Luka 3
3
Zâŋ Batis ya̧a̧ náa doo ve fil si̧i̧ von verɛ
Mat 3:1-12; Mar 1:1-8; Zâŋ 1:19-28
1Bɔk Tibɛriyat o gbɛ̧ɛ̧re vɛll maʼraaba, pɔŋsə pilat o gɔmna hɛk Yuuda yɔ, Helot bɔk buu yɛɛ Galile, daak an Filip an hɛk Ituure vere Tarsonitit, Lisaniya̧s buu an hɛk Abilɛn, 2Hannas vere Kayif bɔk ve náa kɔ maak ak kɛŋ vey. Yɛɛ bɔk ɛnɔ oppo, Go̧o̧ge yak moot an yaay zaŋ, Zakari tan an oppo ho̧o̧t talle. 3Zâŋ luu kəl hɛk Zurdɛŋŋɔ oppo sɛw tɛʼ fee: «Vo fil si̧i̧ vonnɛ, vo ɓa Batɛmma, ɛn Go̧o̧ge de hoozi vora ɓɛɛ von verɛ,» 4Too Porofɛt Ezay bɔk dɛ̧ɛ̧ o dɛptɛlle nɔm fee: «Ha̧a̧ de gbatta wɔɔk ho̧o̧t talle: Vo sɛksa Gbɛ̧ɛ̧ kɛŋ yana annɛ, vo wɛʼza yana za̧a̧ likkaa! 5Hɔmtukkɔ vɛ vo mittɛ, gbɔkkɔ vɛ vere gbɔk wagaa nɔ vɛ do ve ɓul hɛge; yana kə̧ə̧rəŋŋɔ ve tɛʼ vey yɔllaa, yana warge waa nɔ vɛ, do ve liizinnɛ. 6Ɛn náa ve tɛʼ, vey hə̧ra Go̧o̧ge sɔri an de pora nɔrɛ». 7Náa ve duʼza̧a̧ʼ ve sɔŋŋi zaŋ oppo doo əll vo batɛmma. O feet vo: «kpəlum daa vɛ! Hii feet vo doo vo at Go̧o̧ge moò yȩʼȩ an de sanii nɔ yɛɛ? 8Vo kɔ kɔm ka it bo vo fil si̧i̧ von ve ma za̧a̧ ɓimmɛy ɛn ka vo yaa vəʼəra o vo si̧i̧ba: “Aŋ vin de Abarami nɛy sɛ.” Ɛnɔ kay feet vorɛ, Go̧o̧ge ɛ gɔti kaa fit pîn nɛnɔ vɛ, kaa ve bi̧i̧zaa Abaram luk an vey! 9Koy hakka san dora tap vey zazak an daŋ, tap ve leen leet za̧a̧ yɛ nɔ ve tɛʼ vey vəʼ gbəl voo vɛre». 10Náa ve viʼi: «Vi kɔ an tuu bɔgɛ?» 11O hi̧i̧t vo: «Ha̧a̧ òo ɛ de sam itto do wəza ha̧a̧ ɛnnɛ nɔ daŋga, ha̧a̧ òo ɛ lɛmma, do ɓɛ̧ɛ̧zinga ha̧a̧ ɛnnɛ nɛy». 12Naa sɔŋ zɔmɔgɔl ve yaa Zâŋ oppo ve hi̧i̧ ka ve əll Batɛmmɛy sɛw ve viʼi: «Wa̧y it hɛn, vi kɔ tuu bɔgɛ?» 13Zâŋ hi̧i̧t vo: «Vo iŋ hɛn náa o ve naʼa do ɗəə hɛn ve yaʼ vo iŋŋa nɔ sɛ». 14Sɔɔze nɔ ve sɛw, ve yaa viʼi too ɛnɔm vin ve fee: «Ɛn vi dɔmmɔ, ka vi kɔ hɛ̧ɛ̧n o nɛ?» Zâŋ feet vo: «Vo iŋ ha̧a̧ san waa an vere gɔti sɛ, vere və̧ə̧k sɛ, vo gbo̧ʼon zum von vey tok vora nɛy zaʼ». 15Náa bɔk vey laa yɛɛ onnaza̧a̧, hii yɛɛ bɔk de vəʼəra: Zâŋ ke bore Kiris yɔrɛ. 16Ɛnɔ zaŋ feet vo ve sɛw tɛʼ: «Min mi əll vora Batɛm vere maàma; Ha̧a̧ zɔʼ de yaay ii piki, o ɗəəni gɔtirɛ: mi liin dɔk kaay suu pɔza tɛk zaŋ an maaki yɛ. Oy yaa əllin vora fəəm dȩȩta vere vɛɛ tin. 17O ɛ de mak wɛl hɛn naʼa de wɛl ɓɛ̧ɛ̧zinna za̧a̧ dȩȩtɔ vere ɔkkɔ verɛ. Oy sɔŋŋa za̧a̧ dȩȩtɔ o a̧lle, ɛn oy aŋŋa ɔkkɔ ve vɛre, vɛɛ ɛnɔ nínin yɛ ɓim». 18Zâŋ moot vo moò pɛɛk zɔʼ ve tin ɓooza̧, o kə ooza zikkɔ moò za̧a̧ tin. 19Yɛɛ bɔk ɛnɔ oppo zaŋ kə̧ə̧za Helot moǒ, Helot bɔk buu hɛk Galile yɔ, gbo̧o̧k an bɔk kɔ nɔ, bɔk o fat daak an kenaa Helodiyay, ɛn bɔk o kɔ hɛn ɓɛɛ zɔʼ ve tin kətkət.
20Ɛnɔ Helot bɔk o kɔ hɛn ɓɛɛ zɔʼ ɗəəsi wɔɔk tin ɓɛʼ: O dɔt zaŋ lik naʼre.
Yeesu ɓa Batɛmma
Mat 3:13-17; Mar 1:9-11
21Náa ve tɛʼ ve ɓa Batɛm kəzəkkɔ, pik an Yeesu ɓarɛ vin. Bɔk oy faara yak tin nɔ, bɛltii kullɛ 22Ɛn Fəəm dȩȩt si zo̧o̧y Yeesu oppo too kək vin, yak moot kini bɛlba fee: «Mɔ tan min za̧a̧ mi hi̧i̧m ɓimmɛy, si̧i̧ bɛli umpo fat yɛ».
Yeesu aŋ gbɛɛm an vey
Mat 1:1-17
23Yeesu bɔk oy bi̧i̧ kɔm an nɔ, bɔk o ɛ vɛll kaa kɔ gbɛk zoo boʼrɛ, too náa ve vəʼə nɔm, bo o Zozɛf tan ani, Zozɛf bo o Eli tan ani. 24Eli bo o matat tan ani, matat o Levi tan ani, Levi o mɛlki tan ani, mɛlki o Zannay tan ani, Zannay o Zozɛf tan ani, 25Zozɛf o mattatiyas tan ani, Mattatiyas o Amos tan ani, Amos o Nahum tan ani, Nahum o Ɛsli tan ani, Ɛsli o Nagay tan ani, 26Nagay o Maat tan ani, Maat o Mattatyas tan ani, Mattatiyas o Semay tan ani, Semayŋ o Zosɛk tan ani, Zozɛk o Zoda tan ani, 27Zoda o Zohanan tan ani, Zohanan o Lehesa tan ani, Lehesa o Zorobabɛl tan ani, zorobabɛl o Saltiyɛl tan ani, Saltiyɛl o Nɛɛri tan ani, 28Nɛɛri o Mɛlki tan ani, Mɛlki o Addi tan ani, Adi o kosam tan ani, kosam o Elmadam tan ani, Elmadam o ɛɛr tan ani, 29ɛɛr o Zeesu tan ani, Zeesu o Elizɛr tan ani, Elizɛr o Zorim tan ani, Zorim o Maahat tan ani, Matahat Levi tan ani, 30Levi o Simeyɔŋ tan ani, Simeyɔŋ o Yuda tan ani, Yuda o Zozɛf tan ani, Zozɛf o Zonam ta ani, Zonam o Eliyakim tan ani, 31Eliyakim o Meleya tan ani, Meleya o Mɛnna tan ani, Mɛnna o Mattata tan ani, Mattata o Nataŋ tan ani, Nataŋ o Davit tan ani, 32Davit o Zɛse tan ani, Zɛse o Obɛt tan ani, Obɛt o Booz tan ani, Booz o Sala tan ani, Sala o Nasɔŋ tan ani, 33Nasɔŋ o Amminadap tan ani, ammanadap o Adnin tan ani, Adnin o Arni tan ani, Arni o Hɛsrɔŋ tan ani, Hɛsrɔŋ o Pɛrɛs tan ani, Pɛrɛs o Yuuda tan ani. 34Yuuda o Zakop tan ani, Zakop o Izaak tan ani, Izaak o Abaram tan ani, Abaram o Teera tan ani. Teera o Nahɔr tan ani. 35Nahɔr o Seruk tan ani, Seruk o Lehu tan ani, Lehu o Pelɛk tan ani, Pelɛk o Ebɛɛr tan ani, Ebɛɛr o Sela tan ani, 36Sela o Kaynam tan ani, Kaynam o Arpaksat tan ani, Arpaksat o Sêm tan ani, Sêm o Nɔye tan ani, Nɔye o Lamɛk tan ani, 37Lamɛk o Matusalɛm tan ani, Matusalɛm o Henɔk tan ani, Henɔk o Yerɛt tan ani, Yerɛt o Malaleɛl tan ani, Malaleɛl o Kaynam tan ani, 38Kaynam o Enɔs tan ani, Enɔs o Seet tan ani, Sɛɛt o Adaam tan ani, Adaam o Go̧o̧ge tan ani.
Iliyochaguliwa sasa
Luka 3: Luk
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
