Yuhaana 2
2
Ɓangal der siire Kana
1Balɗe ɗiɗi ɓaawo mum, ɓangal waɗii e siire Kana, der leydi Galili. Inna Yeesu e tawanoo ton. 2Yeesu e aahiiɓe mum bo noddinaama e ɓangal ŋal. 3No innabojam woɗooɓe ɓangal ŋal jacci, inna Yeesu wi'i mo: «Ɓe galaa innabojam.» 4Yeesu toontii mo, wi'i: «Inna day, taa accu ka ɓille. Wakkati am yottaaki taw.» 5Den inniiko wi'i gollooɓe: «Ko o wi'i on fu, gaɗee ɗum.»
6Looɗe jeego'o gaɗiraaɗe kaaƴe e tawaa ɗon. Diyam majje *Yahuduuɓe waɗirannoo naŋarɗam gam laaɓingo ko'e mum, hande no diina maɓɓe bati. Looɗe ɗen, baa ney mum fu e jaɓa ƴoogirɗe diyam sappo. 7Yeesu wi'i ɓe: «Kebbinee looɗe ɗen diyam.» Ɓe kebbini ɗe faa gaɓɓuɗe. 8O wi'i ɓe: «Jooni kan, nyeɗee, jaaranee mawɗo ɓangal.» Ɓe nyeɗi. 9Mawɗo ɓangal metti diyam baylitaaɗam innabojam ɗam, o annaa to ɗam ƴiwi. Amma gollooɓe nyeɗoyɓe ɗam, e anni. O noddi jommanjo gorko, 10o wi'i mo: «Himɓe fu innabojam belɗam woowi artirgo. To himɓe buusii, go innabojam ɗam welaa sakitoree. Amma an, a resii belɗam ɗam faa jooni.»
11Non Yeesu waɗiri kaayeefi mum arandehi der siire Kana, der leydi Galili. Non o hollitiri baawɗe makko, go aahiiɓe makko goonɗini mo.
12Ɓaawo majjum o yahi Kafarnahum, kanko e inniiko, e miiraaɓe makko, e aahiiɓe makko. Ɓe jooɗii ton balɗe seɗɗa.
Yeesu riiwii tenkuuɓe der suudu Alla
(Matiye 21:12-13, Marku 11:15-17, Luka 19:45-46)
13No juulɗe *Yahuduuɓe bi'eteeɗe *Paska ɓattii, Yeesu yahi *Urusaliima. 14O tawi sippooɓe ga'i, e baali, e tantabaraaji, e cengotooɓe ceede, e jooɗii der suudu Alla. 15O etti ɓoggi o waɗi ɓoccol, o riiwi ɓe ɓe burtii suudu Alla, kamɓe e baali maɓɓe, e ga'i maɓɓe. O sankiti ceede cengotooɓe, o hippi taaburuuji maɓɓe. 16O wi'i sippooɓe tantabaraaji: «Burtinee ɗi, to on gaɗee suudu baaba am suudu tenkura.»
17Aahiiɓe makko siwtori ko winnaa e Dewte: «Yidde suudu maa e jaɓina ɓerne am.» 18Den hooreeɓe *Yahuduuɓe wi'i mo: «Kaayeefi kiye gaɗataa go kollaa men aa woodi laawol waɗugo ɗum ɗon.» 19Yeesu toontii ɓe, wi'i: «Pusee suudu Alla ŋol ɗo, mi mahitinto ŋol der balɗe tati.» 20Ɓe toontii mo: «Suudu ŋol mahiraama duuɓi lasooji ɗiɗi e jeego'o (46), go an, bi'aa a mahitinto ŋol der balɗe tati na?»
21Amma ɓannu makko nun o nandiniri suudu Alla. 22No Yeesu finti, aahiiɓe mum siwtorii o batiino ɓe ka, go ɓe goonɗini Dewte e haala ka o batunoo.
Yeesu e anni ko woni e neɗɗo fu
23No Yeesu wonunoo *Urusaliima gam juulɗe *Paska, himɓe ɗuuɓɓe goonɗini mo, gam ɓe ji'ii haaynaareeji ɗi o waɗi. 24Amma Yeesu hoolaaki ɓe, gam oo anni ɓe ɓe fu. 25O bukaaka goɗɗo seedanoo mo no neɗɗo wa'i, gam oo anni ko woni der ɓerne neɗɗo.
Iliyochaguliwa sasa
Yuhaana 2: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Yuhaana 2
2
Ɓangal der siire Kana
1Balɗe ɗiɗi ɓaawo mum, ɓangal waɗii e siire Kana, der leydi Galili. Inna Yeesu e tawanoo ton. 2Yeesu e aahiiɓe mum bo noddinaama e ɓangal ŋal. 3No innabojam woɗooɓe ɓangal ŋal jacci, inna Yeesu wi'i mo: «Ɓe galaa innabojam.» 4Yeesu toontii mo, wi'i: «Inna day, taa accu ka ɓille. Wakkati am yottaaki taw.» 5Den inniiko wi'i gollooɓe: «Ko o wi'i on fu, gaɗee ɗum.»
6Looɗe jeego'o gaɗiraaɗe kaaƴe e tawaa ɗon. Diyam majje *Yahuduuɓe waɗirannoo naŋarɗam gam laaɓingo ko'e mum, hande no diina maɓɓe bati. Looɗe ɗen, baa ney mum fu e jaɓa ƴoogirɗe diyam sappo. 7Yeesu wi'i ɓe: «Kebbinee looɗe ɗen diyam.» Ɓe kebbini ɗe faa gaɓɓuɗe. 8O wi'i ɓe: «Jooni kan, nyeɗee, jaaranee mawɗo ɓangal.» Ɓe nyeɗi. 9Mawɗo ɓangal metti diyam baylitaaɗam innabojam ɗam, o annaa to ɗam ƴiwi. Amma gollooɓe nyeɗoyɓe ɗam, e anni. O noddi jommanjo gorko, 10o wi'i mo: «Himɓe fu innabojam belɗam woowi artirgo. To himɓe buusii, go innabojam ɗam welaa sakitoree. Amma an, a resii belɗam ɗam faa jooni.»
11Non Yeesu waɗiri kaayeefi mum arandehi der siire Kana, der leydi Galili. Non o hollitiri baawɗe makko, go aahiiɓe makko goonɗini mo.
12Ɓaawo majjum o yahi Kafarnahum, kanko e inniiko, e miiraaɓe makko, e aahiiɓe makko. Ɓe jooɗii ton balɗe seɗɗa.
Yeesu riiwii tenkuuɓe der suudu Alla
(Matiye 21:12-13, Marku 11:15-17, Luka 19:45-46)
13No juulɗe *Yahuduuɓe bi'eteeɗe *Paska ɓattii, Yeesu yahi *Urusaliima. 14O tawi sippooɓe ga'i, e baali, e tantabaraaji, e cengotooɓe ceede, e jooɗii der suudu Alla. 15O etti ɓoggi o waɗi ɓoccol, o riiwi ɓe ɓe burtii suudu Alla, kamɓe e baali maɓɓe, e ga'i maɓɓe. O sankiti ceede cengotooɓe, o hippi taaburuuji maɓɓe. 16O wi'i sippooɓe tantabaraaji: «Burtinee ɗi, to on gaɗee suudu baaba am suudu tenkura.»
17Aahiiɓe makko siwtori ko winnaa e Dewte: «Yidde suudu maa e jaɓina ɓerne am.» 18Den hooreeɓe *Yahuduuɓe wi'i mo: «Kaayeefi kiye gaɗataa go kollaa men aa woodi laawol waɗugo ɗum ɗon.» 19Yeesu toontii ɓe, wi'i: «Pusee suudu Alla ŋol ɗo, mi mahitinto ŋol der balɗe tati.» 20Ɓe toontii mo: «Suudu ŋol mahiraama duuɓi lasooji ɗiɗi e jeego'o (46), go an, bi'aa a mahitinto ŋol der balɗe tati na?»
21Amma ɓannu makko nun o nandiniri suudu Alla. 22No Yeesu finti, aahiiɓe mum siwtorii o batiino ɓe ka, go ɓe goonɗini Dewte e haala ka o batunoo.
Yeesu e anni ko woni e neɗɗo fu
23No Yeesu wonunoo *Urusaliima gam juulɗe *Paska, himɓe ɗuuɓɓe goonɗini mo, gam ɓe ji'ii haaynaareeji ɗi o waɗi. 24Amma Yeesu hoolaaki ɓe, gam oo anni ɓe ɓe fu. 25O bukaaka goɗɗo seedanoo mo no neɗɗo wa'i, gam oo anni ko woni der ɓerne neɗɗo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.