ଜହନ 11
11
ଲାଜାରତି ହାଅନ୍
1 #
ଲୁକ ୧୦:୩୮,୩୯ ବେତନିଆତି ଲାଜାର ପାରୁଟି ରଃଅଞ୍ଜି କୁଏଞ୍ଜି ରେଡ଼ମ୍ ଆନ୍ ମାଚ୍ଚେଞ୍ଜି; ଆଟେ ମରିୟମ ଅଟେ ମାର୍ତା ତା ରିଣ୍ଡି ଆଙ୍ଗିସ୍କା ଏ ନାଜୁତାୱା ବାସାଆଇଚ୍ଚୁ । 2#ଜହ ୧୨:୩ଆଟେ ଇ ମରିୟମ ରଲି ଦାର୍ମୁତି କାଟ୍କାତାୱା ନେହିଗାନ୍ଦା ନିଜ୍ଜୁ ମିସାନ୍ ତା ତ୍ଲାଉ ଡ଼ାହି ହମ୍ବାହିଆଚ୍ଚେ; ଏଦାଡ଼୍ତି ଆମ୍ୱେସ୍ ଲାଜାର ରେଡ଼ମ୍ ଆନ୍ ମାଚ୍ଚେଞ୍ଜି । 3ଏଦାକି ଦାର୍ମୁ, ନିନୁ ଇନ୍ଦାରିକି ଏଗେଲ୍ ଜେଡା କିଞ୍ଜି, ମା ଆମ୍ୱେସ୍ ଲାଜାର ରେଡ଼ମ୍ ଆନ୍ ମାନ୍ନେଞ୍ଜି ଇଞ୍ଜାନ୍ ତା ରିଣ୍ଡି ଆଙ୍ଗିସ୍କା ଜିସୁ ଟାକ୍କେ କବର ପାଣ୍ଡିତୁ ।
4ମତ୍ର ଜିସୁ ଏଦା ୱେଞ୍ଜାନ୍ ୱେସ୍ତେଞ୍ଜି, ଇ ରେଡ଼ମ୍ ହାଅନ୍ ବାଗାଟି ଆଃଏ, ମତ୍ର ମୁଲାପେନୁତି ଗଉରବ ବାଗାଟି, ଇନିସ୍କି ତା ତାୱାଟି ମୁଲାପେନୁତି ମ୍ରିଃଏଞ୍ଜି ଗଉରବ ପାଁନେଞ୍ଜି । 5ଜିସୁ ମାର୍ତା, ତା ଆଙ୍ଗି ମରିୟମ ଅଟେ ତା ଆମ୍ୱେସ୍ ଲାଜାରନିକି ଜେଡା କିଚ୍ଚେଞ୍ଜି । 6ଏଚ୍ଚିକିଃଆ ଜିସୁ ଲାଜାର ରେଡ଼ମ୍ ଆନ୍ ମାନ୍ନେଞ୍ଜି ଇଞ୍ଜାନ୍ କବର ପାଟେଞ୍ଜି, ଏଚିତୁକାତାୱା ଏୱାଞ୍ଜି ଇମ୍ୱିନ୍ ଗର୍ରିତାୱା ମାଚ୍ଚେଞ୍ଜି, ଏ ଗର୍ରିତାୱା ରି ଦିନା ବାସାଆତେଞ୍ଜି, 7ଏମ୍ବାଟି ଏୱାଞ୍ଜି ଗ୍ରାମ୍ୱାଗାଟାରିକି ୱେସ୍ତେଞ୍ଜି, “ଚାଣ୍ଡୁ, ମାରୁ ହାଦାଡ଼ି ଜିହୁଦା ରାଜିଇନ୍ଦା ୱ୍ଡେଚାନ୍ ହାନ୍ନା ।”
8ଗ୍ରାମ୍ୱାଗାଟାରି ୱେସ୍ତେରି, “ଏ ଗ୍ରାପାଗାଟାତି, ଏଦିମ୍ୱା କାହେ ଜିହୁଦିଙ୍ଗ୍ ନିଙ୍ଗେ ୱାଲ୍ଲିଙ୍ଗ୍ ଜିସ୍କନ୍ ବାଗା ଆଇଞ୍ଜାତେରି, ଆଟେ ନିନୁ ରିହିକ୍ ଏନ୍ନେ ହାଲ୍ବନ୍ ବାଗା ଇଚ୍ଚା କିଞ୍ଜି ?”
9ଜିସୁ ୱେସ୍ତେଞ୍ଜି, ର କାର୍ରାତାୱା ଇନ୍ନା ବାରା ଗଣ୍ଟା ଆଏହେଃଲ୍ଲେ ? ଏମ୍ବେନାଞ୍ଜି କାର୍ରାତାୱା ତାକେନ୍ନେଞ୍ଜି ଏୱାଞ୍ଜି ଉବ୍ଗେହେଃଲ୍ଲେଞ୍ଜି, ଇନାକି ଏୱାଞ୍ଜି ଇ ପୁର୍ତିତି ଅଲା ହୁଡ଼େନ୍ନେଞ୍ଜି; 10ମତ୍ର ଡାଡ଼ିଙ୍ଗ୍ ତାକିତେସି ଉବ୍ଗନ୍ ଆନେ, ଇନାକି ଏୱାଞ୍ଜ୍ତି ହଡାଙ୍ଗ୍ତାୱା ଅଲା ହେଃଲ୍ଲେ । 11ଏୱାଞ୍ଜି ଇ ହାବେତ୍ କାତା ୱେସାନାହି ଏୱାରିକି ୱେସ୍ତେଞ୍ଜି, “ମା ତଡ଼େଞ୍ଜି ଲାଜାର ହାଦାଡ଼ି ହୁଞ୍ଜାନ୍ନେଞ୍ଜି, ନାନୁ ତାଙ୍ଗେ ନିପ୍କନ୍ ବାଗା ହାଜ୍ଜିମାଃଇ ।” 12ଏମ୍ବାଟି ଗ୍ରାମ୍ୱାଗାଟାରି ଏୱାଞ୍ଜିକି ୱେସ୍ତେରି, “ଦାର୍ମୁ, ଜଦି ତାନୁ ହୁଞ୍ଜାନ୍ନେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ନେହି ଆନେଞ୍ଜି ।” 13ଜିସୁ ଏୱାରିକି ଲାଜାର ହାଅନ୍ତି କୁଲାଟି ୱେସାଚ୍ଚେଞ୍ଜି, “ମତ୍ର ଏୱାଞ୍ଜି ନିଜ୍ଜାନେଃଏ ହୁଞ୍ଜାନ୍ନି କୁଲାଟି ୱେସ୍ତାତେଞ୍ଜି ଇଞ୍ଜାନ୍ ଏୱାରି ଏଲୁ କିତେରି ।” 14ଏଦାକି ଜିସୁ ଏୱାରିକି ନେହେନ୍ ୱେସ୍ତେଞ୍ଜି, “ଲାଜାର ହାନ୍ନେଞ୍ଜି; 15ନାନୁ ରାହାଙ୍ଗ୍ ଆଇମାଃଇ ଇନାକି ଏ ଗର୍ରିତାୱା ତା ଡ଼ାହି ନାନୁ ହେଃଲ୍ଲାତାନୁ, ଇଦି ମି ବାଗାଟି ନେହି ଆନ୍ନେ, ଇନିସ୍କି ମିରୁ ମାଞ୍ଜାଡ଼ି କିଦେରି; ଚାଣ୍ଡୁ, ମାରୁ ତା ରେଃଏସ୍ ହାନ୍ନା ।” 16ଏମ୍ବାଟି ତମାସ, ଇନ୍ଦାରିକି ଦିଦୁମ ଇଞ୍ଜାନ୍ ୱେସ୍ପିନ୍ନେରି, ଏୱାଞ୍ଜି ତା ଡ଼ାହି ମାଚ୍ଚି ଗ୍ରାମ୍ବାଗାଟାରିକି ୱେସ୍ତେଞ୍ଜି, “ଚାଣ୍ଡୁ ମାରୁ ୱାଡ଼େ ହାଜ୍ଜାନ୍ ତା ଡ଼ାହି ହାନା ।”
ଜିସୁ ନିମ୍ୱାନ୍ନିଙ୍ଗନ୍ ଅଟେ ପରନ୍
17ଜିସୁ ବେତନିଆତାୱା ଏଚ୍ଚାନାହି ୱେଚ୍ଚେଞ୍ଜି ଜେ, ଲାଜାରନିକି ନାଲ୍ ଦିନା ଆତେ ୱିଚାଙ୍ଗାଜୁତାୱା ମୁସାନ୍ନେରି । 18ବେତନିଆ ଜିରୁସାଲମତାୱାଟି ବାଇକ୍ ମୁ କିଲ ମିଟର ଦେହା ମାଚ୍ଚେ । 19ଆଟେ ଜିହୁଦିଙ୍ଗ୍ ତାୱାଟି ଏଗେଲ୍ ଦାଲ୍ଲା ମାର୍ତା ଅଟେ ମରିୟମନିକି ଏୱାଡ଼୍ତି ଆମ୍ୱେସ୍ ହାଚି ବାଗାଟି ମାତି କିଅନି ବାଗା ୱାଚ୍ଚେରି । 20ଏମ୍ୱାଟି ଏଚ୍ଚିକିଃଆ ଜିସୁ ୱାନ୍ନେଞ୍ଜି ଇଞ୍ଜାନ୍ ମାର୍ତା ୱେଚ୍ଚେ, ଏଦି ଏୱାଞ୍ଜିକି ହୁଡ଼ନ୍ ବାଗା ହାଚ୍ଚେ, ମତ୍ର ମରିୟମ ଇଜ୍ଜା ବାସାଆତେ । 21ମାର୍ତା ଜିସୁନିକି ୱେସ୍ତେ, “ଦାର୍ମୁ, ନିନୁ ଜଦି ଇଦିମ୍ୱା ମାଞ୍ଜିମା, ଇଚ୍ଚେସି ନା ଆମ୍ୱେସ୍ ହାଃଏଞ୍ଜ୍ମା । 22ମତ୍ର ନିନୁ ମୁଲାପେନୁନିକି ଇନ୍ନା ୱ୍ରିହ୍ଦି, ଏଦା ନିଙ୍ଗେ ହିଆନେଞ୍ଜି, ଇଦା ହାଦାଡ଼ି ୱାଡ଼େ ପୁଞ୍ଜାମାଃଇ ।” 23ଜିସୁ ତାଙ୍ଗେ ୱେସ୍ତେଞ୍ଜି, “ନି ଆମ୍ୱେସ୍ ଆଟେ ରିହିକ୍ ନିଙ୍ଗିନେଞ୍ଜି ।” 24ମାର୍ତା ତାଙ୍ଗେ ୱେସ୍ତେ, “ଏୱାଞ୍ଜି ୱିହାନ୍ଦୁକାତାୱା ନିମ୍ୱାନ୍ନିଙ୍ଗନ୍ତି ଦିନାତାୱା ନିଙ୍ଗିନେଞ୍ଜି, ଇଦା ନାନୁ ପୁଞ୍ଜାମାଃଇ ।” 25ଜିସୁ ତାଙ୍ଗେ ୱେସ୍ତେଞ୍ଜି, “ନାନୁ ନିମ୍ୱାନ୍ ନିଙ୍ଗନ୍ ଅଟେ ପରନ୍; ଏମ୍ୱେନାଞ୍ଜି ନାଙ୍ଗେ ମାଞ୍ଜାଡ଼ି କିଞ୍ଜାନେଞ୍ଜି, ଏୱାଞ୍ଜି ହାତେସ୍ ୱାଡ଼େ ନିମ୍ୱିନେଞ୍ଜି । 26ଆଟେ ଏମ୍ୱେନାଞ୍ଜି ନିମ୍ୱାନ୍ନେଞ୍ଜି ଅଟେ ନାଙ୍ଗେ ମାଞ୍ଜାଡ଼ି କିଞ୍ଜାନେଞ୍ଜି, ଏୱାଞ୍ଜି ଏଚ୍ଚେକ୍ୱାଡ଼େ ହାଃଏଞ୍ଜି; ଇଦା ଇନ୍ନା ମାଞ୍ଜାଡ଼ି କିଞ୍ଜେରି ?” 27ଏଦି ତାଙ୍ଗେ ୱେସ୍ତେ, “ହାଁ, ଦାର୍ମୁ, ଏମ୍ୱେନାଞ୍ଜିକି ଇ ପୁର୍ତିତାୱା ୱାଅନ୍ ମାଚ୍ଚେ, ନିନୁ ଜେ ମୁଲାପେନୁତି ମ୍ରିଃଏଞ୍ଜି ଏ କ୍ରିସ୍ଟ, ଇଦା ନାନୁ ମାଞ୍ଜାଡ଼ି କିମାଃଇ ।”
ଜିସୁ ଡ଼ିତେଞ୍ଜି
28ଇଦା ୱେସ୍ତାୱିଃଆଟି ଏଦି ହାଜ୍ଜାନାହି ତା ଆଙ୍ଗି ମରିୟମନିକି ମ୍ଡାମି ଆର୍ଚାନ୍ ୱେସ୍ତେ, “ଗ୍ରାପାଗାଟାଞ୍ଜି ୱାନ୍ନେଞ୍ଜି ଆଟେ ନିଙ୍ଗେ ଆର୍ପିଞ୍ଜାନେଞ୍ଜି ।” 29ଏଦି ଇଦା ୱେଞ୍ଜାନ୍ କାର୍ବେକ୍ ନିଙ୍ଗାନ୍ ଏୱାଞ୍ଜ୍ ରେଃଏସ୍ ହାଚ୍ଚେ । 30ଜିସୁ ଏଚିତୁକାତାୱା ନାଜୁ ଲାଃଇ ୱାହେଃଲ୍ଲାତେଞ୍ଜି, ମତ୍ର ମାର୍ତା ତାଙ୍ଗେ ଇମ୍ୱିନ୍ ଗର୍ରିତାୱା ପୁଁଣ୍ଡାଚ୍ଚେ, ଏୱାଞ୍ଜି ଏ ଗର୍ରିତାୱା ମାଚ୍ଚେଞ୍ଜି । 31ଏମ୍ବାଟି ଇମ୍ୱିନ୍ ଜିହୁଦିଙ୍ଗ୍ ତା ଡ଼ାହି ଇଜ୍ଜା ମାଞ୍ଜାନ୍ ତାଙ୍ଗେ ମାତି କିଚ୍ଚେରି, ଏୱାରି ମରିୟମନିକି କାର୍ବେକ୍ ନିଙ୍ଗାନ୍ ହଚାନ୍ ହାଲ୍ବନ୍ତାଦା ହୁଡ଼ାନ୍, ଏଦି ୱିଚାଙ୍ଗାଜୁ ରେଃଏସ୍ ଡ଼ିଅନ୍ ବାଗା ହାଜ୍ଜିନ୍ନେ ଇଞ୍ଜାନ୍ ଏଲୁ କିଆନ୍ ତା ବେତ ବେତଟ୍ ହାଚ୍ଚେରି । 32ଏମ୍ବାଟି ଜିସୁ ମାଚ୍ଚି ଗର୍ରିତାୱା ଏଚ୍ଚାନ୍, ମରିୟମ ଏୱାଞ୍ଜ୍ତି କାଟ୍କା ନେତେ ବ୍ଡିଆନ୍ ୱେସ୍ତେ, “ଦାର୍ମୁ, ନିନୁ ଜଦି ଇଦିମ୍ୱା ମାଞ୍ଜାଞ୍ଜିମା ଇଚ୍ଚେସି ନା ଆମ୍ୱେସ୍ ହାଃଏଞ୍ଜ୍ମା ।” 33ଏମ୍ବାଟି ଜିସୁ ତାଙ୍ଗେ ଅଟେ ତା ଡ଼ାହି ୱାଚ୍ଚି ଜିହୁଦିଙ୍ଗ୍ନିକି ଡ଼ିଚ୍ଚାଦାଃଆ ହୁଡ଼ାନ୍ ତା ହଡାଙ୍ଗ୍ ନୱିକିତେଞ୍ଜି । 34ଏଦାବାଗା ଏୱାଞ୍ଜି ୱେଚ୍ଚେଞ୍ଜି, “ତାଙ୍ଗେ ଇମ୍ୱିନାୱା ଇଟ୍ଟାଞ୍ଜେରି ?” ଏୱାରି ତାଙ୍ଗେ ୱେସ୍ତେରି, “ଦାର୍ମୁ, ୱାନାହି ହୁଡ଼ାମୁ ।” 35ଜିସୁ ଡ଼ିତେଞ୍ଜି । 36ଏଦିମ୍ୱା ଜିହୁଦିଙ୍ଗ୍ ୱେସ୍ତେରି, “ହୁଡ଼ାଟୁ, ଏୱାଞ୍ଜି ତାଙ୍ଗେ ଇନିମିଡି ଜେଡା କିଚ୍ଚେଞ୍ଜି ।” 37ମତ୍ର ଏୱାରି ତାୱାଟି ଏଚ୍ଚେ ଦାଲ୍ଲା ଇଚ୍ଚେରି, “ଇୱାଞ୍ଜ୍ନେଃଏ ଏ କୁଏଞ୍ଜି, ଏମ୍ୱେନାଞ୍ଜିକି ଏ କାଡ଼ାଙ୍ଗ୍ଗାଟାଞ୍ଜ୍ତି କାଡ଼୍କା ୱ୍ରିକ୍ଚ୍ଚା ହିଆଚ୍ଚେଞ୍ଜି, ଏୱାଞ୍ଜି ଇନ୍ନା ଲାଜାରନିକି ହାଅନ୍ତାୱାଟି ଆଙ୍ଗନ୍ ମୁଃଏଞ୍ଜ୍ମା ?”
ହାଚି ଲାଜାରନିକି ପରନ୍ ହିଅନି
38ଏମ୍ବାଟି ଜିସୁ ରିହିକ୍ ହଡାଙ୍ଗ୍ତାୱା ଗାପ୍ଚି ଦୁଃକ କିଆନାହି ଗ୍ରିପାଙ୍ଗୁଟି ଟାକ୍କେ ୱାତେଞ୍ଜି; ଏଦି ରଣ୍ଡି ହାଲୁ, ଆଟେ ଏ ଗ୍ରିପାଙ୍ଗୁଟି ନକେସ୍ ରଣ୍ଡି ୱାଲ୍ଲି ମାଚ୍ଚେ । 39ଜିସୁ ୱେସ୍ତେଞ୍ଜି, “ଇ ୱାଲ୍ଲି ଦୁର୍ଦୁ ।” ଏମ୍ୱାଟି ତା ଆଙ୍ଗି ମାର୍ତା ତାଙ୍ଗେ ୱେସ୍ତେ, “ଦାର୍ମୁ, ଏୱାଞ୍ଜି ଗାନ୍ଦା ଆତେଞ୍ଜି, ଇନାକି ଏୱାଞ୍ଜି ହାନାହି ନାଲ୍ ଦିନା ଆତେ ।” 40ଜିସୁ ତାଙ୍ଗେ ୱେସ୍ତେଞ୍ଜି, “ଜଦି ମିରୁ ମାଞ୍ଜାଡ଼ି କିଞ୍ଜେରି, ଇଚ୍ଚେସି ମୁଲାପେନୁତି ମହିମା ହୁଡ଼ିଦେରି, ନାନୁ ଇନ୍ନା ମିଙ୍ଗେ ଇଦା ୱେସାହେଲ୍ଲାଦାଃଏନୁ ?” 41ଏମ୍ବାଟି ଏୱାରି ୱାଲ୍ଲି ଦୁର୍ତେରି ଆଟେ ଜିସୁ ୱାନ୍ଦା ମେହାନ୍ ୱେସ୍ତେଞ୍ଜି, “ଆବା, ନିନୁ ନା ପ୍ରାତ୍ନା ୱେଚ୍ଚି ଇଞ୍ଜାନ୍ ନାନୁ ନିଙ୍ଗେ ଦନ୍ୟବାଦ ହିଞ୍ଜା । 42ନିନୁ ଜେ ହାବେ ୱେଲା ନା ପ୍ରାତ୍ନା ୱେଞ୍ଜିଞ୍ଜି, ଇଦା ନାନୁ ପୁଞ୍ଜାମାଃଇ; ମତ୍ର ଇମ୍ୱିନ୍ ଦାଲ୍ଲା ହାବେ ଗୁଞ୍ଜେର୍ ଡିଡ୍ଡାନ୍ନେରି, ନିନୁ ନାଙ୍ଗେ ପାଣ୍ଡାଞ୍ଜାଦି ଇଞ୍ଜାନ୍ ଇନିସ୍କି ଏୱାରି ମାଞ୍ଜାଡ଼ି କିନେରି, ଏଦାକି ଏୱାର୍ ବାଗା ନାନୁ ଇଦା ୱେସ୍ତାତେଃଏ ।” 43ଏୱାଞ୍ଜି ଇଦା ୱେସାନ୍ ବେର୍ ଉକୁଡ଼ିଆଟି ଆର୍ତେଞ୍ଜି, “ଲାଜାର, ହଚାନ୍ ୱାମୁ ।” 44ହାଚି କୁଏଞ୍ଜି ହଚାନ୍ ୱାତେଞ୍ଜି; ତା କାସ୍କା କାଟ୍କା ୱିଚାଙ୍ଗାଜୁ ଜିରାଙ୍ଗ୍#୧୧:୪୪ ୱିଚାଙ୍ଗାଜୁ ଜିରାଙ୍ଗ୍ ଇଚ୍ଚେସି ହାତି ଗାଣ୍ଡି ମୁଚ୍ଚି କିଅନ୍ତି ଜିରାଙ୍ଗ୍ ଡ଼ାହି ଗାସାଚ୍ଚେରି, ଆଟେ ତା ମ୍ରୁମ୍ବୁ ହିତାନ୍ ଚେଦର୍ ଡ଼ାହି ମୁଚ୍ଚି ଆଚ୍ଚେ । ଜିସୁ ଏୱାରିକି ୱେସ୍ତେଞ୍ଜି, “ଇୱାଞ୍ଜିକି ଗାସ୍ପାୱିଆନ୍ନା ୱ୍ରିକ୍ଚ୍ଚାନାହି ତାକନ୍ ହିଦୁ ।”
ଜିସୁନିକି ପାଗନ୍ ବାଗା ଜୁଜନା କିଅନ୍
(ମାତିଉ ୨୬:୧–୫; ମାର୍କ ୧୪:୧–୨; ଲୁକ ୨୨:୧–୨)
45ଏମ୍ବାଟି ଇମ୍ୱିନ୍ ଜିହୁଦି ଦାଲ୍ଲା ମରିୟମନିକି ହୁଡ଼ନ୍ ୱାଚ୍ଚେରି, ଏୱାର୍ତାୱାଟି ଗାପ୍ଚି ଦାଲ୍ଲା ଜିସୁତି କାମା ହୁଡ଼ାନ୍ ତାଙ୍ଗେ ମାଞ୍ଜାଡ଼ି କିତେରି; 46ମତ୍ର ଏୱାର୍ତାୱାଟି ଆଟେ ତୁଲ୍ଲେ ଦାଲ୍ଲା ପାରୁସିଙ୍ଗ୍ ରେଃଏସ୍ ହାଜ୍ଜାନ୍, ଜିସୁ ଇନ୍ନା ଇନ୍ନା କିତେଞ୍ଜି, ଏୱା ହାବେ ଏୱାରିକି ୱେସ୍ତେରି । 47ଏମ୍ବାଟି ଗାମିନ୍ ଜାଜକଙ୍ଗ୍ ଅଟେ ପାରୁସିଙ୍ଗ୍ ଇଦା ୱେଞ୍ଜାନ୍ ବେର୍ ସବା କିଆନ୍ ୱେସ୍ତେରି, “ମାରୁ ଇନ୍ନା କିନା ? ଇ କୁଏଞ୍ଜି ତ ଗାପ୍ଚି ଆକ୍କାବାଡ଼ାଙ୍ଗ୍ତି କାମା କିନ୍ନେଞ୍ଜି । 48ଜଦି ମାରୁ ତାଙ୍ଗେ ଏହେଙ୍ଗିସି ପିହାଜିନା, ଏହେଙ୍ଗ୍ ଆତେସି ହାବେତାରି ତାଙ୍ଗେ ମାଞ୍ଜାଡ଼ି କିନେରି, ଆଟେ ରୁମିୟ ଦାଲ୍ଲା ୱାନାହି ଇ ମା ଗର୍ରି ଅଟେ ଜାତି ହାବେ ନାହେଡ୍ କିନେରି ।” 49ମତ୍ର ଏୱାର୍ତାୱାଟି କୟାପା ପାରୁଗାଟି ରଃଅଞ୍ଜି, ଏ ଅଁଣ୍ଡୁ ବାଗା ମୁଲନ୍ ଜାଜକ ଆଚ୍ଚାଞ୍ଜି ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ପୁଞ୍ଜାହେଃଲ୍ଲେରି; 50ଜିହୁଦି ଜାତିତି ହାବେ ଦାଲ୍ଲା ନାହେଡ୍ ଆଅନ୍ ତାୱାଟି ରଃଅଞ୍ଜି ହାଅନ୍ ମି ବାଗା ନେହାଦି, ଇଦା ୱାଡ଼େ ମିରୁ ବିଚାର କିହେଃଲ୍ଲେରି ।”
51ଏୱାଞ୍ଜି ତା ତାୱାଟି ଇଦା ୱେସାହେଃଲ୍ଲାତେଞ୍ଜି, ମତ୍ର ଏୱାଞ୍ଜି ଏ ଅଁଣ୍ଡୁତି ମୁଲନ୍ ଜାଜକ ମାଚ୍ଚାୱିଃଆଟି ଜିସୁ ଜେ ଜିହୁଦି ଜାତି ବାଗାଟି ହାନେଞ୍ଜି, ଇ ବାବବାନି ୱେସାଚ୍ଚେଞ୍ଜି । 52ମତ୍ର ୱାର୍ରି ଏ ଜାତି ବାଗା ଆଃଏ, ମତ୍ର ବାରାୱିତି ଆନ୍ନି ମୁଲାପେନୁତି ବଦାଙ୍ଗ୍ନିକି ୱାଡ଼େ ରପାଟ୍ଟେ କିଅନ୍ ବାଗା ହାନେଞ୍ଜି, ଇଦାବାଗା ଇ ବାବବାନି ୱେସ୍ତେଞ୍ଜି ।
53ଏଦାକି ଏଚିୱେଲାତାୱାଟି ଏୱାରି ତାଙ୍ଗେ ପାଗନ୍ ବାଗାଟି ଜୁଜନା କିତେରି । 54ଏଦାକି ଜିସୁ ଜିହୁଦି ଦାଲ୍ଲା ନକେସି ତ୍ରେବାତ୍ରେବି କିଃଆତେଞ୍ଜି, ମତ୍ର ଏ ଗର୍ରିତାୱାଟି ହଚାନାହି ହାଜ୍ଜାନ୍ ଚିହ୍ପି ଗର୍ରି ରେଃଏସ୍ ମାନ୍ନି ଇପ୍ରିୟମ ପାରୁଗାଟି ରଣ୍ଡା ଗାଡ଼ାନାଜୁଇନ୍ଦା ହାଚ୍ଚେଞ୍ଜି, ଆଟେ ଏୱାଞ୍ଜି ଗ୍ରାମ୍ୱାଗାଟାରି ଡ଼ାହି ଏଦିମ୍ୱା ବାସାଆତେଞ୍ଜି । 55ଜିହୁଦିଙ୍ଗ୍ତି ନିସ୍ତାର ରେହାଙ୍ଗ୍ ଟାକ୍କେ ମାଚ୍ଚେ ଅଟେ ନାସ୍କାତାୱାଟି ଏଗେଲ୍ ଦାଲ୍ଲା ତା ତା ହାଜୁ ଡେହେଙ୍ଗ୍ ପିର୍ ଆଅନ୍ ବାଗା ନିସ୍ତାର ରେହାଙ୍ଗ୍ କାହେ ଜିରୁସାଲମଇନ୍ଦା ୱାଇଚ୍ଚେରି । 56ଏଦିମ୍ୱା ଏୱାରି ଜିସୁନିକି ଦାହି ଦାହି ମନ୍ଦିରତାୱା ଡିଡ୍ଡାନ୍ ମାଚ୍ଚି ତୁକାତାୱା ତାରୁ ତାରୁ ୱେସ୍ପିଆତେରି, “ମିରୁ ଇନ୍ନା ଏଲୁ କିଞ୍ଜେରି ? ଏୱାଞ୍ଜି ଇନ୍ନା ରେହାଙ୍ଗ୍ଇନ୍ଦା ୱାଃଏଞ୍ଜି ?” 57ଗାମିନ୍ ଜାଜକଙ୍ଗ୍ ଅଟେ ପାରୁସିଙ୍ଗ୍ ଏୱାଞ୍ଜିକି ଆହ୍ପନ୍ ବାଗାଟି, ଏୱାଞ୍ଜି ଇମ୍ୱିନାୱା ମାନ୍ନେଞ୍ଜି, ଇଦା ଜଦି ଏମ୍ୱେ ପୁଞ୍ଜାନ୍ନେ, ଇଚ୍ଚେସି ଏଦା ପପ୍କନ୍ ବାଗା ଆଦେସ୍ ହିଆଚ୍ଚେରି ।
Iliyochaguliwa sasa
ଜହନ 11: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଜହନ 11
11
ଲାଜାରତି ହାଅନ୍
1 #
ଲୁକ ୧୦:୩୮,୩୯ ବେତନିଆତି ଲାଜାର ପାରୁଟି ରଃଅଞ୍ଜି କୁଏଞ୍ଜି ରେଡ଼ମ୍ ଆନ୍ ମାଚ୍ଚେଞ୍ଜି; ଆଟେ ମରିୟମ ଅଟେ ମାର୍ତା ତା ରିଣ୍ଡି ଆଙ୍ଗିସ୍କା ଏ ନାଜୁତାୱା ବାସାଆଇଚ୍ଚୁ । 2#ଜହ ୧୨:୩ଆଟେ ଇ ମରିୟମ ରଲି ଦାର୍ମୁତି କାଟ୍କାତାୱା ନେହିଗାନ୍ଦା ନିଜ୍ଜୁ ମିସାନ୍ ତା ତ୍ଲାଉ ଡ଼ାହି ହମ୍ବାହିଆଚ୍ଚେ; ଏଦାଡ଼୍ତି ଆମ୍ୱେସ୍ ଲାଜାର ରେଡ଼ମ୍ ଆନ୍ ମାଚ୍ଚେଞ୍ଜି । 3ଏଦାକି ଦାର୍ମୁ, ନିନୁ ଇନ୍ଦାରିକି ଏଗେଲ୍ ଜେଡା କିଞ୍ଜି, ମା ଆମ୍ୱେସ୍ ଲାଜାର ରେଡ଼ମ୍ ଆନ୍ ମାନ୍ନେଞ୍ଜି ଇଞ୍ଜାନ୍ ତା ରିଣ୍ଡି ଆଙ୍ଗିସ୍କା ଜିସୁ ଟାକ୍କେ କବର ପାଣ୍ଡିତୁ ।
4ମତ୍ର ଜିସୁ ଏଦା ୱେଞ୍ଜାନ୍ ୱେସ୍ତେଞ୍ଜି, ଇ ରେଡ଼ମ୍ ହାଅନ୍ ବାଗାଟି ଆଃଏ, ମତ୍ର ମୁଲାପେନୁତି ଗଉରବ ବାଗାଟି, ଇନିସ୍କି ତା ତାୱାଟି ମୁଲାପେନୁତି ମ୍ରିଃଏଞ୍ଜି ଗଉରବ ପାଁନେଞ୍ଜି । 5ଜିସୁ ମାର୍ତା, ତା ଆଙ୍ଗି ମରିୟମ ଅଟେ ତା ଆମ୍ୱେସ୍ ଲାଜାରନିକି ଜେଡା କିଚ୍ଚେଞ୍ଜି । 6ଏଚ୍ଚିକିଃଆ ଜିସୁ ଲାଜାର ରେଡ଼ମ୍ ଆନ୍ ମାନ୍ନେଞ୍ଜି ଇଞ୍ଜାନ୍ କବର ପାଟେଞ୍ଜି, ଏଚିତୁକାତାୱା ଏୱାଞ୍ଜି ଇମ୍ୱିନ୍ ଗର୍ରିତାୱା ମାଚ୍ଚେଞ୍ଜି, ଏ ଗର୍ରିତାୱା ରି ଦିନା ବାସାଆତେଞ୍ଜି, 7ଏମ୍ବାଟି ଏୱାଞ୍ଜି ଗ୍ରାମ୍ୱାଗାଟାରିକି ୱେସ୍ତେଞ୍ଜି, “ଚାଣ୍ଡୁ, ମାରୁ ହାଦାଡ଼ି ଜିହୁଦା ରାଜିଇନ୍ଦା ୱ୍ଡେଚାନ୍ ହାନ୍ନା ।”
8ଗ୍ରାମ୍ୱାଗାଟାରି ୱେସ୍ତେରି, “ଏ ଗ୍ରାପାଗାଟାତି, ଏଦିମ୍ୱା କାହେ ଜିହୁଦିଙ୍ଗ୍ ନିଙ୍ଗେ ୱାଲ୍ଲିଙ୍ଗ୍ ଜିସ୍କନ୍ ବାଗା ଆଇଞ୍ଜାତେରି, ଆଟେ ନିନୁ ରିହିକ୍ ଏନ୍ନେ ହାଲ୍ବନ୍ ବାଗା ଇଚ୍ଚା କିଞ୍ଜି ?”
9ଜିସୁ ୱେସ୍ତେଞ୍ଜି, ର କାର୍ରାତାୱା ଇନ୍ନା ବାରା ଗଣ୍ଟା ଆଏହେଃଲ୍ଲେ ? ଏମ୍ବେନାଞ୍ଜି କାର୍ରାତାୱା ତାକେନ୍ନେଞ୍ଜି ଏୱାଞ୍ଜି ଉବ୍ଗେହେଃଲ୍ଲେଞ୍ଜି, ଇନାକି ଏୱାଞ୍ଜି ଇ ପୁର୍ତିତି ଅଲା ହୁଡ଼େନ୍ନେଞ୍ଜି; 10ମତ୍ର ଡାଡ଼ିଙ୍ଗ୍ ତାକିତେସି ଉବ୍ଗନ୍ ଆନେ, ଇନାକି ଏୱାଞ୍ଜ୍ତି ହଡାଙ୍ଗ୍ତାୱା ଅଲା ହେଃଲ୍ଲେ । 11ଏୱାଞ୍ଜି ଇ ହାବେତ୍ କାତା ୱେସାନାହି ଏୱାରିକି ୱେସ୍ତେଞ୍ଜି, “ମା ତଡ଼େଞ୍ଜି ଲାଜାର ହାଦାଡ଼ି ହୁଞ୍ଜାନ୍ନେଞ୍ଜି, ନାନୁ ତାଙ୍ଗେ ନିପ୍କନ୍ ବାଗା ହାଜ୍ଜିମାଃଇ ।” 12ଏମ୍ବାଟି ଗ୍ରାମ୍ୱାଗାଟାରି ଏୱାଞ୍ଜିକି ୱେସ୍ତେରି, “ଦାର୍ମୁ, ଜଦି ତାନୁ ହୁଞ୍ଜାନ୍ନେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ନେହି ଆନେଞ୍ଜି ।” 13ଜିସୁ ଏୱାରିକି ଲାଜାର ହାଅନ୍ତି କୁଲାଟି ୱେସାଚ୍ଚେଞ୍ଜି, “ମତ୍ର ଏୱାଞ୍ଜି ନିଜ୍ଜାନେଃଏ ହୁଞ୍ଜାନ୍ନି କୁଲାଟି ୱେସ୍ତାତେଞ୍ଜି ଇଞ୍ଜାନ୍ ଏୱାରି ଏଲୁ କିତେରି ।” 14ଏଦାକି ଜିସୁ ଏୱାରିକି ନେହେନ୍ ୱେସ୍ତେଞ୍ଜି, “ଲାଜାର ହାନ୍ନେଞ୍ଜି; 15ନାନୁ ରାହାଙ୍ଗ୍ ଆଇମାଃଇ ଇନାକି ଏ ଗର୍ରିତାୱା ତା ଡ଼ାହି ନାନୁ ହେଃଲ୍ଲାତାନୁ, ଇଦି ମି ବାଗାଟି ନେହି ଆନ୍ନେ, ଇନିସ୍କି ମିରୁ ମାଞ୍ଜାଡ଼ି କିଦେରି; ଚାଣ୍ଡୁ, ମାରୁ ତା ରେଃଏସ୍ ହାନ୍ନା ।” 16ଏମ୍ବାଟି ତମାସ, ଇନ୍ଦାରିକି ଦିଦୁମ ଇଞ୍ଜାନ୍ ୱେସ୍ପିନ୍ନେରି, ଏୱାଞ୍ଜି ତା ଡ଼ାହି ମାଚ୍ଚି ଗ୍ରାମ୍ବାଗାଟାରିକି ୱେସ୍ତେଞ୍ଜି, “ଚାଣ୍ଡୁ ମାରୁ ୱାଡ଼େ ହାଜ୍ଜାନ୍ ତା ଡ଼ାହି ହାନା ।”
ଜିସୁ ନିମ୍ୱାନ୍ନିଙ୍ଗନ୍ ଅଟେ ପରନ୍
17ଜିସୁ ବେତନିଆତାୱା ଏଚ୍ଚାନାହି ୱେଚ୍ଚେଞ୍ଜି ଜେ, ଲାଜାରନିକି ନାଲ୍ ଦିନା ଆତେ ୱିଚାଙ୍ଗାଜୁତାୱା ମୁସାନ୍ନେରି । 18ବେତନିଆ ଜିରୁସାଲମତାୱାଟି ବାଇକ୍ ମୁ କିଲ ମିଟର ଦେହା ମାଚ୍ଚେ । 19ଆଟେ ଜିହୁଦିଙ୍ଗ୍ ତାୱାଟି ଏଗେଲ୍ ଦାଲ୍ଲା ମାର୍ତା ଅଟେ ମରିୟମନିକି ଏୱାଡ଼୍ତି ଆମ୍ୱେସ୍ ହାଚି ବାଗାଟି ମାତି କିଅନି ବାଗା ୱାଚ୍ଚେରି । 20ଏମ୍ୱାଟି ଏଚ୍ଚିକିଃଆ ଜିସୁ ୱାନ୍ନେଞ୍ଜି ଇଞ୍ଜାନ୍ ମାର୍ତା ୱେଚ୍ଚେ, ଏଦି ଏୱାଞ୍ଜିକି ହୁଡ଼ନ୍ ବାଗା ହାଚ୍ଚେ, ମତ୍ର ମରିୟମ ଇଜ୍ଜା ବାସାଆତେ । 21ମାର୍ତା ଜିସୁନିକି ୱେସ୍ତେ, “ଦାର୍ମୁ, ନିନୁ ଜଦି ଇଦିମ୍ୱା ମାଞ୍ଜିମା, ଇଚ୍ଚେସି ନା ଆମ୍ୱେସ୍ ହାଃଏଞ୍ଜ୍ମା । 22ମତ୍ର ନିନୁ ମୁଲାପେନୁନିକି ଇନ୍ନା ୱ୍ରିହ୍ଦି, ଏଦା ନିଙ୍ଗେ ହିଆନେଞ୍ଜି, ଇଦା ହାଦାଡ଼ି ୱାଡ଼େ ପୁଞ୍ଜାମାଃଇ ।” 23ଜିସୁ ତାଙ୍ଗେ ୱେସ୍ତେଞ୍ଜି, “ନି ଆମ୍ୱେସ୍ ଆଟେ ରିହିକ୍ ନିଙ୍ଗିନେଞ୍ଜି ।” 24ମାର୍ତା ତାଙ୍ଗେ ୱେସ୍ତେ, “ଏୱାଞ୍ଜି ୱିହାନ୍ଦୁକାତାୱା ନିମ୍ୱାନ୍ନିଙ୍ଗନ୍ତି ଦିନାତାୱା ନିଙ୍ଗିନେଞ୍ଜି, ଇଦା ନାନୁ ପୁଞ୍ଜାମାଃଇ ।” 25ଜିସୁ ତାଙ୍ଗେ ୱେସ୍ତେଞ୍ଜି, “ନାନୁ ନିମ୍ୱାନ୍ ନିଙ୍ଗନ୍ ଅଟେ ପରନ୍; ଏମ୍ୱେନାଞ୍ଜି ନାଙ୍ଗେ ମାଞ୍ଜାଡ଼ି କିଞ୍ଜାନେଞ୍ଜି, ଏୱାଞ୍ଜି ହାତେସ୍ ୱାଡ଼େ ନିମ୍ୱିନେଞ୍ଜି । 26ଆଟେ ଏମ୍ୱେନାଞ୍ଜି ନିମ୍ୱାନ୍ନେଞ୍ଜି ଅଟେ ନାଙ୍ଗେ ମାଞ୍ଜାଡ଼ି କିଞ୍ଜାନେଞ୍ଜି, ଏୱାଞ୍ଜି ଏଚ୍ଚେକ୍ୱାଡ଼େ ହାଃଏଞ୍ଜି; ଇଦା ଇନ୍ନା ମାଞ୍ଜାଡ଼ି କିଞ୍ଜେରି ?” 27ଏଦି ତାଙ୍ଗେ ୱେସ୍ତେ, “ହାଁ, ଦାର୍ମୁ, ଏମ୍ୱେନାଞ୍ଜିକି ଇ ପୁର୍ତିତାୱା ୱାଅନ୍ ମାଚ୍ଚେ, ନିନୁ ଜେ ମୁଲାପେନୁତି ମ୍ରିଃଏଞ୍ଜି ଏ କ୍ରିସ୍ଟ, ଇଦା ନାନୁ ମାଞ୍ଜାଡ଼ି କିମାଃଇ ।”
ଜିସୁ ଡ଼ିତେଞ୍ଜି
28ଇଦା ୱେସ୍ତାୱିଃଆଟି ଏଦି ହାଜ୍ଜାନାହି ତା ଆଙ୍ଗି ମରିୟମନିକି ମ୍ଡାମି ଆର୍ଚାନ୍ ୱେସ୍ତେ, “ଗ୍ରାପାଗାଟାଞ୍ଜି ୱାନ୍ନେଞ୍ଜି ଆଟେ ନିଙ୍ଗେ ଆର୍ପିଞ୍ଜାନେଞ୍ଜି ।” 29ଏଦି ଇଦା ୱେଞ୍ଜାନ୍ କାର୍ବେକ୍ ନିଙ୍ଗାନ୍ ଏୱାଞ୍ଜ୍ ରେଃଏସ୍ ହାଚ୍ଚେ । 30ଜିସୁ ଏଚିତୁକାତାୱା ନାଜୁ ଲାଃଇ ୱାହେଃଲ୍ଲାତେଞ୍ଜି, ମତ୍ର ମାର୍ତା ତାଙ୍ଗେ ଇମ୍ୱିନ୍ ଗର୍ରିତାୱା ପୁଁଣ୍ଡାଚ୍ଚେ, ଏୱାଞ୍ଜି ଏ ଗର୍ରିତାୱା ମାଚ୍ଚେଞ୍ଜି । 31ଏମ୍ବାଟି ଇମ୍ୱିନ୍ ଜିହୁଦିଙ୍ଗ୍ ତା ଡ଼ାହି ଇଜ୍ଜା ମାଞ୍ଜାନ୍ ତାଙ୍ଗେ ମାତି କିଚ୍ଚେରି, ଏୱାରି ମରିୟମନିକି କାର୍ବେକ୍ ନିଙ୍ଗାନ୍ ହଚାନ୍ ହାଲ୍ବନ୍ତାଦା ହୁଡ଼ାନ୍, ଏଦି ୱିଚାଙ୍ଗାଜୁ ରେଃଏସ୍ ଡ଼ିଅନ୍ ବାଗା ହାଜ୍ଜିନ୍ନେ ଇଞ୍ଜାନ୍ ଏଲୁ କିଆନ୍ ତା ବେତ ବେତଟ୍ ହାଚ୍ଚେରି । 32ଏମ୍ବାଟି ଜିସୁ ମାଚ୍ଚି ଗର୍ରିତାୱା ଏଚ୍ଚାନ୍, ମରିୟମ ଏୱାଞ୍ଜ୍ତି କାଟ୍କା ନେତେ ବ୍ଡିଆନ୍ ୱେସ୍ତେ, “ଦାର୍ମୁ, ନିନୁ ଜଦି ଇଦିମ୍ୱା ମାଞ୍ଜାଞ୍ଜିମା ଇଚ୍ଚେସି ନା ଆମ୍ୱେସ୍ ହାଃଏଞ୍ଜ୍ମା ।” 33ଏମ୍ବାଟି ଜିସୁ ତାଙ୍ଗେ ଅଟେ ତା ଡ଼ାହି ୱାଚ୍ଚି ଜିହୁଦିଙ୍ଗ୍ନିକି ଡ଼ିଚ୍ଚାଦାଃଆ ହୁଡ଼ାନ୍ ତା ହଡାଙ୍ଗ୍ ନୱିକିତେଞ୍ଜି । 34ଏଦାବାଗା ଏୱାଞ୍ଜି ୱେଚ୍ଚେଞ୍ଜି, “ତାଙ୍ଗେ ଇମ୍ୱିନାୱା ଇଟ୍ଟାଞ୍ଜେରି ?” ଏୱାରି ତାଙ୍ଗେ ୱେସ୍ତେରି, “ଦାର୍ମୁ, ୱାନାହି ହୁଡ଼ାମୁ ।” 35ଜିସୁ ଡ଼ିତେଞ୍ଜି । 36ଏଦିମ୍ୱା ଜିହୁଦିଙ୍ଗ୍ ୱେସ୍ତେରି, “ହୁଡ଼ାଟୁ, ଏୱାଞ୍ଜି ତାଙ୍ଗେ ଇନିମିଡି ଜେଡା କିଚ୍ଚେଞ୍ଜି ।” 37ମତ୍ର ଏୱାରି ତାୱାଟି ଏଚ୍ଚେ ଦାଲ୍ଲା ଇଚ୍ଚେରି, “ଇୱାଞ୍ଜ୍ନେଃଏ ଏ କୁଏଞ୍ଜି, ଏମ୍ୱେନାଞ୍ଜିକି ଏ କାଡ଼ାଙ୍ଗ୍ଗାଟାଞ୍ଜ୍ତି କାଡ଼୍କା ୱ୍ରିକ୍ଚ୍ଚା ହିଆଚ୍ଚେଞ୍ଜି, ଏୱାଞ୍ଜି ଇନ୍ନା ଲାଜାରନିକି ହାଅନ୍ତାୱାଟି ଆଙ୍ଗନ୍ ମୁଃଏଞ୍ଜ୍ମା ?”
ହାଚି ଲାଜାରନିକି ପରନ୍ ହିଅନି
38ଏମ୍ବାଟି ଜିସୁ ରିହିକ୍ ହଡାଙ୍ଗ୍ତାୱା ଗାପ୍ଚି ଦୁଃକ କିଆନାହି ଗ୍ରିପାଙ୍ଗୁଟି ଟାକ୍କେ ୱାତେଞ୍ଜି; ଏଦି ରଣ୍ଡି ହାଲୁ, ଆଟେ ଏ ଗ୍ରିପାଙ୍ଗୁଟି ନକେସ୍ ରଣ୍ଡି ୱାଲ୍ଲି ମାଚ୍ଚେ । 39ଜିସୁ ୱେସ୍ତେଞ୍ଜି, “ଇ ୱାଲ୍ଲି ଦୁର୍ଦୁ ।” ଏମ୍ୱାଟି ତା ଆଙ୍ଗି ମାର୍ତା ତାଙ୍ଗେ ୱେସ୍ତେ, “ଦାର୍ମୁ, ଏୱାଞ୍ଜି ଗାନ୍ଦା ଆତେଞ୍ଜି, ଇନାକି ଏୱାଞ୍ଜି ହାନାହି ନାଲ୍ ଦିନା ଆତେ ।” 40ଜିସୁ ତାଙ୍ଗେ ୱେସ୍ତେଞ୍ଜି, “ଜଦି ମିରୁ ମାଞ୍ଜାଡ଼ି କିଞ୍ଜେରି, ଇଚ୍ଚେସି ମୁଲାପେନୁତି ମହିମା ହୁଡ଼ିଦେରି, ନାନୁ ଇନ୍ନା ମିଙ୍ଗେ ଇଦା ୱେସାହେଲ୍ଲାଦାଃଏନୁ ?” 41ଏମ୍ବାଟି ଏୱାରି ୱାଲ୍ଲି ଦୁର୍ତେରି ଆଟେ ଜିସୁ ୱାନ୍ଦା ମେହାନ୍ ୱେସ୍ତେଞ୍ଜି, “ଆବା, ନିନୁ ନା ପ୍ରାତ୍ନା ୱେଚ୍ଚି ଇଞ୍ଜାନ୍ ନାନୁ ନିଙ୍ଗେ ଦନ୍ୟବାଦ ହିଞ୍ଜା । 42ନିନୁ ଜେ ହାବେ ୱେଲା ନା ପ୍ରାତ୍ନା ୱେଞ୍ଜିଞ୍ଜି, ଇଦା ନାନୁ ପୁଞ୍ଜାମାଃଇ; ମତ୍ର ଇମ୍ୱିନ୍ ଦାଲ୍ଲା ହାବେ ଗୁଞ୍ଜେର୍ ଡିଡ୍ଡାନ୍ନେରି, ନିନୁ ନାଙ୍ଗେ ପାଣ୍ଡାଞ୍ଜାଦି ଇଞ୍ଜାନ୍ ଇନିସ୍କି ଏୱାରି ମାଞ୍ଜାଡ଼ି କିନେରି, ଏଦାକି ଏୱାର୍ ବାଗା ନାନୁ ଇଦା ୱେସ୍ତାତେଃଏ ।” 43ଏୱାଞ୍ଜି ଇଦା ୱେସାନ୍ ବେର୍ ଉକୁଡ଼ିଆଟି ଆର୍ତେଞ୍ଜି, “ଲାଜାର, ହଚାନ୍ ୱାମୁ ।” 44ହାଚି କୁଏଞ୍ଜି ହଚାନ୍ ୱାତେଞ୍ଜି; ତା କାସ୍କା କାଟ୍କା ୱିଚାଙ୍ଗାଜୁ ଜିରାଙ୍ଗ୍#୧୧:୪୪ ୱିଚାଙ୍ଗାଜୁ ଜିରାଙ୍ଗ୍ ଇଚ୍ଚେସି ହାତି ଗାଣ୍ଡି ମୁଚ୍ଚି କିଅନ୍ତି ଜିରାଙ୍ଗ୍ ଡ଼ାହି ଗାସାଚ୍ଚେରି, ଆଟେ ତା ମ୍ରୁମ୍ବୁ ହିତାନ୍ ଚେଦର୍ ଡ଼ାହି ମୁଚ୍ଚି ଆଚ୍ଚେ । ଜିସୁ ଏୱାରିକି ୱେସ୍ତେଞ୍ଜି, “ଇୱାଞ୍ଜିକି ଗାସ୍ପାୱିଆନ୍ନା ୱ୍ରିକ୍ଚ୍ଚାନାହି ତାକନ୍ ହିଦୁ ।”
ଜିସୁନିକି ପାଗନ୍ ବାଗା ଜୁଜନା କିଅନ୍
(ମାତିଉ ୨୬:୧–୫; ମାର୍କ ୧୪:୧–୨; ଲୁକ ୨୨:୧–୨)
45ଏମ୍ବାଟି ଇମ୍ୱିନ୍ ଜିହୁଦି ଦାଲ୍ଲା ମରିୟମନିକି ହୁଡ଼ନ୍ ୱାଚ୍ଚେରି, ଏୱାର୍ତାୱାଟି ଗାପ୍ଚି ଦାଲ୍ଲା ଜିସୁତି କାମା ହୁଡ଼ାନ୍ ତାଙ୍ଗେ ମାଞ୍ଜାଡ଼ି କିତେରି; 46ମତ୍ର ଏୱାର୍ତାୱାଟି ଆଟେ ତୁଲ୍ଲେ ଦାଲ୍ଲା ପାରୁସିଙ୍ଗ୍ ରେଃଏସ୍ ହାଜ୍ଜାନ୍, ଜିସୁ ଇନ୍ନା ଇନ୍ନା କିତେଞ୍ଜି, ଏୱା ହାବେ ଏୱାରିକି ୱେସ୍ତେରି । 47ଏମ୍ବାଟି ଗାମିନ୍ ଜାଜକଙ୍ଗ୍ ଅଟେ ପାରୁସିଙ୍ଗ୍ ଇଦା ୱେଞ୍ଜାନ୍ ବେର୍ ସବା କିଆନ୍ ୱେସ୍ତେରି, “ମାରୁ ଇନ୍ନା କିନା ? ଇ କୁଏଞ୍ଜି ତ ଗାପ୍ଚି ଆକ୍କାବାଡ଼ାଙ୍ଗ୍ତି କାମା କିନ୍ନେଞ୍ଜି । 48ଜଦି ମାରୁ ତାଙ୍ଗେ ଏହେଙ୍ଗିସି ପିହାଜିନା, ଏହେଙ୍ଗ୍ ଆତେସି ହାବେତାରି ତାଙ୍ଗେ ମାଞ୍ଜାଡ଼ି କିନେରି, ଆଟେ ରୁମିୟ ଦାଲ୍ଲା ୱାନାହି ଇ ମା ଗର୍ରି ଅଟେ ଜାତି ହାବେ ନାହେଡ୍ କିନେରି ।” 49ମତ୍ର ଏୱାର୍ତାୱାଟି କୟାପା ପାରୁଗାଟି ରଃଅଞ୍ଜି, ଏ ଅଁଣ୍ଡୁ ବାଗା ମୁଲନ୍ ଜାଜକ ଆଚ୍ଚାଞ୍ଜି ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ପୁଞ୍ଜାହେଃଲ୍ଲେରି; 50ଜିହୁଦି ଜାତିତି ହାବେ ଦାଲ୍ଲା ନାହେଡ୍ ଆଅନ୍ ତାୱାଟି ରଃଅଞ୍ଜି ହାଅନ୍ ମି ବାଗା ନେହାଦି, ଇଦା ୱାଡ଼େ ମିରୁ ବିଚାର କିହେଃଲ୍ଲେରି ।”
51ଏୱାଞ୍ଜି ତା ତାୱାଟି ଇଦା ୱେସାହେଃଲ୍ଲାତେଞ୍ଜି, ମତ୍ର ଏୱାଞ୍ଜି ଏ ଅଁଣ୍ଡୁତି ମୁଲନ୍ ଜାଜକ ମାଚ୍ଚାୱିଃଆଟି ଜିସୁ ଜେ ଜିହୁଦି ଜାତି ବାଗାଟି ହାନେଞ୍ଜି, ଇ ବାବବାନି ୱେସାଚ୍ଚେଞ୍ଜି । 52ମତ୍ର ୱାର୍ରି ଏ ଜାତି ବାଗା ଆଃଏ, ମତ୍ର ବାରାୱିତି ଆନ୍ନି ମୁଲାପେନୁତି ବଦାଙ୍ଗ୍ନିକି ୱାଡ଼େ ରପାଟ୍ଟେ କିଅନ୍ ବାଗା ହାନେଞ୍ଜି, ଇଦାବାଗା ଇ ବାବବାନି ୱେସ୍ତେଞ୍ଜି ।
53ଏଦାକି ଏଚିୱେଲାତାୱାଟି ଏୱାରି ତାଙ୍ଗେ ପାଗନ୍ ବାଗାଟି ଜୁଜନା କିତେରି । 54ଏଦାକି ଜିସୁ ଜିହୁଦି ଦାଲ୍ଲା ନକେସି ତ୍ରେବାତ୍ରେବି କିଃଆତେଞ୍ଜି, ମତ୍ର ଏ ଗର୍ରିତାୱାଟି ହଚାନାହି ହାଜ୍ଜାନ୍ ଚିହ୍ପି ଗର୍ରି ରେଃଏସ୍ ମାନ୍ନି ଇପ୍ରିୟମ ପାରୁଗାଟି ରଣ୍ଡା ଗାଡ଼ାନାଜୁଇନ୍ଦା ହାଚ୍ଚେଞ୍ଜି, ଆଟେ ଏୱାଞ୍ଜି ଗ୍ରାମ୍ୱାଗାଟାରି ଡ଼ାହି ଏଦିମ୍ୱା ବାସାଆତେଞ୍ଜି । 55ଜିହୁଦିଙ୍ଗ୍ତି ନିସ୍ତାର ରେହାଙ୍ଗ୍ ଟାକ୍କେ ମାଚ୍ଚେ ଅଟେ ନାସ୍କାତାୱାଟି ଏଗେଲ୍ ଦାଲ୍ଲା ତା ତା ହାଜୁ ଡେହେଙ୍ଗ୍ ପିର୍ ଆଅନ୍ ବାଗା ନିସ୍ତାର ରେହାଙ୍ଗ୍ କାହେ ଜିରୁସାଲମଇନ୍ଦା ୱାଇଚ୍ଚେରି । 56ଏଦିମ୍ୱା ଏୱାରି ଜିସୁନିକି ଦାହି ଦାହି ମନ୍ଦିରତାୱା ଡିଡ୍ଡାନ୍ ମାଚ୍ଚି ତୁକାତାୱା ତାରୁ ତାରୁ ୱେସ୍ପିଆତେରି, “ମିରୁ ଇନ୍ନା ଏଲୁ କିଞ୍ଜେରି ? ଏୱାଞ୍ଜି ଇନ୍ନା ରେହାଙ୍ଗ୍ଇନ୍ଦା ୱାଃଏଞ୍ଜି ?” 57ଗାମିନ୍ ଜାଜକଙ୍ଗ୍ ଅଟେ ପାରୁସିଙ୍ଗ୍ ଏୱାଞ୍ଜିକି ଆହ୍ପନ୍ ବାଗାଟି, ଏୱାଞ୍ଜି ଇମ୍ୱିନାୱା ମାନ୍ନେଞ୍ଜି, ଇଦା ଜଦି ଏମ୍ୱେ ପୁଞ୍ଜାନ୍ନେ, ଇଚ୍ଚେସି ଏଦା ପପ୍କନ୍ ବାଗା ଆଦେସ୍ ହିଆଚ୍ଚେରି ।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0