செப்பனியா 3இலிருந்து பிரபலமான வேதாகம வசனங்கள்

பகிர்

உன் இறைவனாகிய கர்த்தர் உன்னுடன் இருக்கின்றார். அவர் உன்னை இரட்சிக்க வல்லவர். உன்னில் அவர் மகிழ்ந்து களிகூருவார். அவர் தம்முடைய அன்பின் பொருட்டு உன்னைக் கடிந்துகொள்ள மாட்டார். அவர் உன்னைக் குறித்துப் பாடி மகிழ்வார்.”

அக்காலத்தில் நான் உங்களை ஒன்றுசேர்ப்பேன்; அக்காலத்தில் நான் உங்களை உங்கள் வீட்டுக்குக் கொண்டுவருவேன். அப்போது பூமியின் மக்கள் அனைவருக்குள்ளும் உங்களுக்குப் புகழ்ச்சியையும், மேன்மையையும், உங்கள் கண்களுக்கு முன்பாக நீங்கள் இழந்த செல்வங்களையும் நான் உங்களுக்குத் திருப்பிக் கொடுப்பேன்” என கர்த்தர் சொல்கின்றார்.

கர்த்தர் உன்மீதான தண்டனையை அகற்றிவிட்டார், அவர் உன் பகைவரைத் துரத்தி விட்டார். இஸ்ரயேலின் அரசனாகிய கர்த்தரே உன்னுடன் இருக்கின்றார்; நீ இனி ஒருபோதும் எவ்வித தீங்கைக் குறித்தும் பயப்பட மாட்டாய்.

அக்காலத்தில் உன்னை ஒடுக்கிய அனைவரையும் நான் தண்டிப்பேன். கால் ஊனமுற்றோரைக் காப்பாற்றி சிதறடிக்கப்பட்டவர்களை ஒன்றுசேர்ப்பேன். அவர்கள் வெட்கித் தலைகுனிவுக்கு உள்ளான நாடுகளில் எல்லாம் அவர்களுக்குப் புகழ்ச்சியையும் மேன்மையையும் கொடுப்பேன்.