Yuhaana 4
4
Yeesu e samariyaajo debbo
1*Farisaaɓe nanii Yeesu e waɗana himɓe *batisi, e heɓa aahiiɓe ɗuuɓɓe faa ɓuri Yuhaana. 2To gooŋa nun, Yeesu e hoore mum waɗanay himɓe *batisi, amma aahiiɓe makko nun waɗannoo ɗum. 3No Yeesu nani ka *Farisaaɓe bati, ummii leydi Yahudiya, witti leydi Galili. 4Doole nun bo o tokkira leydi Samariya.
5O wari e siire Samariya bi'eteene Sikaa, takkol gesa ŋa Yaakuubu hokki ɓiyum Yusufu. 6Ɗon ɓunnu Yaakuubu woni. No Yeesu somi yaadu, jooɗii gaɓɓuɗe ɓunnu ŋol. Tawi den mum caka nyalooma nun.
7Ɗon nun Samariyaajo debbo gom wari ƴoogugo. Yeesu wi'i mo: «Hokkoram diyam, mi yara!» 8(Tawi aahiiɓe makko yahii siire soodoygo ko nyaametee.) 9Debbo on wi'i Yeesu: «Ee, noy an *Yahuduujo, eelirtaa am diyam jaraa, min samariyaajo debbo?» Tawi den mum potal walaa hakkune *Yahuduuɓe e Samariyaaɓe. 10Yeesu toontii mo, wi'i: «To aa annunoo no dokkal Alla foti, e eeluɗo maa diyam yara, an nun eelatano mo, o hokke diyam yonki.»
11Debbo on wi'i Yeesu: «Moodibbo, a walaa cawgal, ɓunnu ŋol bo e luggi. Toy keɓataa diyam yonki ɗam? 12A ɓuru nun maama amen Yaakuubu, kokkuɗo men ɓunnu ŋol manŋu na? Kanko e ɓiɓɓe makko, e bisaaji makko fu, ɓe jarii diyam maggol.» 13Yeesu toontii mo, wi'i: «Neɗɗo fu jarɗo diyam ɗam ɗoo, ɗonɗete kade, 14amma jarɗo diyam ɗam kokkan moo mi, ɗonɗataake faa abada. Gam diyam ɗam kokkan moo mi, laatanto mo ɓuldude diyam kokkoojam yonki tabitiiki.» 15Debbo on wi'i: «Moodibbo, hokkoram diyam ɗam, gam to mi ɗonɗee kade, gam to mi wittoy bo ƴoogugo ɗo.»
16Yeesu wi'i mo: «Yahu noddoy gorko maa, garidon!» 17Debbo on toontii mo: «Mi walaa gorko.» Yeesu wi'i mo: «Aa woodi gooŋa no bi'uɗaa a walaa gorko. 18Worɓe joyo ɓaŋiino maa. Gorko mo gonduɗaa jooni on bo, gorko maa bane. A batii gooŋa.»
19Debbo on wi'i mo: «Moodibbo, laaɓanii am, a laati nun *annabiijo. 20Maamiraaɓe amen sujidanii Alla dow waanne nee ɗo, amma onon, on bi'an nun *Urusaliima nun Alla haani sujidanee.»
21Yeesu wi'i mo: «An debbo, hoola ko batan maa mi. Wakkati e wara, dow waanne nee ɗo bane, *Urusaliima bo bane sujidanton Baaba. 22Onon Samariyaaɓe, oon sujidana mo on annaa, menen *Yahuduuɓe, mo men anni men sujidanta, gam kisidam to *Yahuduuɓe nun ƴiwata. 23Amma wakkati e wara, ki yottike du, de sujidooɓe gooŋakuuɓe sujidanta Baaba e ruuhu e gooŋa. Iri sujidooɓe ɓee ɗon nun Baaba dartata. 24Alla laati nun Ruuhu. Gam majjum, e haani sujidooɓe, sujidana mo e ruuhu e gooŋa.»
25Debbo on wi'i: «Mii anni *Almasiihu, bi'eteeɗo Cuɓaaɗo, waran. To o warii, o laaɓinanan men kujje fu.» 26Yeesu wi'i mo: «Min baddoowo e maa, woni *Almasiihu on.»
27Wakkati mum aahiiɓe makko yottii to maɓɓe. No Yeesu baddata e debbo on, ɗum haaynii ɓe, amma baa gooto maɓɓe wi'ay: «Ko daartataa?» Naa bo: «Gam ume baddataa e makko?»
28Den debbo on resi faanu mum, witti siire, bati himɓe, wi'i: 29«Garee, daaree gorko batuɗo am ko gaɗunoomi fu. Kanko bane woni *Almasiihu on na?» 30Ɓe burtii siire nen, ɓe jahi to makko.
31Wakkati den aahiiɓe e sawrina mo, e wi'a: «Moodibbo, nyaamu!» 32O toontii ɓe: «Mii woodi ko nyaamanmi, ko on annaa.» 33Aahiiɓe ɓen e ƴamontira e wi'a: «Moy waddani mo ko nyaametee?»
34Yeesu wi'i ɓe: «Nyaamdu am laati nun, waɗugo sago liloyɗo am, e heennyitingo golle ɗe o hokkimmi. 35Onon, oon bi'a: "Hanne lebbi naay horii go dugge yottoo." Amma min, mii wi'a on: ɓantee gite mon, daaree, gese ɓennii, ɗe potii ruggeego. 36Duggoowo heɓan joddi, hawritan ɓiɓɓe gam yonki tabitiiki, gam aawuɗo e dugguɗo seyodoo. 37Ɗum ɗon e tabbitina ballool ŋol ɗo: "Goɗɗo e aawa, goɗɗo e rugga." 38Mi lilii on duggoon to on gollay. Woɓɓe gollii, onon, oon nafitoroo golle maɓɓe.»
39Der siire nen, Samariyaaɓe ɗuuɓɓe goonɗinii Yeesu gam haala debbo ceediiɗo, wi'i: «O batii am ko gaɗunoomi fu.» 40Gam majjum no Samariyaaɓe yottii to Yeesu, ɓe eeli mo o jooɗoo to maɓɓe. O waɗi ɗon balɗe ɗiɗi. 41Himɓe ɗuuɓɓe, faa ɓuri no arande, goonɗini mo, no nani haala makko. 42Ɓe bi'i debbo on: «Jooni, hinaa gam ka batuɗaa men tan acci men goonɗini. Amma menen e ko'e amen, men nanii haala makko, emen anni kanko woni Kisinoowo duuniyaaru lalley.»
Yeesu nyawtii ɓii hooreejo soogeeji gom
43No Yeesu waɗi ton balɗe ɗiɗi, o witti Galili. 44Kanko e hoore makko o seedakeno, o wi'i: «Annabiijo teddintaake der leydi mum.» 45No o yottii Galili, Galilinkeeɓe jaɓɓorii mo juuɗe ɗiɗi, gam kamɓe bo ɓe jahiino juulɗe *Urusaliima, ɓe ji'i ko o waɗi ton fu.
46Den Yeesu witti Kana, der leydi Galili to o waylitinnoo diyam laatii jaram. Tawi suka gorko hooreejo soogeeji gom, yanɗaa, e fukkii Kafarnahum. 47Hooreejo soogeeji on nani Yeesu ƴiwii Yahudiya, warii Galili. O yahi to makko, o eeli mo o yaha o nyawtaa suka makko ɓattiiɗo maayugo. 48Yeesu wi'i mo: «Abada on goonɗintaa, to on ji'ay kaayeefiiji e haaynaareeji.» 49Hooreejo soogeeji on wi'i mo: «Moodibbo, en jahu diga suka am maayay.» 50Yeesu wi'i mo: «Hootu, suka maa e wuuri.»
Gorko on goonɗini ko Yeesu bati mo, witti. 51E laawol, gollooɓe makko fotti e makko, wi'i mo suka makko yoofike. 52O ƴami ɓe: «Wakkati dey o yoofii?» Ɓe toontii mo, ɓe bi'i: «Keenya juura nun jonte ɗen yoofi mo.» 53Baabiiko anniti wakkati oo ɗon nun lalley Yeesu wi'i mo: «Suka maa yoofike!» Go kanko e himɓe makko fu, ɓe goonɗini Yeesu.
54Ɗum ɗon woni haaynaare ɗiɗawre ne Yeesu waɗi Galili, no warti diga Yahudiya.
Iliyochaguliwa sasa
Yuhaana 4: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Yuhaana 4
4
Yeesu e samariyaajo debbo
1*Farisaaɓe nanii Yeesu e waɗana himɓe *batisi, e heɓa aahiiɓe ɗuuɓɓe faa ɓuri Yuhaana. 2To gooŋa nun, Yeesu e hoore mum waɗanay himɓe *batisi, amma aahiiɓe makko nun waɗannoo ɗum. 3No Yeesu nani ka *Farisaaɓe bati, ummii leydi Yahudiya, witti leydi Galili. 4Doole nun bo o tokkira leydi Samariya.
5O wari e siire Samariya bi'eteene Sikaa, takkol gesa ŋa Yaakuubu hokki ɓiyum Yusufu. 6Ɗon ɓunnu Yaakuubu woni. No Yeesu somi yaadu, jooɗii gaɓɓuɗe ɓunnu ŋol. Tawi den mum caka nyalooma nun.
7Ɗon nun Samariyaajo debbo gom wari ƴoogugo. Yeesu wi'i mo: «Hokkoram diyam, mi yara!» 8(Tawi aahiiɓe makko yahii siire soodoygo ko nyaametee.) 9Debbo on wi'i Yeesu: «Ee, noy an *Yahuduujo, eelirtaa am diyam jaraa, min samariyaajo debbo?» Tawi den mum potal walaa hakkune *Yahuduuɓe e Samariyaaɓe. 10Yeesu toontii mo, wi'i: «To aa annunoo no dokkal Alla foti, e eeluɗo maa diyam yara, an nun eelatano mo, o hokke diyam yonki.»
11Debbo on wi'i Yeesu: «Moodibbo, a walaa cawgal, ɓunnu ŋol bo e luggi. Toy keɓataa diyam yonki ɗam? 12A ɓuru nun maama amen Yaakuubu, kokkuɗo men ɓunnu ŋol manŋu na? Kanko e ɓiɓɓe makko, e bisaaji makko fu, ɓe jarii diyam maggol.» 13Yeesu toontii mo, wi'i: «Neɗɗo fu jarɗo diyam ɗam ɗoo, ɗonɗete kade, 14amma jarɗo diyam ɗam kokkan moo mi, ɗonɗataake faa abada. Gam diyam ɗam kokkan moo mi, laatanto mo ɓuldude diyam kokkoojam yonki tabitiiki.» 15Debbo on wi'i: «Moodibbo, hokkoram diyam ɗam, gam to mi ɗonɗee kade, gam to mi wittoy bo ƴoogugo ɗo.»
16Yeesu wi'i mo: «Yahu noddoy gorko maa, garidon!» 17Debbo on toontii mo: «Mi walaa gorko.» Yeesu wi'i mo: «Aa woodi gooŋa no bi'uɗaa a walaa gorko. 18Worɓe joyo ɓaŋiino maa. Gorko mo gonduɗaa jooni on bo, gorko maa bane. A batii gooŋa.»
19Debbo on wi'i mo: «Moodibbo, laaɓanii am, a laati nun *annabiijo. 20Maamiraaɓe amen sujidanii Alla dow waanne nee ɗo, amma onon, on bi'an nun *Urusaliima nun Alla haani sujidanee.»
21Yeesu wi'i mo: «An debbo, hoola ko batan maa mi. Wakkati e wara, dow waanne nee ɗo bane, *Urusaliima bo bane sujidanton Baaba. 22Onon Samariyaaɓe, oon sujidana mo on annaa, menen *Yahuduuɓe, mo men anni men sujidanta, gam kisidam to *Yahuduuɓe nun ƴiwata. 23Amma wakkati e wara, ki yottike du, de sujidooɓe gooŋakuuɓe sujidanta Baaba e ruuhu e gooŋa. Iri sujidooɓe ɓee ɗon nun Baaba dartata. 24Alla laati nun Ruuhu. Gam majjum, e haani sujidooɓe, sujidana mo e ruuhu e gooŋa.»
25Debbo on wi'i: «Mii anni *Almasiihu, bi'eteeɗo Cuɓaaɗo, waran. To o warii, o laaɓinanan men kujje fu.» 26Yeesu wi'i mo: «Min baddoowo e maa, woni *Almasiihu on.»
27Wakkati mum aahiiɓe makko yottii to maɓɓe. No Yeesu baddata e debbo on, ɗum haaynii ɓe, amma baa gooto maɓɓe wi'ay: «Ko daartataa?» Naa bo: «Gam ume baddataa e makko?»
28Den debbo on resi faanu mum, witti siire, bati himɓe, wi'i: 29«Garee, daaree gorko batuɗo am ko gaɗunoomi fu. Kanko bane woni *Almasiihu on na?» 30Ɓe burtii siire nen, ɓe jahi to makko.
31Wakkati den aahiiɓe e sawrina mo, e wi'a: «Moodibbo, nyaamu!» 32O toontii ɓe: «Mii woodi ko nyaamanmi, ko on annaa.» 33Aahiiɓe ɓen e ƴamontira e wi'a: «Moy waddani mo ko nyaametee?»
34Yeesu wi'i ɓe: «Nyaamdu am laati nun, waɗugo sago liloyɗo am, e heennyitingo golle ɗe o hokkimmi. 35Onon, oon bi'a: "Hanne lebbi naay horii go dugge yottoo." Amma min, mii wi'a on: ɓantee gite mon, daaree, gese ɓennii, ɗe potii ruggeego. 36Duggoowo heɓan joddi, hawritan ɓiɓɓe gam yonki tabitiiki, gam aawuɗo e dugguɗo seyodoo. 37Ɗum ɗon e tabbitina ballool ŋol ɗo: "Goɗɗo e aawa, goɗɗo e rugga." 38Mi lilii on duggoon to on gollay. Woɓɓe gollii, onon, oon nafitoroo golle maɓɓe.»
39Der siire nen, Samariyaaɓe ɗuuɓɓe goonɗinii Yeesu gam haala debbo ceediiɗo, wi'i: «O batii am ko gaɗunoomi fu.» 40Gam majjum no Samariyaaɓe yottii to Yeesu, ɓe eeli mo o jooɗoo to maɓɓe. O waɗi ɗon balɗe ɗiɗi. 41Himɓe ɗuuɓɓe, faa ɓuri no arande, goonɗini mo, no nani haala makko. 42Ɓe bi'i debbo on: «Jooni, hinaa gam ka batuɗaa men tan acci men goonɗini. Amma menen e ko'e amen, men nanii haala makko, emen anni kanko woni Kisinoowo duuniyaaru lalley.»
Yeesu nyawtii ɓii hooreejo soogeeji gom
43No Yeesu waɗi ton balɗe ɗiɗi, o witti Galili. 44Kanko e hoore makko o seedakeno, o wi'i: «Annabiijo teddintaake der leydi mum.» 45No o yottii Galili, Galilinkeeɓe jaɓɓorii mo juuɗe ɗiɗi, gam kamɓe bo ɓe jahiino juulɗe *Urusaliima, ɓe ji'i ko o waɗi ton fu.
46Den Yeesu witti Kana, der leydi Galili to o waylitinnoo diyam laatii jaram. Tawi suka gorko hooreejo soogeeji gom, yanɗaa, e fukkii Kafarnahum. 47Hooreejo soogeeji on nani Yeesu ƴiwii Yahudiya, warii Galili. O yahi to makko, o eeli mo o yaha o nyawtaa suka makko ɓattiiɗo maayugo. 48Yeesu wi'i mo: «Abada on goonɗintaa, to on ji'ay kaayeefiiji e haaynaareeji.» 49Hooreejo soogeeji on wi'i mo: «Moodibbo, en jahu diga suka am maayay.» 50Yeesu wi'i mo: «Hootu, suka maa e wuuri.»
Gorko on goonɗini ko Yeesu bati mo, witti. 51E laawol, gollooɓe makko fotti e makko, wi'i mo suka makko yoofike. 52O ƴami ɓe: «Wakkati dey o yoofii?» Ɓe toontii mo, ɓe bi'i: «Keenya juura nun jonte ɗen yoofi mo.» 53Baabiiko anniti wakkati oo ɗon nun lalley Yeesu wi'i mo: «Suka maa yoofike!» Go kanko e himɓe makko fu, ɓe goonɗini Yeesu.
54Ɗum ɗon woni haaynaare ɗiɗawre ne Yeesu waɗi Galili, no warti diga Yahudiya.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.