Piiluu 19
19
A Sodom Faaloŋ Yɛlɛ
1 #
Piil 18:22
A malekere bayi da wa la a Sodom teŋɛ a zimaane saŋ, a lɛ saŋ Lɔt da zeŋ la a Sodom teŋɛ dendɔre noɔreŋ. A Lɔt naŋ da wa nyɛ ba, o da iri tuori ba la, a le vɔgle muro. 2O da yelee la, “N sɔrɔ yɛ la, nembɛrɛ, yɛ leɛ wa a yɛ tontonɔ yiri a wa pɛge yɛ gbɛɛ kyɛ gaŋ ka zie nyaa. Yɛ pãã na toɔ̃ daŋ iri la baguo saŋ a gɛrɛ yɛ gaabo zie.” Ka ba da yeli, “Ai, te na gaŋ la a yeŋe poɔ.” 3Kyɛ a Lɔt da sɔre ba la yããyãã zaa, ka ba da leɛ gaa te kpɛ a o yiri poɔ. O da maale la tigri ko ba, a sɛ boroboro dambo ko ba ka ba da di. 4Ba da naŋ ba gaŋ sɛre, kyɛ ka a Sodom teŋɛ dɔbɔ zaa, ba pɔlɔ ane ba nyaŋne da wa ŋmaagyili a yiri. 5Ba da boɔle la a Lɔt a soore o, “Yeŋ ka a dɔbɔ naŋ wa a fo zie a tensogɔ ŋa be? Taa ba yi wa ne ka te gaŋ ne ba.” 6A Lɔt da yi la a yeŋ poɔ a teŋɛ dɔbɔ zie kyɛ nyɔge a die dendɔre page, 7kyɛ da yeli, “N sɔrɔ yɛ la, n yɔɔmine, yɛ ta e a yelfaa ŋa. 8Yɛ nyɛ, N taa la pɔgeyaare bayi naŋ ba baŋ dɔbɔ sɛre; yɛ vɛŋ ka n taa ba yi wa ko yɛ ka yɛ e ne ba lɛ yɛ naŋ boɔrɔ. Yɛ ta e a dɔbɔ bama yelzaa, bonso, ba waa la n saama ka a seŋ ka N gu ba taa.” 9#2 Pit 2:7-8 Ka a teŋɛ noba da leɛ yeli, “Tage yi be!” Ba da yelee la, “Fo meŋ naŋ waa nɔɔraa la na wa yeli ko te lɛ a naŋ seŋ ka te e be! Fõõ gba ka te na e faa yaga a gaŋ ba.” Ba da nyɔge la a Lɔt daa ne faŋ bare kyɛ tage peɛle a dendɔre, a na kɔɔ a pane. 10A malekere naŋ da be a die poɔ da teɛ la ba nu a nyɔge a Lɔt tage wa kpɛ ne a die poɔ kyɛ page a pane. 11#2 Nam 6:18 Ba da eɛɛ la ka a noba naŋ da are a dendɔre noɔre a yeŋ poɔ nimie zɔŋ, a ba bilii ane ba kponni, ka ba ba la baŋ a dendɔre zie.
Ba Naŋ Sãã A Sodom Ane A Gomora Tenne
12A malekere pãã da soore la a Lɔt, “Fo la taa la neɛ kaŋ a kyɛ be? Pɔgeyaare serebɛ, bidɔbɔ, pɔgeyaare bee fo neɛ kaŋ zaa a teŋɛ poɔ; taa ba yi ne a teŋɛ poɔ. 13#Piil 18:20 Te waana la ka te sãã a teŋɛ, bonso, a konni ba naŋ kono eŋnɛ a teŋɛ waa la kpoŋ yaga a DAANA niŋesogɔ. A DAANA pãã toŋ te la ka te wa sãã a teŋɛ.” 14#Sɔr 16:21 Lɛ la ka a Lɔt da yi te yeli ko o deɛmmine, a dɔbɔ naŋ boɔrɔ ka ba de a o pɔgeyaare, “Yɛ iri yi a zie ŋa, bonso, a DAANA waana la ka o sãã a teŋɛ.” Kyɛ a dɔbɔ naŋ da boɔrɔ ka ba de a o pɔgeyaare da ba de a yɛlɛ ka a e nimizeɛ.
15Zie naŋ da wa nyaa baguo saŋ, a maleke da yeli ko la a Lɔt ne nimizeɛ zaa, “Vaa-iri de a fo pɔge ane a fo pɔgeyaare bayi naŋ be a kyɛ, ka lɛ naane, yɛ meŋ na wɛ la a teŋɛ ŋa dɔgroŋ poɔ.” 16Kyɛ a Lɔt da erɛɛ maaroŋ; lɛnso, a malekere da nyɔge la o nu ane a o pɔge ane a o pɔgeyaare nuuri a taa ba yi ne a teŋɛ poɔ te bare, a DAANA naŋ da zo a Lɔt nembaaloŋ zuiŋ. 17#Mat 24:16 Ba naŋ da wa taa ba yi ne a teŋɛ poɔ baare, ba da yelee la, “Zo faa fo nyɔvore; tɔɔ wa leɛrɛ kaara puori bee a are a Zigbaŋgbalaa zie zaa. Zo kpɛ a tanne poɔ, ka lɛ naane, vũũ na di fo la.” 18Ka a Lɔt da yeli ko ba, “Ai, n neŋkponni; 19a yɛ tontonɔ nyɛ la zunoɔ yɛ zie, kyɛ ka yɛ wuli ma nimibaaloŋ kpoŋ ne yɛ naŋ faa n nyɔvore. N zoro la dabeɛ̃ ka N kontoɔ̃ zo kpɛ a tanne poɔ kyɛ ka a saamo ŋa wa ka N kpi. 20Yɛ nyɛ, a teŋɛ ŋa peɛlɛɛ la ka N na toɔ̃ zo gaa be. O waa la tembile, yɛ vɛŋ ka N zo gaa be a faa n nyɔvore!” 21Ka a maleke da yeli ko o, “A soma la, N na ko fo la a sommo ŋa meŋ, kyɛ N koŋ sãã a teŋɛ na yɛlɛ fo naŋ yeli ko ma. 22Page wieũ zo gaa a be, bonso, N koŋ e yelzaa ka fõõ ba zo ta a be sɛre.” A lɛ zuiŋ la ka ba boɔlɔ a teŋɛ ŋa ka Zowa. 23A ŋmenaa naŋ da wa te puri saŋ la ka a Lɔt da wa ta a Zowa teŋɛ.
24 #
Begɛ 29:23; Yiel 11:6; Emo 4:11; Luk 17:29; 2 Pit 2:6; Aza 1:9-10; 13:19 A DAANA pãã da eɛɛ la ka gyirimuri#19:24 Gyirimuri: A Dagaaba mine maŋ yeli ka Gyeribir bee Gyeribi. ane vũũ yi sazu mi aŋa saa eŋ a Sodom ane a Gomora. 25A DAANA da sãã la a tenne ane a Zigbaŋgbalaa ane a noba zaa naŋ da kpeɛrɛ a tenne na poore ane a boma zaa naŋ buli a tenne poore. 26#Luk 17:32 Kyɛ a Lɔt pɔge naŋ da be puoriŋ da leɛ kaa la puori a da leɛ nyɛnoo-kuuri are aŋa dalugri.
27A Aboraham da iri la bagu-pipi saŋ a gaa a zie na o naŋ da are a DAANA niŋesogɔ, 28a da suli kaa a Sodom ane a Gomora tenne seŋ, a kyaare a tenne na zaa naŋ be a Zigbaŋgbalaa poɔ, a da nyɛ a nyoore ka a iri duoro aŋa vũũ-kpoŋ nyoore.
29A Naaŋmen naŋ da wa sãã a Zigbaŋgbalaa tenne, O da leɛ-teɛre la a Aboraham yɛlɛ, a taa Lɔt yi ne sɛre kyɛ sãã a tenne na poɔ a Lɔt naŋ da kpeɛrɛ.
A Lɔt Ane O Pɔgeyaare Yɛlɛ
30A Lɔt da yi la a Zowa teŋɛ poɔ a do te kpeɛrɛ a tanne zu ne o pɔgeyaare bayi, bonso, o da zoro la dabeɛ̃ ka o kpeɛrɛ a Zowa teŋɛ poɔ. O ne a o pɔgeyaare bayi pãã da te kpeɛrɛ la a taŋ bogi poɔ. 31A Lɔt pɔgeya-kpoŋ da yeli ko la a bile soba, “A te saa korɛɛ la kyɛ dɔɔ zaa ba kyebe a gbandige ŋa poɔ a na de te aŋa lɛ a naŋ seŋ ka a waa. 32#Bag 18:7 Wa ka te e ka a te saa nyu dãã, ka te gaŋ ne o, a tu o zie toɔ̃ taa boorɔ.” 33Lɛ la ka ba pãã da e ka a ba saa nyu dãã a tensogɔ na, ka a pɔgeya-kpoŋ soba da kpɛ te gaŋ ne a o saa. A saa da ba baŋ ka o gaŋ ne la a o pɔgeyaa. 34A nyaazie daare, a pɔgeya-kpoŋ da yeli ko la a bile soba, “Nyɛ, N da gaŋ ne la a n saa zaameŋ tensogɔ, vɛŋ ka te e ka o la nyu dãã a zenɛ, ka fo meŋ kpɛ gaŋ ne o, ka te tu a te saa zie a toɔ̃ taa boorɔ.” 35Ba pãã da la eɛɛ la ka a ba saa nyu dãã a tensogɔ na, ka a pɔgeya-bile soba meŋ kpɛ te gaŋ ne a ba saa, kyɛ a ba saa da ba baŋ ka o gaŋ ne o la. 36A Lɔt pɔgeyaare bayi pãã da taa la poore ne a ba saa. 37#Bag 2:9 A pɔgeya-kpoŋ soba da dɔge la bidɔɔ a pore o yuori ka Mowab. A Mowab la a Mowab teŋɛ noba sããkoma a wa te tɔ zenɛ. 38#Begɛ 2:19 A pɔgeya-bile soba meŋ da dɔge la bidɔɔ a pore o yuori ka Bɛn-ami. Ona la a Amɔn teŋɛ noba sããkoma a wa te tɔ zenɛ.
Iliyochaguliwa sasa
Piiluu 19: DGA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.
Piiluu 19
19
A Sodom Faaloŋ Yɛlɛ
1 #
Piil 18:22
A malekere bayi da wa la a Sodom teŋɛ a zimaane saŋ, a lɛ saŋ Lɔt da zeŋ la a Sodom teŋɛ dendɔre noɔreŋ. A Lɔt naŋ da wa nyɛ ba, o da iri tuori ba la, a le vɔgle muro. 2O da yelee la, “N sɔrɔ yɛ la, nembɛrɛ, yɛ leɛ wa a yɛ tontonɔ yiri a wa pɛge yɛ gbɛɛ kyɛ gaŋ ka zie nyaa. Yɛ pãã na toɔ̃ daŋ iri la baguo saŋ a gɛrɛ yɛ gaabo zie.” Ka ba da yeli, “Ai, te na gaŋ la a yeŋe poɔ.” 3Kyɛ a Lɔt da sɔre ba la yããyãã zaa, ka ba da leɛ gaa te kpɛ a o yiri poɔ. O da maale la tigri ko ba, a sɛ boroboro dambo ko ba ka ba da di. 4Ba da naŋ ba gaŋ sɛre, kyɛ ka a Sodom teŋɛ dɔbɔ zaa, ba pɔlɔ ane ba nyaŋne da wa ŋmaagyili a yiri. 5Ba da boɔle la a Lɔt a soore o, “Yeŋ ka a dɔbɔ naŋ wa a fo zie a tensogɔ ŋa be? Taa ba yi wa ne ka te gaŋ ne ba.” 6A Lɔt da yi la a yeŋ poɔ a teŋɛ dɔbɔ zie kyɛ nyɔge a die dendɔre page, 7kyɛ da yeli, “N sɔrɔ yɛ la, n yɔɔmine, yɛ ta e a yelfaa ŋa. 8Yɛ nyɛ, N taa la pɔgeyaare bayi naŋ ba baŋ dɔbɔ sɛre; yɛ vɛŋ ka n taa ba yi wa ko yɛ ka yɛ e ne ba lɛ yɛ naŋ boɔrɔ. Yɛ ta e a dɔbɔ bama yelzaa, bonso, ba waa la n saama ka a seŋ ka N gu ba taa.” 9#2 Pit 2:7-8 Ka a teŋɛ noba da leɛ yeli, “Tage yi be!” Ba da yelee la, “Fo meŋ naŋ waa nɔɔraa la na wa yeli ko te lɛ a naŋ seŋ ka te e be! Fõõ gba ka te na e faa yaga a gaŋ ba.” Ba da nyɔge la a Lɔt daa ne faŋ bare kyɛ tage peɛle a dendɔre, a na kɔɔ a pane. 10A malekere naŋ da be a die poɔ da teɛ la ba nu a nyɔge a Lɔt tage wa kpɛ ne a die poɔ kyɛ page a pane. 11#2 Nam 6:18 Ba da eɛɛ la ka a noba naŋ da are a dendɔre noɔre a yeŋ poɔ nimie zɔŋ, a ba bilii ane ba kponni, ka ba ba la baŋ a dendɔre zie.
Ba Naŋ Sãã A Sodom Ane A Gomora Tenne
12A malekere pãã da soore la a Lɔt, “Fo la taa la neɛ kaŋ a kyɛ be? Pɔgeyaare serebɛ, bidɔbɔ, pɔgeyaare bee fo neɛ kaŋ zaa a teŋɛ poɔ; taa ba yi ne a teŋɛ poɔ. 13#Piil 18:20 Te waana la ka te sãã a teŋɛ, bonso, a konni ba naŋ kono eŋnɛ a teŋɛ waa la kpoŋ yaga a DAANA niŋesogɔ. A DAANA pãã toŋ te la ka te wa sãã a teŋɛ.” 14#Sɔr 16:21 Lɛ la ka a Lɔt da yi te yeli ko o deɛmmine, a dɔbɔ naŋ boɔrɔ ka ba de a o pɔgeyaare, “Yɛ iri yi a zie ŋa, bonso, a DAANA waana la ka o sãã a teŋɛ.” Kyɛ a dɔbɔ naŋ da boɔrɔ ka ba de a o pɔgeyaare da ba de a yɛlɛ ka a e nimizeɛ.
15Zie naŋ da wa nyaa baguo saŋ, a maleke da yeli ko la a Lɔt ne nimizeɛ zaa, “Vaa-iri de a fo pɔge ane a fo pɔgeyaare bayi naŋ be a kyɛ, ka lɛ naane, yɛ meŋ na wɛ la a teŋɛ ŋa dɔgroŋ poɔ.” 16Kyɛ a Lɔt da erɛɛ maaroŋ; lɛnso, a malekere da nyɔge la o nu ane a o pɔge ane a o pɔgeyaare nuuri a taa ba yi ne a teŋɛ poɔ te bare, a DAANA naŋ da zo a Lɔt nembaaloŋ zuiŋ. 17#Mat 24:16 Ba naŋ da wa taa ba yi ne a teŋɛ poɔ baare, ba da yelee la, “Zo faa fo nyɔvore; tɔɔ wa leɛrɛ kaara puori bee a are a Zigbaŋgbalaa zie zaa. Zo kpɛ a tanne poɔ, ka lɛ naane, vũũ na di fo la.” 18Ka a Lɔt da yeli ko ba, “Ai, n neŋkponni; 19a yɛ tontonɔ nyɛ la zunoɔ yɛ zie, kyɛ ka yɛ wuli ma nimibaaloŋ kpoŋ ne yɛ naŋ faa n nyɔvore. N zoro la dabeɛ̃ ka N kontoɔ̃ zo kpɛ a tanne poɔ kyɛ ka a saamo ŋa wa ka N kpi. 20Yɛ nyɛ, a teŋɛ ŋa peɛlɛɛ la ka N na toɔ̃ zo gaa be. O waa la tembile, yɛ vɛŋ ka N zo gaa be a faa n nyɔvore!” 21Ka a maleke da yeli ko o, “A soma la, N na ko fo la a sommo ŋa meŋ, kyɛ N koŋ sãã a teŋɛ na yɛlɛ fo naŋ yeli ko ma. 22Page wieũ zo gaa a be, bonso, N koŋ e yelzaa ka fõõ ba zo ta a be sɛre.” A lɛ zuiŋ la ka ba boɔlɔ a teŋɛ ŋa ka Zowa. 23A ŋmenaa naŋ da wa te puri saŋ la ka a Lɔt da wa ta a Zowa teŋɛ.
24 #
Begɛ 29:23; Yiel 11:6; Emo 4:11; Luk 17:29; 2 Pit 2:6; Aza 1:9-10; 13:19 A DAANA pãã da eɛɛ la ka gyirimuri#19:24 Gyirimuri: A Dagaaba mine maŋ yeli ka Gyeribir bee Gyeribi. ane vũũ yi sazu mi aŋa saa eŋ a Sodom ane a Gomora. 25A DAANA da sãã la a tenne ane a Zigbaŋgbalaa ane a noba zaa naŋ da kpeɛrɛ a tenne na poore ane a boma zaa naŋ buli a tenne poore. 26#Luk 17:32 Kyɛ a Lɔt pɔge naŋ da be puoriŋ da leɛ kaa la puori a da leɛ nyɛnoo-kuuri are aŋa dalugri.
27A Aboraham da iri la bagu-pipi saŋ a gaa a zie na o naŋ da are a DAANA niŋesogɔ, 28a da suli kaa a Sodom ane a Gomora tenne seŋ, a kyaare a tenne na zaa naŋ be a Zigbaŋgbalaa poɔ, a da nyɛ a nyoore ka a iri duoro aŋa vũũ-kpoŋ nyoore.
29A Naaŋmen naŋ da wa sãã a Zigbaŋgbalaa tenne, O da leɛ-teɛre la a Aboraham yɛlɛ, a taa Lɔt yi ne sɛre kyɛ sãã a tenne na poɔ a Lɔt naŋ da kpeɛrɛ.
A Lɔt Ane O Pɔgeyaare Yɛlɛ
30A Lɔt da yi la a Zowa teŋɛ poɔ a do te kpeɛrɛ a tanne zu ne o pɔgeyaare bayi, bonso, o da zoro la dabeɛ̃ ka o kpeɛrɛ a Zowa teŋɛ poɔ. O ne a o pɔgeyaare bayi pãã da te kpeɛrɛ la a taŋ bogi poɔ. 31A Lɔt pɔgeya-kpoŋ da yeli ko la a bile soba, “A te saa korɛɛ la kyɛ dɔɔ zaa ba kyebe a gbandige ŋa poɔ a na de te aŋa lɛ a naŋ seŋ ka a waa. 32#Bag 18:7 Wa ka te e ka a te saa nyu dãã, ka te gaŋ ne o, a tu o zie toɔ̃ taa boorɔ.” 33Lɛ la ka ba pãã da e ka a ba saa nyu dãã a tensogɔ na, ka a pɔgeya-kpoŋ soba da kpɛ te gaŋ ne a o saa. A saa da ba baŋ ka o gaŋ ne la a o pɔgeyaa. 34A nyaazie daare, a pɔgeya-kpoŋ da yeli ko la a bile soba, “Nyɛ, N da gaŋ ne la a n saa zaameŋ tensogɔ, vɛŋ ka te e ka o la nyu dãã a zenɛ, ka fo meŋ kpɛ gaŋ ne o, ka te tu a te saa zie a toɔ̃ taa boorɔ.” 35Ba pãã da la eɛɛ la ka a ba saa nyu dãã a tensogɔ na, ka a pɔgeya-bile soba meŋ kpɛ te gaŋ ne a ba saa, kyɛ a ba saa da ba baŋ ka o gaŋ ne o la. 36A Lɔt pɔgeyaare bayi pãã da taa la poore ne a ba saa. 37#Bag 2:9 A pɔgeya-kpoŋ soba da dɔge la bidɔɔ a pore o yuori ka Mowab. A Mowab la a Mowab teŋɛ noba sããkoma a wa te tɔ zenɛ. 38#Begɛ 2:19 A pɔgeya-bile soba meŋ da dɔge la bidɔɔ a pore o yuori ka Bɛn-ami. Ona la a Amɔn teŋɛ noba sããkoma a wa te tɔ zenɛ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.