JOU 'ai momina. 25Gena ḏua, 'imam 'a sitono 'ai giama ma rarag̱a toma ngaunu gena-ge, re 'a si'ese toma tadu-tadu'u toma jou-jou tau'u ma ngi'i ma ḇuḇuku rata, kara ma jingianga 'a siba-ba'ala toma jou-jou tau'u ma ngi'i ma cimi. 26Mada'a ma gaji mo-moini balasu tau'u toma jou-jou tau'u ma ngi'i ma re'u, ma tero sa'olo ma gaji di'a jou-jou sababu dadunu marimoi moju ra Ma JOU. Dadi 'imam ḏuanga i'a sidoa'a jou-jou gena-ge di'a bi-biri'i matengo 'ai ḏosa re Ma JOU ḏuanga i'a 'o singi-ngiranga 'ai ḏosa, kara unanga dadunu 'o dadi marimoi moju ra Ma JOU.
27<<Na'o ngowa'a somoara matengo i'a 'o 'a'a ḏosa kama sangaja ua, sababu 'o 'a'a 'ori i'a rimoi ga'a Ma JOU 'a simaha ua, ḏua unanga gena-ge 'o waro 'ai sala, 28bolo ngowa'a matengo 'o siajele ra unanga mangale 'ai ḏosa ga'a unanga ro 'a'a ḏua, unanga balasu 'o sidoa'a 'ai jou-jou 'abingi ma were'a rimoi ga'a ma lese lolara di'a ḏosa ga'a unanga 'o 'a'a ḏua. 29Ḏua unanga balasu 'a siteru 'ai giama toma 'abingi ma were'a ma sae'e ga'a 'ai jou-jou di'a sigofi ngowa'a ra Ma JOU 'ai momina, kara 'a tola'a toma jou-jou tau'u ma ngi'i ma papolo ma kore mie, ngi'i gena-ge biasa tola'a haiwani. 30Gena ḏua, 'imam matengo balasu 'o sitono 'ai giama ma rarag̱a toma haiwani gena-ge ma ngaunu re 'a si'ese toma tadu-tadu'u toma jou-jou ma ngi'i ma ḇuḇuku rata, kara ma jingianga 'a siba-ba'ala toma jou-jou tau'u ma ngi'i ma cimi. 31Gena ḏua, 'abingi gena-ge ma gaji mo-moini, balasu 'a 'oro ma duhu ma tero sa'olo 'oro ma gaji toma jou-jou sababu dadunu marimoi moju ra Ma JOU. Haiwani ma gaji gena-ge 'imam balasu 'a tau'u toma jou-jou ma ngi'i ma re'u la ma bounu 'i sisanangi Ma JOU 'ai 'akala re sinyingara. Dadi 'imam ḏuanga i'a sidoa'a jou-jou gena-ge di'a ngowa'a somoara 'ai ḏosa re Ma JOU ḏuanga i'a 'o singi-ngiranga 'ai ḏosa, kara unanga dadunu 'o dadi marimoi moju ra Ma JOU.
32Na'o unanga 'o sidoa'a doba sa'olo 'ai jou-jou di'a sigofi ngowa'a ra Ma JOU 'ai momina, unanga gena-ge balasu 'o gasa doba ma were'a ga'a ma lese lolara. 33Re 'a siteru 'ai giama toma doba ma sae'e ga'a 'ai jou-jou di'a sigofi ngowa'a ra Ma JOU 'ai momina gena-ge kara 'a tola'a toma jou-jou tau'u ma ngi'i ma papolo kore mie, ngi'i gena-ge biasa tola'a haiwani. 34'Imam ga'a 'o siḏagi munara, unanga gena-ge 'o sitono 'ai giama ma rarag̱a toma 'abingi ma ngaunu ga'a toma jou-jou gena-ge di'a sigofi ngowa'a ra Ma JOU 'ai momina, re 'a si'ese toma tadu-tadu'u ga'a toma jou-jou tau'u ma ngi'i ma ḇuḇuku rata, kara ma jingianga 'a siba-ba'ala toma jou-jou tau'u ma ngi'i ma cimi. 35Gena ḏua, doba gena-ge ma gaji mo-moini, 'imam balasu 'a 'oro ma duhu ma tero sa'olo 'oro doba ma gaji toma jou-jou sababu dadunu marimoi moju ra Ma JOU. Doba ma gaji gena-ge, 'imam balasu 'a tau'u toma jou-jou ma ngi'i toma jou-jou ngo-ngoromo ma re'u ga'a ngowa'a ya sidoa'a ra Ma JOU. Dadi 'imam ḏuanga i'a sidoa'a jou-jou gena-ge di'a ngowa'a somoara 'ai ḏosa ga'a unanga 'o 'a'a re Ma JOU ḏuanga i'a 'o singi-ngiranga 'ai ḏosa, kara unanga dadunu 'o dadi marimoi moju ra Ma JOU.
தற்சமயம் தேர்ந்தெடுக்கப்பட்டது:
Imamat 4: SAJ
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
2025 Indonesian Bible Society (LAI)
Imamat 4
4
Jou-jou di'a sigofi ngowa'a ra Ma JOU 'ai momina
1Ma JOU 'o kanau ra Musa: 2<<Siajele toma ngowa'a Israel so'o ne: Na'o matengo i'a 'o 'a'a ḏosa kama sangaja ua toma 'oru ḇato ga'a Ma JOU 'o simaha ua, re unanga 'o 'a'a rapu parenta rimoi i'a 'oru ḇato. Ḏua unanga gena-ge balasu 'o mete'e 'atoranga ne:
Jou-jou di'a 'Imam 'Agung 'ai ḏosa kama sangaja ua
3Na'o 'Imam 'Agung 'o 'a'a ḏosa kama sangaja ua, singadolo bangsa Israel 'aḏi mete'e 'a'a ḏosa re 'aḏi dadi sala, unanga balasu 'o sidoa'a sapi ma ngowa ma nau'u rimoi ga'a ma lese lolara ra Ma JOU sa'olo jou-jou di'a sigofi 'ai diri ra Ma JOU 'ai momina. 4Sapi ma ngowa ma nau'u gena-ge 'Imam 'Agung balasu 'a gasa toma Suyu'u Lo-lomu ma ngalana ma da-daku ma biono. Unanga balasu 'a siteru 'ai giama toma sapi gena-ge ma sae'e, kara 'a tola'a toma Suyu'u Lo-lomu ma ngalana ma da-daku ma biono. 5Sapi ma ngowa ma nau'u ma ngaunu mamuni'a, 'Imam 'Agung balasu 'a gasa singosama toma Suyu'u Lo-lomu ma dara, 6kara 'o sitono 'ai giama ma rarag̱a toma ngaunu gena-ge re 'a siji-jiri soi tumudingi toma Kamara Lai 'ofi-'ofi ma da-daku ma biono ga'a toma Suyu'u Lo-lomu ma dara. 7Gena ḏua, sapi gena-ge ma ngaunu mamuni'a, 'imam gena-ge balasu 'a si'ese toma tadu-tadu'u ga'a toma jou-jou tau'u ma dupa ma ngi'i ma ḇuḇuku rata, toma Suyu'u Lo-lomu ma dara re sapi gena-ge ma ngaunu ma jingianga balasu 'i siajala toma jou-jou tau'u ma ngi'i ma cimi ga'a toma Suyu'u Lo-lomu ma ngalana ma da-daku ma biono. 8Sapi ma ngowa ma nau'u sa'olo jou-jou di'a sigofi ngowa'a ra Ma JOU 'ai momina, 'Imam 'Agung balasu 'a 'oro enanga gena-ge ma gaji mo-moini: gaji ga'a ya sao ma po'olo ma dara, 9re ḏi'i ma ginjal romoḏiḏi rema gaji re ma 'a'abala ma balangu ma rousu i'a. 10Gena-ge ma tero sa'olo ma balangu-balangu ga'a matengo i'a 'a 'oro toma sapi sa'olo jou-jou sababu dadunu marimoi moju ra Ma JOU. Re 'Imam 'Agung balasu 'a tau'u mo-moini gena-ge toma jou-jou tau'u ma ngi'i ma re'u. 11Mada'a sapi ma ngowa ma nau'u gena-ge ma eno'o re ma la-la'eme mo-moini, enanga ma sae'e re ma busuu'u, ma po'olo ma dara re ma faja, 12mo-moini gena-ge re sapi ma ngowa'a ma nau'u ma la'eme ma jingianga, balasu ya gasa sisupu toma suyu'u ma daeraha ma ḏuḏunu toma ngi'i rimoi ga'a siwola i'a ḏua sa'olo ngi'i najis ua di'a upa'a 'omanga. Toma ngi'i gena-ge sapi ma balangu-balangu gena-ge mo-moini, ananga ya tau'u toma ate leja-lejanga ma re'u singadolo moini ḏua.
Jou-Jou di'a bangsa Israel
13Na'o ngowa'a Israel mo-moini 'aḏi 'a'a ḏosa kama sangaja ua sababu ngowa'a tamanga sigolona ananga gena-ge 'aḏi 'a'a 'oru ga'a Ma JOU 'a simaha ua, kama sangaja ua. Re ananga gena-ge 'aḏi dadi sala. 14Wakutu ḏosa gena-ge ananga ya waro ḏua, ananga jau-jau balasu 'aḏi gasa sapi ma ngowa ma nau'u rimoi toma Suyu'u Lo-lomu ma ngalana ma da-daku ma biono re 'aḏi sidoa'a sapi gena-ge sa'olo jou-jou di'a sigofi ngowa'a ra Ma JOU 'ai momina. 15Dadi bangsa Israel manga bi-biri'i—bi-biri'i balasu ya siteru manga giama toma haiwani gena-ge ma sae'e re ya tola'a toma Suyu'u Lo-lomu ma ngalana ma da-daku ma biono. 16'Imam 'Agung balasu 'a gasa sapi gena-ge ma ngaunu mamuni'a toma Suyu'u Lo-lomu ma dara. 17Unanga gena-ge balasu 'a sitono 'ai giama ma rarag̱a toma sapi gena-ge ma ngaunu kara 'a siji-jiri soi tumudingi toma Kamara Lai 'Ofi-'Ofi ma da-daku ma biono toma Suyu'u Lo-Lomu ma dara. 18Gena ḏua, sapi gena-ge ma ngaunu mamuni'a, unanga gena-ge balasu 'o si'ese toma tadu-tadu'u ga'a toma jou-jou tau'u ma dupa ma ngi'i ma ḇuḇuku rata ga'a toma Kamara Lai 'Ofi-'Ofi ma da-daku ma biono toma Suyu'u Lo-lomu ma dara. Ḏua ma ngaunu gena-ge ma jingianga 'a siba-ba'ala toma jou-jou tau'u ma ngi'i ma cimi ga'a toma Suyu'u Lo-lomu ma ngalana ma da-daku ma biono. 19Sapi ma gaji mo-moini, 'Imam 'Agung balasu 'a 'oro mo-moini kara 'a tau'u toma jou-jou tau'u ma ngi'i ma re'u. 20Ma duhu so'o gena-ge ananga balasu ya si'a'a toma sapi ma ngowa ma nau'u gena-ge ma tero sa'olo ya si'a'a toma sapi ma ngowa ma nau'u sa'olo jou-jou di'a sigofi ngowa'a ra Ma JOU 'ai momina. Dadi 'Imam 'Agung ḏuanga i'a sidoa'a jou-jou gena-ge di'a ananga, re Ma JOU ḏuanga i'a 'o singi-ngiranga manga ḏosa, ḏua bangsa Israel dadunu 'aḏi dadi marimoi moju ra Ma JOU. 21Gena ḏua, sapi ma ngowa ma nau'u gena-ge unanga gena-ge balasu 'a gasa sisupu toma suyu'u ma daeraha ma ḏuḏunu, ḏua ya tau'u singadolo moini ḏua ma tero ḏi'i sa'olo unanga 'a tau'u jou-jou sapi ma nau'u ma mulaingi. Gena-ge bangsa Israel ma jou-jou di'a sigofi ananga ra Ma JOU 'ai momina.
Jou-jou di'a bi-biri'i—bi-biri'i
22<<Na'o bi-biri'i matengo 'o 'a'a ḏosa kama sangaja ua, sababu unanga 'o 'a'a 'ori i'a rimoi ga'a Ma JOU, gena-ge Ma Jou'ongu Madutu ga'a unanga 'o silamo'o re siḏubuso, Unanga 'o simaha ua. Ḏua unanga gena-ge 'o waro 'ai sala, 23bolo ngowa'a 'u siajele mangale unanga ro 'a'a ḏosa, unanga balasu 'o gasa 'ai jou-jou 'abingi ma nau'u rimoi ga'a ma lese lolara. 24Ḏua unanga balasu 'a siteru 'ai giama toma 'abingi ma nau'u ma sae'e kara 'a tola'a haiwani gena-ge toma ngi'i ga'a biasa ngowa'a 'aḏi tola'a haiwani jou-jou tau'u di'a Ma JOU toma Suyu'u Lo-lomu ma ngalana ma da-daku ma biono. Gena-ge jou-jou di'a sigofi ngowa'a ra Ma JOU 'ai momina. 25Gena ḏua, 'imam 'a sitono 'ai giama ma rarag̱a toma ngaunu gena-ge, re 'a si'ese toma tadu-tadu'u toma jou-jou tau'u ma ngi'i ma ḇuḇuku rata, kara ma jingianga 'a siba-ba'ala toma jou-jou tau'u ma ngi'i ma cimi. 26Mada'a ma gaji mo-moini balasu tau'u toma jou-jou tau'u ma ngi'i ma re'u, ma tero sa'olo ma gaji di'a jou-jou sababu dadunu marimoi moju ra Ma JOU. Dadi 'imam ḏuanga i'a sidoa'a jou-jou gena-ge di'a bi-biri'i matengo 'ai ḏosa re Ma JOU ḏuanga i'a 'o singi-ngiranga 'ai ḏosa, kara unanga dadunu 'o dadi marimoi moju ra Ma JOU.
27<<Na'o ngowa'a somoara matengo i'a 'o 'a'a ḏosa kama sangaja ua, sababu 'o 'a'a 'ori i'a rimoi ga'a Ma JOU 'a simaha ua, ḏua unanga gena-ge 'o waro 'ai sala, 28bolo ngowa'a matengo 'o siajele ra unanga mangale 'ai ḏosa ga'a unanga ro 'a'a ḏua, unanga balasu 'o sidoa'a 'ai jou-jou 'abingi ma were'a rimoi ga'a ma lese lolara di'a ḏosa ga'a unanga 'o 'a'a ḏua. 29Ḏua unanga balasu 'a siteru 'ai giama toma 'abingi ma were'a ma sae'e ga'a 'ai jou-jou di'a sigofi ngowa'a ra Ma JOU 'ai momina, kara 'a tola'a toma jou-jou tau'u ma ngi'i ma papolo ma kore mie, ngi'i gena-ge biasa tola'a haiwani. 30Gena ḏua, 'imam matengo balasu 'o sitono 'ai giama ma rarag̱a toma haiwani gena-ge ma ngaunu re 'a si'ese toma tadu-tadu'u toma jou-jou ma ngi'i ma ḇuḇuku rata, kara ma jingianga 'a siba-ba'ala toma jou-jou tau'u ma ngi'i ma cimi. 31Gena ḏua, 'abingi gena-ge ma gaji mo-moini, balasu 'a 'oro ma duhu ma tero sa'olo 'oro ma gaji toma jou-jou sababu dadunu marimoi moju ra Ma JOU. Haiwani ma gaji gena-ge 'imam balasu 'a tau'u toma jou-jou ma ngi'i ma re'u la ma bounu 'i sisanangi Ma JOU 'ai 'akala re sinyingara. Dadi 'imam ḏuanga i'a sidoa'a jou-jou gena-ge di'a ngowa'a somoara 'ai ḏosa re Ma JOU ḏuanga i'a 'o singi-ngiranga 'ai ḏosa, kara unanga dadunu 'o dadi marimoi moju ra Ma JOU.
32Na'o unanga 'o sidoa'a doba sa'olo 'ai jou-jou di'a sigofi ngowa'a ra Ma JOU 'ai momina, unanga gena-ge balasu 'o gasa doba ma were'a ga'a ma lese lolara. 33Re 'a siteru 'ai giama toma doba ma sae'e ga'a 'ai jou-jou di'a sigofi ngowa'a ra Ma JOU 'ai momina gena-ge kara 'a tola'a toma jou-jou tau'u ma ngi'i ma papolo kore mie, ngi'i gena-ge biasa tola'a haiwani. 34'Imam ga'a 'o siḏagi munara, unanga gena-ge 'o sitono 'ai giama ma rarag̱a toma 'abingi ma ngaunu ga'a toma jou-jou gena-ge di'a sigofi ngowa'a ra Ma JOU 'ai momina, re 'a si'ese toma tadu-tadu'u ga'a toma jou-jou tau'u ma ngi'i ma ḇuḇuku rata, kara ma jingianga 'a siba-ba'ala toma jou-jou tau'u ma ngi'i ma cimi. 35Gena ḏua, doba gena-ge ma gaji mo-moini, 'imam balasu 'a 'oro ma duhu ma tero sa'olo 'oro doba ma gaji toma jou-jou sababu dadunu marimoi moju ra Ma JOU. Doba ma gaji gena-ge, 'imam balasu 'a tau'u toma jou-jou ma ngi'i toma jou-jou ngo-ngoromo ma re'u ga'a ngowa'a ya sidoa'a ra Ma JOU. Dadi 'imam ḏuanga i'a sidoa'a jou-jou gena-ge di'a ngowa'a somoara 'ai ḏosa ga'a unanga 'o 'a'a re Ma JOU ḏuanga i'a 'o singi-ngiranga 'ai ḏosa, kara unanga dadunu 'o dadi marimoi moju ra Ma JOU.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
2025 Indonesian Bible Society (LAI)