MARK 6
6
Nazareth Te Jisu Ke Tiyag Korise
1Pasote Tar tate pora jai kene nijor nagor te ahhise; aru chella khan bhi Tar piche te ahhise. 2Aru bisram din te Tar pora girja ghor te sikhaise; aru kon pora hunise, taikhan besi manuh asorit lagise, aru koise, “Eitu manuh kot pora eneka gyan sob tu paise? Tar ke di kene thaka gyan tu keneka ase? Tar haat pora kora mahan kam tu keneka laga kam ase? 3Eitu kath mistry nahoi neki, aru Mary laga putro nahoi neki, aru James, Joses, Judas aru Simon khan laga kokai nahoi neki, aru Tar laga bhoni khan amikhan logot te nai neki?” Aru taikhan pora Jisu logot te ghusa hoise. 4Aru Jisu he taikhan ke koise, “Bhavobadi ekjon tu dusera jaga te sonman ase, kintu khali nijor jaga te, aru nijor khandan majot te, aru nijor ghor majote he napai.” 5Aru Tar pora tate mahan kam eku kora nai, khali konuba bemar manuh ke Tar haat pora chui kene hustho kora he thakise. 6Aru taikhan pora biswas nakora dekhi kene Jisu he asorit lagise.
Aru bosti alag alag te jai kene Tar pora sikhai dise.
Jisu He Pasonir Khan Ke Pathai Diya
7Tetiya barohjon ke matise aru ohusi atma khan upor te khyomota di kene taikhan duijon duijon pathai dise. 8Tarkhan jatra nimite khali lathi he lobo kintu dusera—roti, jhola, nahole toka poisa eku nabukhibo— 9kintu sandal lagai lobo aru duita kapoor napindibole tan hukum dise. 10Aru Jisu he taikhan ke koise, “Kon ghor te tumikhan jai, heitu jaga nashara tak tate he thakibi. 11Aru jodi konuba jaga te tumikhan ke swagat nakore aru tumikhan laga kotha nahune, tetiya sakhi nimite ketiya tate pora jabo, tumikhan laga theng pora dhuli taikhan upor te jukari kori phelai dibi.” 12Eitu karne taikhan ulai jaise aru manuh khan mon ghurai ahhibo nimite prachar korise. 13Aru taikhan pora ohusi atma khan besi khedai dise, aru bemar hoi thaka manuh khan besi ke Isor laga nam te tel lagai kene hustho kori dise.
Baptisma Diya John Mora
14Raja Herod pora eitu hunise; Kilemane Jisu laga nam tu sob phale janai jaise. Konuba manuh he koise, “Baptisma diya John mora pora jinda hoi kene ase; eitu karne he Tar logot eneka asorit kam kori ase.” 15Kintu dusera pora koise, “Eitu Elijah ase.” Aru dusera khan pora koise, “Eitu purana din te thaka bhavobadi nisna ekjon ase.” 16Kintu ketiya Herod pora eitu hunise, tar koise, “Moi gola kati kene morai diya John he aru jinda uthise.” 17Kilemane Herod pora manuh pathai kene John dhori loise, aru tar nijor bhai Philip laga patni Herodias nimite John ke bandhighor te rakhise; kilemane Herod pora tai ke saadi korise. 18Aru John pora Herod ke koise, “Tumi nijor bhai laga patni ke saadi koribole kanoon te nai.” 19Aru eitu nimite Herodias pora John upor te besi khong uthise aru tar ke morai dibole monn korise. Kintu para nai, 20kilemane Herod pora John tu ekjon dharmik aru pobitro manuh ase eneka jani kene bhoi kori thakise, eitu karne John ke bhall pora bachai kene rakhise. Ketiya tar pora John laga kotha tu hunise, besi bhoi pora chinta hoise; kintu khushi pora kotha tu huni loise.
21Kintu bhall homoi ekta ahhise, ketiya Herod pora tar jonom din te Galilee te thaka dangor manuh khan, senapoti aru prodhan khan nimite bhojon khilaise; 22eitu homoi te Herodias laga sowali ahhi kene nachise aru tai pora Herod raja aru tar logote alohi khan sob khushi kori dise; aru raja pora sowali ke koise, “Tumi ki lage moi logote mangibi, moi eitu tumi ke dibo.” 23Aru kosom khai kene tar koise, “Tumi ki ki hudile bhi moi dibo, moi laga rajyo adha hole bhi dibo.” 24Aru sowali tu jai kene amaa ke koise, “Moi ki mangibo?” Aru amaa pora koise, “Baptisma diya John laga matha mangibi.” 25Tetiya sowali he raja usor te loge loge polai ahhi kene koise, “Eitu thali te Baptisma diya John laga matha hali kene moi ke di dibi, eitu he moi laga itcha ase.” 26Aru raja tu mon besi dukh hoise; kintu alohi usor te tar laga kosom nabhangibo karne sowali laga kotha tu manise. 27Aru loge loge roikhya kora sepahi ekjon pathai kene Baptisma diya John laga matha anibole raja pora hukum dise. Tar jai kene bandhighor te he tar laga matha tu katise, 28aru Baptisma diya John laga matha tu thali ekta te anise, aru eitu sowali ke dise; aru sowali he tai laga amaa ke di dise. 29Ketiya John laga chella khan pora eitu hunise, tarkhan ahhi kene tar laga mora gau tu loise aru moidam di dise.
Jisu He Pans Hazar Khabole Diya
30Tetiya Pasonir khan Jisu usor te ahhise, aru tarkhan pora ki korise aru sikhai dise eitu sob koise. 31Aru Tar pora tar khan ke koise, “Hala gula nathaka jaga te tumikhan ahhi kene olop aram koribi.” Kilemane besi manuh ahhibo jabo aru khabole bhi homoi napai. 32Aru tarkhan nao ekta te bohi kene hala gula nathaka jaga ekta te jai jaise. 33Tetiya tarkhan jua tu besi manuh pora dekhise, aru nagor sob pora manuh khan polai kene tar khan aage te jaga tu pongchise. 34Tar nadi kinar te pongcha homoi te manuh besi jama kori kene dekhise, aru mon te taikhan ke morom lagise, kilemane taikhan mer roikhya nathaka mer nisna thakise; aru Tar kotha shuru hoi kene besi kotha sikhai dise. 35Aru ketiya besi dery hoise, Tar chella khan ahhi kene koise, “Eitu manuh nathaka khali jaga ase, aru homoi tu dery hoi jai ase; 36taikhan usor te thaka nagor aru bosti te pathai dibi aru nijor karne khua lua kiba kinibole dibi.” 37Kintu Tar he taikhan ke uttar dise, “Tumikhan pora he taikhan ke kiba khabole dibi.” Aru tarkhan pora koise, “Amikhan jai kene duiso denarii dam laga roti kinibo aru taikhan ke eitu khabole dibo paribo neki?” 38Aru Tar pora taikhan ke hudise, “Tumikhan logote kiman roti ase? Jai kene bisaribi.” Ketiya eitu paise taikhan pora koise, “pansta roti aru duita maas.” 39Tetiya taikhan sob ghans upor te ekso ekso aru ponchas ponchas, eneka dol dol bohi bole Tar pora hukum dise. 40Eitu nisna taikhan ekso ekso aru ponchas ponchas eneka dol dol bohi jaise. 41Tetiya pansta roti aru duita maas lua pasote sorgo phale sai kene ashirbad prathana korise, aru roti bhangai kene eitu manuh khan majote bhag kori bole chella khan ke dise; aru Tar pora duita maas bhi taikhan majote eneka bhag kori bole dise. 42Aru taikhan sob khai kene tripti hoise. 43Aru taikhan pora roti aru maas tukura jama kori kene barohta tukuri hoise. 44Aru eitu roti khua manuh tu pans hazar thakise.
Jisu Samundor Paani Upor Te Bera
45Loge loge Jisu pora nijor chella khan nao ekta te bohi kene dusera samundor kinar, Bethsaida phale jabole dise aru eke homoi te jama kori thaka manuh khan bhi nijor jaga te pathai dise. 46Aru manuh khan ke shari kene Tar pahar te prathana koribole uthise. 47Aru ketiya sham homoi ahhise, nao tu samundor te jai thakise, aru Tar ekela he pahar maati te thakise. 48Aru taikhan aage te nao loi jabole besi kosto hoi thaka tu Jisu pora dekhise, kilemane taikhan biporit te hava mari thakise, 49kintu ketiya Jisu samundor upor te khuj-kari ahha dekhise, ekta bhut ahhi ase eneka tarkhan pora bhabna korise, aru bhoi te jur pora hala korise; 50kilemane taikhan sob pora Jisu ke dekhise aru besi bhoi lagise. Kintu loge loge Jisu he kotha kori kene koise, “Mon khushi hobi, eitu moi he ase; bhoi nakoribi.” 51Aru Tar nao te taikhan logote bohi jaise aru hava mari thaka tu rukhi jaise, tetiya taikhan sob ekdom asorit lagise, 52tarkhan pora roti laga asorit kam tu buja nai, kilemane tarkhan laga mon tu tan thakise.
Gennesaret Jaga Te Jisu He Bemar Manuh Hustho Kora
53Aru ketiya samundor par kori ahhise, tarkhan Gennesaret jaga te pongchi kene tate nao tu bandhi rakhise. 54Aru ketiya nao pora tarkhan ulaise loge loge manuh khan pora Jisu ke jani loise, 55aru usor te thaka jaga sob pora manuh khan polai kene kisim kisim bemar manuh khan charpai te loi kene Jisu kot te ase eitu jaga sob te loi anise. 56Aru kon jaga te Jisu ahhise, bosti te holebhi sohor te holebhi taikhan pora bemar manuh khan bazar jaga te rakhi dise aru bemar manuh khan pora Tar laga anchal kapoor te holebhi chui dibole onurudh korise; aru kiman jon he chuise eitu manuh khan sob bhall hoise.
Iliyochaguliwa sasa
MARK 6: NagaMe
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.
MARK 6
6
Nazareth Te Jisu Ke Tiyag Korise
1Pasote Tar tate pora jai kene nijor nagor te ahhise; aru chella khan bhi Tar piche te ahhise. 2Aru bisram din te Tar pora girja ghor te sikhaise; aru kon pora hunise, taikhan besi manuh asorit lagise, aru koise, “Eitu manuh kot pora eneka gyan sob tu paise? Tar ke di kene thaka gyan tu keneka ase? Tar haat pora kora mahan kam tu keneka laga kam ase? 3Eitu kath mistry nahoi neki, aru Mary laga putro nahoi neki, aru James, Joses, Judas aru Simon khan laga kokai nahoi neki, aru Tar laga bhoni khan amikhan logot te nai neki?” Aru taikhan pora Jisu logot te ghusa hoise. 4Aru Jisu he taikhan ke koise, “Bhavobadi ekjon tu dusera jaga te sonman ase, kintu khali nijor jaga te, aru nijor khandan majot te, aru nijor ghor majote he napai.” 5Aru Tar pora tate mahan kam eku kora nai, khali konuba bemar manuh ke Tar haat pora chui kene hustho kora he thakise. 6Aru taikhan pora biswas nakora dekhi kene Jisu he asorit lagise.
Aru bosti alag alag te jai kene Tar pora sikhai dise.
Jisu He Pasonir Khan Ke Pathai Diya
7Tetiya barohjon ke matise aru ohusi atma khan upor te khyomota di kene taikhan duijon duijon pathai dise. 8Tarkhan jatra nimite khali lathi he lobo kintu dusera—roti, jhola, nahole toka poisa eku nabukhibo— 9kintu sandal lagai lobo aru duita kapoor napindibole tan hukum dise. 10Aru Jisu he taikhan ke koise, “Kon ghor te tumikhan jai, heitu jaga nashara tak tate he thakibi. 11Aru jodi konuba jaga te tumikhan ke swagat nakore aru tumikhan laga kotha nahune, tetiya sakhi nimite ketiya tate pora jabo, tumikhan laga theng pora dhuli taikhan upor te jukari kori phelai dibi.” 12Eitu karne taikhan ulai jaise aru manuh khan mon ghurai ahhibo nimite prachar korise. 13Aru taikhan pora ohusi atma khan besi khedai dise, aru bemar hoi thaka manuh khan besi ke Isor laga nam te tel lagai kene hustho kori dise.
Baptisma Diya John Mora
14Raja Herod pora eitu hunise; Kilemane Jisu laga nam tu sob phale janai jaise. Konuba manuh he koise, “Baptisma diya John mora pora jinda hoi kene ase; eitu karne he Tar logot eneka asorit kam kori ase.” 15Kintu dusera pora koise, “Eitu Elijah ase.” Aru dusera khan pora koise, “Eitu purana din te thaka bhavobadi nisna ekjon ase.” 16Kintu ketiya Herod pora eitu hunise, tar koise, “Moi gola kati kene morai diya John he aru jinda uthise.” 17Kilemane Herod pora manuh pathai kene John dhori loise, aru tar nijor bhai Philip laga patni Herodias nimite John ke bandhighor te rakhise; kilemane Herod pora tai ke saadi korise. 18Aru John pora Herod ke koise, “Tumi nijor bhai laga patni ke saadi koribole kanoon te nai.” 19Aru eitu nimite Herodias pora John upor te besi khong uthise aru tar ke morai dibole monn korise. Kintu para nai, 20kilemane Herod pora John tu ekjon dharmik aru pobitro manuh ase eneka jani kene bhoi kori thakise, eitu karne John ke bhall pora bachai kene rakhise. Ketiya tar pora John laga kotha tu hunise, besi bhoi pora chinta hoise; kintu khushi pora kotha tu huni loise.
21Kintu bhall homoi ekta ahhise, ketiya Herod pora tar jonom din te Galilee te thaka dangor manuh khan, senapoti aru prodhan khan nimite bhojon khilaise; 22eitu homoi te Herodias laga sowali ahhi kene nachise aru tai pora Herod raja aru tar logote alohi khan sob khushi kori dise; aru raja pora sowali ke koise, “Tumi ki lage moi logote mangibi, moi eitu tumi ke dibo.” 23Aru kosom khai kene tar koise, “Tumi ki ki hudile bhi moi dibo, moi laga rajyo adha hole bhi dibo.” 24Aru sowali tu jai kene amaa ke koise, “Moi ki mangibo?” Aru amaa pora koise, “Baptisma diya John laga matha mangibi.” 25Tetiya sowali he raja usor te loge loge polai ahhi kene koise, “Eitu thali te Baptisma diya John laga matha hali kene moi ke di dibi, eitu he moi laga itcha ase.” 26Aru raja tu mon besi dukh hoise; kintu alohi usor te tar laga kosom nabhangibo karne sowali laga kotha tu manise. 27Aru loge loge roikhya kora sepahi ekjon pathai kene Baptisma diya John laga matha anibole raja pora hukum dise. Tar jai kene bandhighor te he tar laga matha tu katise, 28aru Baptisma diya John laga matha tu thali ekta te anise, aru eitu sowali ke dise; aru sowali he tai laga amaa ke di dise. 29Ketiya John laga chella khan pora eitu hunise, tarkhan ahhi kene tar laga mora gau tu loise aru moidam di dise.
Jisu He Pans Hazar Khabole Diya
30Tetiya Pasonir khan Jisu usor te ahhise, aru tarkhan pora ki korise aru sikhai dise eitu sob koise. 31Aru Tar pora tar khan ke koise, “Hala gula nathaka jaga te tumikhan ahhi kene olop aram koribi.” Kilemane besi manuh ahhibo jabo aru khabole bhi homoi napai. 32Aru tarkhan nao ekta te bohi kene hala gula nathaka jaga ekta te jai jaise. 33Tetiya tarkhan jua tu besi manuh pora dekhise, aru nagor sob pora manuh khan polai kene tar khan aage te jaga tu pongchise. 34Tar nadi kinar te pongcha homoi te manuh besi jama kori kene dekhise, aru mon te taikhan ke morom lagise, kilemane taikhan mer roikhya nathaka mer nisna thakise; aru Tar kotha shuru hoi kene besi kotha sikhai dise. 35Aru ketiya besi dery hoise, Tar chella khan ahhi kene koise, “Eitu manuh nathaka khali jaga ase, aru homoi tu dery hoi jai ase; 36taikhan usor te thaka nagor aru bosti te pathai dibi aru nijor karne khua lua kiba kinibole dibi.” 37Kintu Tar he taikhan ke uttar dise, “Tumikhan pora he taikhan ke kiba khabole dibi.” Aru tarkhan pora koise, “Amikhan jai kene duiso denarii dam laga roti kinibo aru taikhan ke eitu khabole dibo paribo neki?” 38Aru Tar pora taikhan ke hudise, “Tumikhan logote kiman roti ase? Jai kene bisaribi.” Ketiya eitu paise taikhan pora koise, “pansta roti aru duita maas.” 39Tetiya taikhan sob ghans upor te ekso ekso aru ponchas ponchas, eneka dol dol bohi bole Tar pora hukum dise. 40Eitu nisna taikhan ekso ekso aru ponchas ponchas eneka dol dol bohi jaise. 41Tetiya pansta roti aru duita maas lua pasote sorgo phale sai kene ashirbad prathana korise, aru roti bhangai kene eitu manuh khan majote bhag kori bole chella khan ke dise; aru Tar pora duita maas bhi taikhan majote eneka bhag kori bole dise. 42Aru taikhan sob khai kene tripti hoise. 43Aru taikhan pora roti aru maas tukura jama kori kene barohta tukuri hoise. 44Aru eitu roti khua manuh tu pans hazar thakise.
Jisu Samundor Paani Upor Te Bera
45Loge loge Jisu pora nijor chella khan nao ekta te bohi kene dusera samundor kinar, Bethsaida phale jabole dise aru eke homoi te jama kori thaka manuh khan bhi nijor jaga te pathai dise. 46Aru manuh khan ke shari kene Tar pahar te prathana koribole uthise. 47Aru ketiya sham homoi ahhise, nao tu samundor te jai thakise, aru Tar ekela he pahar maati te thakise. 48Aru taikhan aage te nao loi jabole besi kosto hoi thaka tu Jisu pora dekhise, kilemane taikhan biporit te hava mari thakise, 49kintu ketiya Jisu samundor upor te khuj-kari ahha dekhise, ekta bhut ahhi ase eneka tarkhan pora bhabna korise, aru bhoi te jur pora hala korise; 50kilemane taikhan sob pora Jisu ke dekhise aru besi bhoi lagise. Kintu loge loge Jisu he kotha kori kene koise, “Mon khushi hobi, eitu moi he ase; bhoi nakoribi.” 51Aru Tar nao te taikhan logote bohi jaise aru hava mari thaka tu rukhi jaise, tetiya taikhan sob ekdom asorit lagise, 52tarkhan pora roti laga asorit kam tu buja nai, kilemane tarkhan laga mon tu tan thakise.
Gennesaret Jaga Te Jisu He Bemar Manuh Hustho Kora
53Aru ketiya samundor par kori ahhise, tarkhan Gennesaret jaga te pongchi kene tate nao tu bandhi rakhise. 54Aru ketiya nao pora tarkhan ulaise loge loge manuh khan pora Jisu ke jani loise, 55aru usor te thaka jaga sob pora manuh khan polai kene kisim kisim bemar manuh khan charpai te loi kene Jisu kot te ase eitu jaga sob te loi anise. 56Aru kon jaga te Jisu ahhise, bosti te holebhi sohor te holebhi taikhan pora bemar manuh khan bazar jaga te rakhi dise aru bemar manuh khan pora Tar laga anchal kapoor te holebhi chui dibole onurudh korise; aru kiman jon he chuise eitu manuh khan sob bhall hoise.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.