मत्ती 19
19
ज्यारि भासिने बारेलं सिछ्या
मर्कुस १०:१-१२
1होकाम येसु आढङ रो: ओपाङो पान्त्रा गालीललाम यर्डन भै होपंटं यहुडियाडे ओनाव। 2भ्या मीरं येसुलो उझिन्ट याराव होकाम येसुये होलं याजोरो रावरंलाई ओससोमोरं। 3येसुलाई जान्चीनेलो लागिटं फरिसीरं येसु लेवकं राडे यापजोयो, “कोइ मीराई कोबा कारनयेज़ याज्यासं भासिने टायेरो?” 4येसुये हैओडोवर, “जे सास्त्रटं जिपरिव माले? सिर्जैनेये नोरंलाई सुरुलामज़ खेपा मेमा ओझोयोरं।#सिर्जिव १:२७; ५:२ 5होकाम येसुये हैओडोवर, ‘ऐझैडेज़ खेपाये ओबाबु वामालाई रा:डे ओज्यासं मिलिडे लेये, होकाम नो नेबऱ्याङ टोबो ज्यु टानेलेनि।’#सिर्जिव २:२४ 6नोनि आबो नेबऱ्याङ माङ्क, टोबो ज्यु टानिये। आव कारनयेज़ परमेस्वरये जोरंलाई ज्यारि झैडे नोयोरं, होरंलाई काङ्का मीराई पनि टाभारंकं।” 7होराई येसुलाई हैयाडोव, “मोसाये कडा ज्यारि भासिने भरपाई याडे ज्यालाई रा:ने आग्या ओयोव खेने?” 8येसुये होरंलाई हैओडोवरं, “जियुङ खाव ओटावयेज़ मोसाये ज्यालाई भरपाई याडे रा:ने आग्या ओयाच्योव, हैनि पनि ऐटाव ङा:डे मालेव। 9ङा जेलाई हैङाडाच्यो, जोये ओज्याये ब्यभिचार ओडोव कारन बाहेक ओज्यालाई रा:डे छुटं मेमासं बिहेँ डोव होये पनि ब्यभिचार ओडोव टाये। होकाम जोये रा:सिव मेमासं बिहेँ डोव होये पनि ब्यभिचार ओडोव टाये।” 10उसिसराई येसुलाई हैयाडोव, “टोबो मीलो ओज्यासं नेखार्ल ऐटाव याटाखे भने के बिहेँ माडोनि पनि चावज़ टाये।” 11येसुये होरंलाई हैओडोवरं, “स्यान्टै मीराई आव बचंन अनसार माडोडुरं, ऐटाव मीराईयाज़ ग्रहन डोडुरं जोलाई आव यासिव लिज़्या। 12कडालेकं कोइरं याजर्मिवकामज़ हिजरा टारं, कोइरंलाई मीराई हिजरा झैरंये, कोइरं स्वर्गराज्यलो लागिटं याज़ हिजरा झैसिरं। जोये आव अनसार डोडुव होये नो अनसारज़ गडोवकं।”
येसु सोनो आलिज़ा बाल्खरं
मर्कुस 10:13-16; लुका 18:15-17
13येसुये बाल्खरंलाई याङै:टं उकुइ नैडे प्रार्ठना गोडोड्योवरंकं वार्डे मीराई आलिज़ा बाल्खरंलाई येसु लेवकं यारोयोरं। होकाम येसुलो उसिसराई हो मीरंलाई याहप्कोयोरं। 14हैटानि पनि येसुये हैओडोवरं, “बाल्खरंलाई ङालेवकं राव याच्योरं, नोरंलाई टावोङच्योरं। कडालेकं स्वर्गटा राज्या ऐटावराईज़ ची।” 15होकाम बाल्खराई याङै:टं उकुइ नैडे येसु नलाम ओनाव।
ढनी ढापा मी
मर्कुस १०:१७-३१; लुका १८:१८-३०
16टोबो मी येसु लेवकं राडे ऐ ओडोव, “ए गुरबा, ङा खर्कज़ मासिने जीबन डैने खेटाव चाव ये:न डोने?” 17येसुये होलाई हैओडोव, “चाव कडि वार्डे ङालाई कडाने नपजैसङ्ज़्याव? चाव टोबोयाज़ ले। हैनि पनि नङ खर्कज़ मासिने जीबंन डैने इछ्या यालेखे भने, आग्यारं मानि।” 18हो मीये येसुलाई हैओडोव, “काङ्का आग्या?” येसुये हैओडोव, “नङ हत्या टाडो, नङ ब्यभिचार टाडो, नङ टाकुङन, नङ झुठ गोहाई टायो। 19नामा नबाबुलाई मान यो, नछिमेकीलाई नज्यु स्यावज़ मया डो।” 20हो मीये येसुलाई हैओडोव, “आव स्यान्टै के ङा डोडेज़ङानै। आबो ङालाई कडि माडुमो लिज़्या ड?” 21येसुये हो मीलाई हैओडोव, “नङ पक्का परमेस्वरलो उयुङ्का टाने इछ्या नोडोखे भने, नङसं लिज़्याव स्यान्टै येडे गरिबरंलाई योरं, होकाम नङ स्वर्गटं ढन डैने नले, होकाम नङ ङाछिन्ट राङन।” 22होकाम आव रो: हो मीये ओठोयो पानाज़ डुखि टाडे ओनाव कडालेकं नो मीलो बनै भ्या ओढन सम्पति लेव। 23होकाम येसुये उसिसरंलाई हैओडोवरं, “डस्साज़ ङा जेलाई हैङाडाच्यो, स्वर्गटा राज्यालं ढनी मी नाने ढौ टानेले। 24फरि ङा जेलाई हैङाडाच्यो, ढनी मी परमेस्वरलो ओराज्यलं पसिने भन्डा के बुरु उँटलाई गपलो उकुङलं पसिने सजालो टानेले।” 25आव रो: ठैडे उसिसरं पनि छक्क टाडे यापजोयो, “होकाम काङ्काये छुट्कारा डैडुवखेने?” 26येसुये होरं लेवडे र:ङडे हैओडोवरं, “मीराई यालागिटं आव सजालो माले हैनि पनि परमेस्वरलो ओलागिटं आव सजालो ले।” 27होकाम पत्रुसये येसुलाई हैओडोव, “र:ङखेने गेके स्यान्टै रो: रा:डे नझिन्ट गेराज़्या। गे कडि गेडैकेखेने?” 28येसुये होरंलाई हैओडोवरं, “डस्साज़, ङा जेलाई हैङाडाच्यो, जोरं ङाछिन्ट राव जिलिज़्या, झिन्डे झैसिव सा:रौ पोलं मानवालो ओज़ा ओमहिमाला उचुङने पोलं चुङनेले। नो बेला ङाछिन्ट रानेरं जे पनि बारं सिहासनटं चुङनेजेले, होकामटानि इस्राएललो बारं कुलराई याटर्ट निया डोनेजेले। 29जो-जोये ङामिन्ट उज़ी:म, ओडाज्यु ओभाइरं, ओनाना ओबैनीरं, ओबाबु वामारं, ओज्या, ओज़ारं ओजगा जमिन रा:वये, होये सय गुना डैनेले, होकाम खर्कज़ मासिने जीबनलो अढिकार डैनेले। 30हैनि पनि भ्या मीरं जोरं ङा:ङ लेरं होरं झिन्ङ टानेलेरं होकाम झिन्ङ लेनेरं ङा:ङ टानेलेरं।”
Iliyochaguliwa sasa
मत्ती 19: NTWMK25
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
मत्ती 19
19
ज्यारि भासिने बारेलं सिछ्या
मर्कुस १०:१-१२
1होकाम येसु आढङ रो: ओपाङो पान्त्रा गालीललाम यर्डन भै होपंटं यहुडियाडे ओनाव। 2भ्या मीरं येसुलो उझिन्ट याराव होकाम येसुये होलं याजोरो रावरंलाई ओससोमोरं। 3येसुलाई जान्चीनेलो लागिटं फरिसीरं येसु लेवकं राडे यापजोयो, “कोइ मीराई कोबा कारनयेज़ याज्यासं भासिने टायेरो?” 4येसुये हैओडोवर, “जे सास्त्रटं जिपरिव माले? सिर्जैनेये नोरंलाई सुरुलामज़ खेपा मेमा ओझोयोरं।#सिर्जिव १:२७; ५:२ 5होकाम येसुये हैओडोवर, ‘ऐझैडेज़ खेपाये ओबाबु वामालाई रा:डे ओज्यासं मिलिडे लेये, होकाम नो नेबऱ्याङ टोबो ज्यु टानेलेनि।’#सिर्जिव २:२४ 6नोनि आबो नेबऱ्याङ माङ्क, टोबो ज्यु टानिये। आव कारनयेज़ परमेस्वरये जोरंलाई ज्यारि झैडे नोयोरं, होरंलाई काङ्का मीराई पनि टाभारंकं।” 7होराई येसुलाई हैयाडोव, “मोसाये कडा ज्यारि भासिने भरपाई याडे ज्यालाई रा:ने आग्या ओयोव खेने?” 8येसुये होरंलाई हैओडोवरं, “जियुङ खाव ओटावयेज़ मोसाये ज्यालाई भरपाई याडे रा:ने आग्या ओयाच्योव, हैनि पनि ऐटाव ङा:डे मालेव। 9ङा जेलाई हैङाडाच्यो, जोये ओज्याये ब्यभिचार ओडोव कारन बाहेक ओज्यालाई रा:डे छुटं मेमासं बिहेँ डोव होये पनि ब्यभिचार ओडोव टाये। होकाम जोये रा:सिव मेमासं बिहेँ डोव होये पनि ब्यभिचार ओडोव टाये।” 10उसिसराई येसुलाई हैयाडोव, “टोबो मीलो ओज्यासं नेखार्ल ऐटाव याटाखे भने के बिहेँ माडोनि पनि चावज़ टाये।” 11येसुये होरंलाई हैओडोवरं, “स्यान्टै मीराई आव बचंन अनसार माडोडुरं, ऐटाव मीराईयाज़ ग्रहन डोडुरं जोलाई आव यासिव लिज़्या। 12कडालेकं कोइरं याजर्मिवकामज़ हिजरा टारं, कोइरंलाई मीराई हिजरा झैरंये, कोइरं स्वर्गराज्यलो लागिटं याज़ हिजरा झैसिरं। जोये आव अनसार डोडुव होये नो अनसारज़ गडोवकं।”
येसु सोनो आलिज़ा बाल्खरं
मर्कुस 10:13-16; लुका 18:15-17
13येसुये बाल्खरंलाई याङै:टं उकुइ नैडे प्रार्ठना गोडोड्योवरंकं वार्डे मीराई आलिज़ा बाल्खरंलाई येसु लेवकं यारोयोरं। होकाम येसुलो उसिसराई हो मीरंलाई याहप्कोयोरं। 14हैटानि पनि येसुये हैओडोवरं, “बाल्खरंलाई ङालेवकं राव याच्योरं, नोरंलाई टावोङच्योरं। कडालेकं स्वर्गटा राज्या ऐटावराईज़ ची।” 15होकाम बाल्खराई याङै:टं उकुइ नैडे येसु नलाम ओनाव।
ढनी ढापा मी
मर्कुस १०:१७-३१; लुका १८:१८-३०
16टोबो मी येसु लेवकं राडे ऐ ओडोव, “ए गुरबा, ङा खर्कज़ मासिने जीबन डैने खेटाव चाव ये:न डोने?” 17येसुये होलाई हैओडोव, “चाव कडि वार्डे ङालाई कडाने नपजैसङ्ज़्याव? चाव टोबोयाज़ ले। हैनि पनि नङ खर्कज़ मासिने जीबंन डैने इछ्या यालेखे भने, आग्यारं मानि।” 18हो मीये येसुलाई हैओडोव, “काङ्का आग्या?” येसुये हैओडोव, “नङ हत्या टाडो, नङ ब्यभिचार टाडो, नङ टाकुङन, नङ झुठ गोहाई टायो। 19नामा नबाबुलाई मान यो, नछिमेकीलाई नज्यु स्यावज़ मया डो।” 20हो मीये येसुलाई हैओडोव, “आव स्यान्टै के ङा डोडेज़ङानै। आबो ङालाई कडि माडुमो लिज़्या ड?” 21येसुये हो मीलाई हैओडोव, “नङ पक्का परमेस्वरलो उयुङ्का टाने इछ्या नोडोखे भने, नङसं लिज़्याव स्यान्टै येडे गरिबरंलाई योरं, होकाम नङ स्वर्गटं ढन डैने नले, होकाम नङ ङाछिन्ट राङन।” 22होकाम आव रो: हो मीये ओठोयो पानाज़ डुखि टाडे ओनाव कडालेकं नो मीलो बनै भ्या ओढन सम्पति लेव। 23होकाम येसुये उसिसरंलाई हैओडोवरं, “डस्साज़ ङा जेलाई हैङाडाच्यो, स्वर्गटा राज्यालं ढनी मी नाने ढौ टानेले। 24फरि ङा जेलाई हैङाडाच्यो, ढनी मी परमेस्वरलो ओराज्यलं पसिने भन्डा के बुरु उँटलाई गपलो उकुङलं पसिने सजालो टानेले।” 25आव रो: ठैडे उसिसरं पनि छक्क टाडे यापजोयो, “होकाम काङ्काये छुट्कारा डैडुवखेने?” 26येसुये होरं लेवडे र:ङडे हैओडोवरं, “मीराई यालागिटं आव सजालो माले हैनि पनि परमेस्वरलो ओलागिटं आव सजालो ले।” 27होकाम पत्रुसये येसुलाई हैओडोव, “र:ङखेने गेके स्यान्टै रो: रा:डे नझिन्ट गेराज़्या। गे कडि गेडैकेखेने?” 28येसुये होरंलाई हैओडोवरं, “डस्साज़, ङा जेलाई हैङाडाच्यो, जोरं ङाछिन्ट राव जिलिज़्या, झिन्डे झैसिव सा:रौ पोलं मानवालो ओज़ा ओमहिमाला उचुङने पोलं चुङनेले। नो बेला ङाछिन्ट रानेरं जे पनि बारं सिहासनटं चुङनेजेले, होकामटानि इस्राएललो बारं कुलराई याटर्ट निया डोनेजेले। 29जो-जोये ङामिन्ट उज़ी:म, ओडाज्यु ओभाइरं, ओनाना ओबैनीरं, ओबाबु वामारं, ओज्या, ओज़ारं ओजगा जमिन रा:वये, होये सय गुना डैनेले, होकाम खर्कज़ मासिने जीबनलो अढिकार डैनेले। 30हैनि पनि भ्या मीरं जोरं ङा:ङ लेरं होरं झिन्ङ टानेलेरं होकाम झिन्ङ लेनेरं ङा:ङ टानेलेरं।”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025