Piiluu 25
25
A Aboraham Naŋ De Kɛtura Ka O E O Pɔge
(1 Teŋkoreŋ Yɛlɛ 1:32-33)
1 #
1 Teŋ 1:28-34
A Aboraham da la de la pɔge ka o yuori di Kɛtura. 2A Kɛtura da dɔge la Zimiran, Gyokesan, Mɛdan, Midiyan, Isebak ane Suwa ko a Aboraham. 3A Gyokesan da dɔge la Sɛba ane Dɛdan. A Dɛdan bidɔbɔ da la Asurim, Letusim ane Leomim. 4A Midiyan bidɔbɔ da la Efa, Efɛ, Hanɔk, Abida ane Eleda. A bama zaa da waa la a Kɛtura biiri. 5A Aboraham da de la boma zaa o naŋ da taa ko a Aizik. 6A Aboraham da ko la a pɔgeba banaŋ naŋ da dɔgle o pɔge zu bidɔbɔ kyɔɔtaare a o vore saŋ, kyɛ e ka ba yi a o bidɔɔ Aizik zie a gaa teŋɛ kaŋ naŋ be a sapare seŋ.
A Aboraham Kũũ Yɛlɛ
7A Aboraham da nyɛ la yuomo kɔɔ a dɔgle lezaata ne pie ane anuu kyɛ kpi. 8#Piil 15:15; Gyob 5:26 A Aboraham da korɛɛ la yaga, ka a da waa velaa ko o te ta saŋ o naŋ da ŋmaa vooroŋ, a gaa te laŋ ne o saamine a kpeemɛ poɔ. 9A o bidɔbɔ Aizik ane Isemɛɛl da ũũ o la a Makepela taŋ bogi poɔ, naŋ da be a Zoha naŋ yi Hita teŋɛ bidɔɔ Eferon weɛ poɔ naŋ be a Mamere sapare seŋ. 10#Piil 23:16-17 A Aboraham da da la a weɛ ŋa yi a Hita noba zie. A zie ŋa la ka ba da ũũ a Aboraham ane o pɔge Saara. 11#Piil 24:62 A Aboraham kũũ puoriŋ, Naaŋmen da maale la a o bidɔɔ Aizik. A Aizik da wa kpeɛrɛ peɛle la a Bɛɛ-laha-royi.
A Isemɛɛl Boorɔ
12 #
Piil 21:13
A Aboraham bidɔɔ Isemɛɛl boorɔ la bama. A Isemɛɛl e la a Aboraham bidɔɔ o ne o pɔge Saara, a Igyipiti teŋɛ gbaŋgba-pɔglee Heega naŋ da dɔge. 13A Isemɛɛl bidɔbɔ yoe la ama a seŋ lɛ ba naŋ dɔge ba tutaa: Nebayot, a bidɔɔ-dɛŋ, Keda, Adebeel, Mibisam, 14Misema, Duma, Massa 15Hadad, Tɛma, Gyetu, Nafis ane Kedema. 16#Piil 17:20 A Isemɛɛl bidɔbɔ pie ne bayi yoe la ka ba da de pore ne ba kanzaa boorɔ ane a boorɔ na teŋɛ yuori. 17(A Isemɛɛl da nyɛ la yuomo kɔɔ a dɔgle lezare ne pie ane ayopoĩ kyɛ da ŋmaa vooroŋ a kpi te laŋ ne o saamine.) 18#Piil 16:12 A Isemɛɛl boorɔ da kpeɛrɛ la a Havila ane Sɔɔ tenne sogɔŋ naŋ da be a Igyipiti puoriŋ, a tori a Asiiriya paaloŋ. O da kpeɛrɛ la a be a laŋ ne a o noba zaa sɛre kyɛ kpi.#25:18 A sɛgre naŋ be a lambori ŋa ba kyaane velaa a Hiburu Gansoŋ poɔ
A Esɔ Ane Gyekɔb Dɔgebo Ane Ba Pɔloŋ Saŋ Yɛlɛ
19A Aboraham bidɔɔ Aizik boorɔ la bama: A Aizik da waa la a Aboraham bidɔɔ. 20A Aizik da nyɛ la yuomo lezaayi kyɛ da de a Rebɛka, a Bɛtuwɛl pɔgeyaa ane a Lɛban meŋ yɔɔpuulee ka o e o pɔge. A Bɛtuwɛl ane a Lɛban da e la Aremeya teŋɛ noba naŋ da kpeɛrɛ a Padan-aram paaloŋ poɔ. 21A Aizik da puori sɔre la a DAANA ko a o pɔge, bonso, a o pɔge da e la pɔg-ɔre, ka a DAANA da sage a o puoruu a e ka a o pɔge Rebɛka da taa poɔ. 22A biiri da zɔɔrɔ la taa a Rebɛka poɔŋ, ka o da yeli, “Ka anaŋ na waa ŋaa, bonso ka N na voorɔ?” Lɛ la ka o da gaa a DAANA zie ka o te bɔ nyɛ. 23#Piil 27:29; Mal 1:2; Rom 9:10-12 Ka a DAANA da yeli ko o:
“Tenne ayi poɔ la ka fo taa,
ka a noba bayi fo naŋ na dɔge na wɛltaa;
a kaŋ na taa la faŋ gaŋ o tɔ,
a kpoŋ soba na tonɔ korɔ la a bile soba.”
24A o dɔgebo saŋ naŋ da wa ta, yeere la da be a o poɔŋ. 25A daŋyi soba da waa la zeɛ, ka a o eŋɛ zaa e kɔɔloŋ lɛ aŋa o naŋ su kɔɔloŋ kparoo. Lɛnso ba da pore la o yuori ka Esɔ. 26A lɛ puoriŋ, a o yɔɔ da wa yie la, ka o nuuri fɔre a Esɔ gbɛnɔɔkyoone taa; lɛnso, ba da pore la o yuori ka Gyekɔb. A Aizik da nyɛ la yuomo lezaata a saŋ a pɔge naŋ da dɔge ba.
27A dɔɔbilii naŋ da wa baa, Esɔ da waa la naŋkpãã-kpoŋ, a e weɛ poɔ neɛ, kyɛ ka Gyekɔb da e neɛ naŋ ba dɔɔnɔ, a kpeɛrɛ segre poore. 28A Aizik da nɔŋ la Esɔ, bonso, o da nɔŋ la mɔnɛne; kyɛ ka Rebɛka meŋ da nɔŋ a Gyekɔb.
A Esɔ Naŋ Koɔre O Kponnuŋ
29Daare kaŋ, a Gyekɔb da dogrɔ la zɛkoɔ̃, ka Esɔ da te yi weɛ wa, ka kɔŋ kpɛ o yaga. 30Ka a Esɔ da sɔre a Gyekɔb, “Vɛŋ ka n nyu a zɛkoɔŋ-zeɛ ŋa mine, bonso, kɔŋ kpɛ ma la yaga!” (A lɛ la so ka ba da boɔlɔ o ka Edɔm,#25:30 Edɔm: A Edɔm tɛgɛ la, Dɔɔzeɛ) 31Ka a Gyekɔb da leɛ yeli, “Koɔre a fo kponnuŋ ko ma sɛre.” 32Ka a Esɔ da yeli, “N kpiire ne la kɔŋ; boŋ tɔnɔ ka kponnuŋ la taa ko ma?” 33#Piil 27:36; Hib 12:16 Ka a Gyekɔb da yeli, “Pɔ ko ma sɛre.” A lɛ la ka a Esɔ da pɔ kyɛ koɔre a o kponnuŋ ko a Gyekɔb. 34A Gyekɔb pãã da ko la a Esɔ boroboro ane bɛŋɛ ba naŋ doge ka o da di kyɛ nyu kyɛ iri te gɛrɛ. A Esɔ da ba nyɛ a o kponnuŋ ka o waa bonzaa o zie.
Iliyochaguliwa sasa
Piiluu 25: DGA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.
Piiluu 25
25
A Aboraham Naŋ De Kɛtura Ka O E O Pɔge
(1 Teŋkoreŋ Yɛlɛ 1:32-33)
1 #
1 Teŋ 1:28-34
A Aboraham da la de la pɔge ka o yuori di Kɛtura. 2A Kɛtura da dɔge la Zimiran, Gyokesan, Mɛdan, Midiyan, Isebak ane Suwa ko a Aboraham. 3A Gyokesan da dɔge la Sɛba ane Dɛdan. A Dɛdan bidɔbɔ da la Asurim, Letusim ane Leomim. 4A Midiyan bidɔbɔ da la Efa, Efɛ, Hanɔk, Abida ane Eleda. A bama zaa da waa la a Kɛtura biiri. 5A Aboraham da de la boma zaa o naŋ da taa ko a Aizik. 6A Aboraham da ko la a pɔgeba banaŋ naŋ da dɔgle o pɔge zu bidɔbɔ kyɔɔtaare a o vore saŋ, kyɛ e ka ba yi a o bidɔɔ Aizik zie a gaa teŋɛ kaŋ naŋ be a sapare seŋ.
A Aboraham Kũũ Yɛlɛ
7A Aboraham da nyɛ la yuomo kɔɔ a dɔgle lezaata ne pie ane anuu kyɛ kpi. 8#Piil 15:15; Gyob 5:26 A Aboraham da korɛɛ la yaga, ka a da waa velaa ko o te ta saŋ o naŋ da ŋmaa vooroŋ, a gaa te laŋ ne o saamine a kpeemɛ poɔ. 9A o bidɔbɔ Aizik ane Isemɛɛl da ũũ o la a Makepela taŋ bogi poɔ, naŋ da be a Zoha naŋ yi Hita teŋɛ bidɔɔ Eferon weɛ poɔ naŋ be a Mamere sapare seŋ. 10#Piil 23:16-17 A Aboraham da da la a weɛ ŋa yi a Hita noba zie. A zie ŋa la ka ba da ũũ a Aboraham ane o pɔge Saara. 11#Piil 24:62 A Aboraham kũũ puoriŋ, Naaŋmen da maale la a o bidɔɔ Aizik. A Aizik da wa kpeɛrɛ peɛle la a Bɛɛ-laha-royi.
A Isemɛɛl Boorɔ
12 #
Piil 21:13
A Aboraham bidɔɔ Isemɛɛl boorɔ la bama. A Isemɛɛl e la a Aboraham bidɔɔ o ne o pɔge Saara, a Igyipiti teŋɛ gbaŋgba-pɔglee Heega naŋ da dɔge. 13A Isemɛɛl bidɔbɔ yoe la ama a seŋ lɛ ba naŋ dɔge ba tutaa: Nebayot, a bidɔɔ-dɛŋ, Keda, Adebeel, Mibisam, 14Misema, Duma, Massa 15Hadad, Tɛma, Gyetu, Nafis ane Kedema. 16#Piil 17:20 A Isemɛɛl bidɔbɔ pie ne bayi yoe la ka ba da de pore ne ba kanzaa boorɔ ane a boorɔ na teŋɛ yuori. 17(A Isemɛɛl da nyɛ la yuomo kɔɔ a dɔgle lezare ne pie ane ayopoĩ kyɛ da ŋmaa vooroŋ a kpi te laŋ ne o saamine.) 18#Piil 16:12 A Isemɛɛl boorɔ da kpeɛrɛ la a Havila ane Sɔɔ tenne sogɔŋ naŋ da be a Igyipiti puoriŋ, a tori a Asiiriya paaloŋ. O da kpeɛrɛ la a be a laŋ ne a o noba zaa sɛre kyɛ kpi.#25:18 A sɛgre naŋ be a lambori ŋa ba kyaane velaa a Hiburu Gansoŋ poɔ
A Esɔ Ane Gyekɔb Dɔgebo Ane Ba Pɔloŋ Saŋ Yɛlɛ
19A Aboraham bidɔɔ Aizik boorɔ la bama: A Aizik da waa la a Aboraham bidɔɔ. 20A Aizik da nyɛ la yuomo lezaayi kyɛ da de a Rebɛka, a Bɛtuwɛl pɔgeyaa ane a Lɛban meŋ yɔɔpuulee ka o e o pɔge. A Bɛtuwɛl ane a Lɛban da e la Aremeya teŋɛ noba naŋ da kpeɛrɛ a Padan-aram paaloŋ poɔ. 21A Aizik da puori sɔre la a DAANA ko a o pɔge, bonso, a o pɔge da e la pɔg-ɔre, ka a DAANA da sage a o puoruu a e ka a o pɔge Rebɛka da taa poɔ. 22A biiri da zɔɔrɔ la taa a Rebɛka poɔŋ, ka o da yeli, “Ka anaŋ na waa ŋaa, bonso ka N na voorɔ?” Lɛ la ka o da gaa a DAANA zie ka o te bɔ nyɛ. 23#Piil 27:29; Mal 1:2; Rom 9:10-12 Ka a DAANA da yeli ko o:
“Tenne ayi poɔ la ka fo taa,
ka a noba bayi fo naŋ na dɔge na wɛltaa;
a kaŋ na taa la faŋ gaŋ o tɔ,
a kpoŋ soba na tonɔ korɔ la a bile soba.”
24A o dɔgebo saŋ naŋ da wa ta, yeere la da be a o poɔŋ. 25A daŋyi soba da waa la zeɛ, ka a o eŋɛ zaa e kɔɔloŋ lɛ aŋa o naŋ su kɔɔloŋ kparoo. Lɛnso ba da pore la o yuori ka Esɔ. 26A lɛ puoriŋ, a o yɔɔ da wa yie la, ka o nuuri fɔre a Esɔ gbɛnɔɔkyoone taa; lɛnso, ba da pore la o yuori ka Gyekɔb. A Aizik da nyɛ la yuomo lezaata a saŋ a pɔge naŋ da dɔge ba.
27A dɔɔbilii naŋ da wa baa, Esɔ da waa la naŋkpãã-kpoŋ, a e weɛ poɔ neɛ, kyɛ ka Gyekɔb da e neɛ naŋ ba dɔɔnɔ, a kpeɛrɛ segre poore. 28A Aizik da nɔŋ la Esɔ, bonso, o da nɔŋ la mɔnɛne; kyɛ ka Rebɛka meŋ da nɔŋ a Gyekɔb.
A Esɔ Naŋ Koɔre O Kponnuŋ
29Daare kaŋ, a Gyekɔb da dogrɔ la zɛkoɔ̃, ka Esɔ da te yi weɛ wa, ka kɔŋ kpɛ o yaga. 30Ka a Esɔ da sɔre a Gyekɔb, “Vɛŋ ka n nyu a zɛkoɔŋ-zeɛ ŋa mine, bonso, kɔŋ kpɛ ma la yaga!” (A lɛ la so ka ba da boɔlɔ o ka Edɔm,#25:30 Edɔm: A Edɔm tɛgɛ la, Dɔɔzeɛ) 31Ka a Gyekɔb da leɛ yeli, “Koɔre a fo kponnuŋ ko ma sɛre.” 32Ka a Esɔ da yeli, “N kpiire ne la kɔŋ; boŋ tɔnɔ ka kponnuŋ la taa ko ma?” 33#Piil 27:36; Hib 12:16 Ka a Gyekɔb da yeli, “Pɔ ko ma sɛre.” A lɛ la ka a Esɔ da pɔ kyɛ koɔre a o kponnuŋ ko a Gyekɔb. 34A Gyekɔb pãã da ko la a Esɔ boroboro ane bɛŋɛ ba naŋ doge ka o da di kyɛ nyu kyɛ iri te gɛrɛ. A Esɔ da ba nyɛ a o kponnuŋ ka o waa bonzaa o zie.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.