Imamat 3
3
Jou-jou sababu dadunu marimoi moju ra Ma JOU
1<<Na'o matengo i'a 'o sidoa'a 'o sapi ma nau'u bolo ma were'a rimoi ra Ma JOU sa'olo jou-jou sababu dadunu marimoi moju ra Unanga, haiwani gena-ge balasu ma lese lolara. 2Ḏua ngowa'a gena-ge balasu 'o siteru 'ai giama toma jou-jou sapi ma sae'e, re 'a tola'a haiwani gena-ge toma Suyu'u Lo-lomu ma ngalana ma da-daku ma biono. Ḏua 'imam-'imam 'a Harun 'ai ngowa-ngowa'a nau'u gena-ge, balasu 'a siajala haiwani ma ngaunu toma jou-jou tau'u ma ngi'i ma ḇuḇuku rata ma gagoro. 3Gena ḏua, sa'olo 'ai jou-jou ngo-ngoromo, unanga balasu 'o 'oro nena-ne tai jou-jou sababu dadunu marimoi moju ra Ma JOU: haiwani ma gaji mo-moini ga'a 'i pata toma po'olo ma dara, 4ma ginjal romoḏiḏi re ma gaji, re ma 'a'abala ma balangu ga'a 'i rousu i'a ga'a unanga gena-ge 'a oro sirimoi reo ginjal. 5Jou-jou ngo-ngoromo gena-ge mo-moini 'i sigare toma jou-jou tau'u ma lelegu ma re'u, 'a Harun 'ai ngowa-ngowa'a nau'u ya tau'u mo-moini toma jou-jou ma ngi'i ma re'u. Re Jou-jou ngo-ngoromo gena-ge rema bounu ga'a sisanangi Ma JOU 'ai 'akala re sinyingara.
6Na'o sidoa'a jou-jou sababu dadunu marimoi moju ra Ma JOU gena-ge 'o doba bolo 'abingi rimoi toma duo-duo bae ma nau'u bolo ma were'a, haiwani gena-ge balasu ma lese lolara. 7Na'o matengo mau 'o sidoa'a jou-jou 'o doba rimoi unanga balasu 'o gasa toma Suyu'u Lo-lomu ma ngalana ma da-daku ma biono. 8Toma ngi'i gena-ge, unanga balasu 'a siteru 'ai giama toma doba ma sae'e, kara 'a tola'a toma Suyu'u Lo-lomu ma ngalana ma da-daku ma biono. Gena ḏua 'imam matengo ra Harun 'ai ngowa-ngowa'a nau'u, unanga balasu 'o siajala doba ma ngaunu toma jou-jou ma ngi'i ma ḇuḇuku rata ma gagoro. 9Gena ḏua sa'olo ngowa'a matengo gena-ge 'ai jou-jou ngo-ngoromo ra Ma JOU, unanga balasu 'o 'oro haiwani gena-ge ma gaji tai jou-jou sababu dadunu marimoi moju ra Ma JOU. Gaji gena-ge: ma di'imi mo-moini rema gaji, tola'a enanga gena-ge co-cori ḏuḏunu ma obongo re ma gaji mo-moini ga'a sao ma po'olo ma dara, 10ma ginjal romoḏiḏi rema gaji, re ma 'a'abala ma balangu ga'a 'i rousu i'a ga'a unanga gena-ge 'a 'oro sirimoi reo ginjal. 11'Imam matengo ra Harun 'ai ngowa-ngowa'a nau'u ga'a siḏagi munara, unanga balasu ya tau'u mo-moini gena-ge toma jou-jou ma ngi'i, sa'olo jou-jou ngo-ngoromo ra Ma JOU.
12Na'o 'ai jou-jou gena-ge 'o 'abingi rimoi, bae ma nau'u bolo ma were'a, ngowa'a matengo gena-ge balasu 'a gasa toma Suyu'u Lo-lomu ma ngalana ma da-daku ma biono. 13Ngowa'a gena-ge balasu 'a siteru 'ai giama toma 'abingi ma sae'e re 'a tola'a toma Suyu'u Lo-lomu ma ngalana ma da-daku ma biono. 'Imam matengo ra Harun 'ai ngowa-ngowa'a ma nau'u, unanga balasu 'o siajala haiwani gena-ge ma ngaunu toma jou-jou tau'u ma ngi'i ma ḇuḇuku rata. 14Gena ḏua toma jou-jou gena-ge, ngowa'a 'a 'oro gaji sa'olo 'ai jou-jou ngo-ngoromo nena-ne: ma gaji ga'a 'i pata toma po'olo ma dara, 15re ḏi'i ma ginjal romoḏiḏi rema gaji ga'a pata, re ma 'a'abala ma balangu 'i rousu i'a ga'a unanga gena-ge 'a 'oro sirimoi reo ginjal. 16'Imam ga'a 'o siḏagi munara balasu ya tau'u mo-moini toma jou-jou ma ngi'i sa'olo jou-jou ngo-ngoromo rema bounu ga'a sisanangi Ma JOU 'ai 'akala re sinyingara. Re ma gaji mo-moini 'i siwola i'a di'a Ma JOU 17Ngowa'a Israel 'aḏi oromo yoḏu'u 'o gaji bolo ngaunu. Hukumu gena-ge di'a ngowa'a Israel ma ju'uda tala, le'a bolo le'a ḇato ananga 'aḏi tegoro di'a kasingado-ngadolo i'a.
தற்சமயம் தேர்ந்தெடுக்கப்பட்டது:
Imamat 3: SAJ
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
2025 Indonesian Bible Society (LAI)