Piiluu 26
26
Aizik Ane Abimɛlɛk Yɛlɛ
1 #
Piil 12:10; 20:2 Kɔŋ pãã da le la a teŋɛ poɔ; a ba e a kɔŋ na naŋ da le a Aboraham bebie na poɔ. A Aizik da gaa la Gɛra, a Filistan teŋɛ naa Abimɛlɛk zie. 2A DAANA da de la O meŋɛ wuli a Aizik, a da yeli ko o, “Tɔɔ wa gɛrɛ a Igyipiti teŋɛ; zeŋ a teŋɛ na poɔ N naŋ na wuli fo. 3#Piil 12:7; 22:16 Kpeɛrɛ a teŋɛ ŋa poɔ, a waa saana, N na be la fo zie, a maale fo; bonso, N na ko la fõõ ane a fo boorɔ noba a tenne ŋa zaa, kyɛ e ka a noɔre na zaa N naŋ da eŋ ko a fo saa Aboraham nyɛ eebo. 4#Piil 15:5; 12:3 N na e la ka fo boorɔ pare yɛlle, a e yaga aŋa a sazu ŋmarbie, ka N ko ba a tenne ŋa zaa. A fo boorɔ zie ka a teŋɛzu nemboorɔ zaa na tu a nyɛ maaloo, 5#Piil 15:5; 12:3 bonso, a Aboraham da sage la N noɔre, a da tu a lɛ N naŋ yeli, a sagra N nɔɛ, N sobie ane N begɛ.”
6A Aizik pãã da zeŋ la a Gɛra teŋɛ poɔ. 7A teŋɛ dɔbɔ naŋ da wa soore o kyaare ne a o pɔge yɛlɛ, o da yelee la, “N yɔɔpuulee la”; bonso, o da zoro la dabeɛ̃ ka o yeli, “N pɔge la.” O da teɛre ka a teŋɛ noba na ko o la a o pɔge Rebɛka zuiŋ, bonso, a Rebɛka da veɛlɛ la yaga. 8#Sek 5:18 A Aizik naŋ da wa kpɛ a be ka a kɔɔre, a Filistan teŋɛ naa Abimɛlɛk da kaara la o takoro noɔre a nyɛ a Aizik ka o kolkolɔ ne a o pɔge Rebɛka. 9Lɛ ka a Abimɛlɛk da toŋ ka ba boɔle a Aizik ka o soore o, “Ka lɛ fo pɔge la wɛ! Boŋ pãã la so ka fo yeli, ‘N yɔɔpuulee la’?” Ka a Aizik leɛ yeli, “N naŋ da zoro dabeɛ̃ ka ba na ko ma la a o yɛlɛ zuiŋ la so.” 10Ka a Abimɛlɛk da leɛ soore, “Boŋ la a ŋaa fo naŋ e te? A noba ŋa kaŋ da na baŋ gaŋ ne la a fo pɔge, ka fo da e ka te kpɛ saanaa poɔ.” 11Lɛ la ka a Abimɛlɛk da kpãã a noba zaa a yele, “Neɛzaa naŋ wa de o nu seene a dɔɔ ŋa bee a o pɔge, ba na ko o la.”
12 #
Sek 10:22
A Aizik da kɔ la weɛ a teŋɛ na poɔ a bore, a kyɛ a boma ka a gaŋ a boma o naŋ bore gbɛɛ kɔɔ a yuoni na poɔ. A DAANA da maale o la, 13ka o leɛ bondaana. A boma o naŋ da taa da yɛlɛɛ la yaga, ka o da leɛ bondãã-kpoŋ. 14O da taa la peere ane nii kyɛ ka o yiri noba meŋ yɛlle yaga, ka a Filistan noba da erɛ ne o nyuuri. 15#Piil 21:25 (A Filistan noba da de la tɛnɛɛ paale ne a bulli na zaa a Aizik saa tontombiiri naŋ da tu a o saa Aboraham nyɔvore saŋ.) 16A Abimɛlɛk da yeli ko la a Aizik, “Iri yi a te teŋɛ poɔ gɛrɛ; bonso, a fo faŋ maaleŋ zuo te la.”
17Lɛnso a Aizik da iri la a be a wa zeŋ a Gɛra bafoɔlaa poɔ, a kpeɛrɛ a be. 18A Aizik da te yage la a koɔ̃ bulli na ba naŋ da tu a o saa Aboraham nyɔvore saŋ, bonso a Filistan noba da paale a la ne tɛnɛɛ a Aboraham kũũ puoriŋ. O da leɛ pore la a bulli yoe na a o saa naŋ da pore a. 19A Aizik tontombiiri naŋ da wa yage a bulli a bafoɔle poɔ a nyɛ bulnimiri naŋ bullo koɔ̃, 20a Gɛra doŋkyeenemɛ da zɔɔrɔ ne la a Aizik doŋkyeenemɛ, a yele, “Tenee la so a koɔ̃.” Lɛnso ka a Aizik da pore a bulee na yuori ka Esɛk,#26:20 Esɛk: A Esɛk tɛgɛ la Nɔkpeɛne ba naŋ da ŋmɛ nɔkpeɛne ne o zuiŋ. 21A Aizik tontombiiri da la tu la a bulee kaŋ ka ba da la zɔɔ ne ba a o meŋ yɛlɛ; ka o da pore o meŋ yuori ka Sitina. A Sitina tɛgɛ la: Zɔɔre. 22O da yi la a be a gaa ziyuo, a da la te tu a bulee kaŋ, kyɛ ba da ba la zɔɔ ne o, ka o da pore o yuori ka Rehobɔt,#26:22 Rehobɔt: A Rehobɔt tɛgɛ la Vuo Gaŋɛɛ La bee Ziyɛloŋ a yele, “Ŋaa eŋ a DAANA maale la vuo ko te, ka te na leɛ noba a teŋɛ ŋa poɔ.”
23A Aizik da yi la a be gaa Bɛɛ-seba. 24A lɛ daare tensogɔ, a DAANA da de la O meŋɛ wuli a Aizik, a yeli, “Maa la a fo saa Aboraham Naaŋmen; ta zoro dabeɛ̃, bonso, N be la fo zie, a na maale fo, a e ka fo boorɔ e yaga a n tontonɔ Aboraham zuiŋ.” 25#Piil 12:8 A Aizik da mɛ la Naaŋmen bagmaalkuuri a be a puori a DAANA kyɛ ti o sege a be. A Aizik tontombiiri da tu la bulee a be.
26 #
Piil 21:22
A Abimɛlɛk ane Ahuzat naŋ waa neɛ naŋ maŋ yele yɛlɛ wullo o, ane o sogyɛre neŋkpoŋ Fikɔl da yi la a Gɛra wa ka ba nyɛ a Aizik. 27A Aizik da soore ba la, “Boŋ eŋɛ la ka yɛ wa n zie, yɛ naŋ ba nɔŋ ma, a digi ma bare yɛ teŋɛ poɔ?” 28Ka ba da yelsɔge, “Te nyɛɛ la weliweli ka a DAANA be la fo zie. Lɛnso te boɔrɔ la ka te ne fo pɔ ko taa, ka o e nɔ-eŋnaa te ne fo zie; 29ka fo koŋ e te yelfaa zaa aŋa lɛ te naŋ da ba e fo yelfaa zaa, ka velaa naane, kyɛ da e ka fo iri a teŋɛ poɔ ne maaroŋ. Pampana, fo waa la neɛ a DAANA naŋ maale.” 30A Aizik da maale la tigri ko ba, ka ba di kyɛ nyu. 31Ba da daŋ ne la iruu a baguo saŋ, a pɔ a nɔɛ ko taa, kyɛ ka a Aizik da eŋ ba sori, ka ba da yi a o zie gaa ne maaroŋ. 32A bebiri na ne o zu daare, a Aizik tontombiiri da wa yeli la a bulee ba naŋ da tu yɛlɛ ko o, a yele, “Te nyɛ la koɔ̃!” 33#Piil 21:31 O da pore la a bulee yuori ka Siba; a lɛ zuiŋ ba boɔlɔ la a teŋɛ na yuori ka Bɛɛ-seba#26:33 Bɛɛ-seba: A Bɛɛ-seba tɛgɛ la Nɔ-eŋnaa Bulee bee Ayopoĩ Bulee a wa tɔ zenɛ.
A Esɔ Naŋ De Hita Deme Pɔgeyaare Yɛlɛ
34 #
Piil 36:2-3
A Esɔ naŋ da wa nyɛ yuomo lezaayi, o da de la Gyudif, naŋ da e a Bɛɛri, a Hita neɛ pɔgeyaa ane a Hita neɛ Elɔn pɔgeyaa Basemat ka ba e o pɔgeba. 35Ba da eɛɛ la ka yɛlɛ e tuo ko a Aizik ane a Rebɛka.
Iliyochaguliwa sasa
Piiluu 26: DGA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.