Amosu 4
4
1Kettinee nanon haala kaa ɗo onon rewɓe Samariya,
fayuɓe hande na'i Basani.
Onon jooɗiiɓe dow waanne Samariya,
oon jarna ɓe walaa semme bone,
oon nyaama talkaaɓe semme.
Oon bi'a worɓe mon wadda bagi jaron.
2Min Alla Joomiraawo, mi hunorake e inne am seniine bi'umi:
Wakkati waran, wayɓe mon happan on onon e sukaaɓe mon ɓe pooɗa,
hande no suuɓotooɓe liƴƴi happirta liƴƴi e kokoruhon.
3Ɓe burtiniran on diga pecci cuuɗi,
moy fu wurtiniree feere mum,
den ɓe boppa on far to waanne Hermon.
Min Joomiraawo nun bati ka.
Kiiseteeɗi leliiɗi
4Onon himɓe Isira'iila, jahee faa Beteli, gaɗon hakke!
Jahee faa Giligali ɓeydon waɗugo hakke kade!
Gaɗee kiiseteeɗi mon subaka fu,
gaddee jakka mon balɗe tati e tati fu.
5Gaɗee kiiseteeɗi gam yettoore e peen gattanaako ƴuufinirɗum!
Batee himɓe no on gaɗii dokke e sago mon,
gam kanjum nun jiɗuɗon onon himɓe Isira'iila.
Min Alla Joomiraawo nun bati ka.
Himɓe Isira'iila salake wittoygo to Alla
6Min kan, nani ɗo ko gaɗanmi on.
Mi accii rafo naati der wanŋarɗe mon,
den dulluɗon ko nyaamoton der wurooji mon fu.
Amma enon fu on calake wittoygo to am.
Min Joomiraawo nun bati ka.
7Mi accii toɓinango on yoone,
nani bo lebbi tati nun horii go dugge fuɗɗa.
Mi toɓinii yoone der wanŋarɗe goɗɗe,
go accumi ne toɓay e wanŋarɗe goɗɗe.
Yoone toɓii e nokkuuje goɗɗe,
go nokkuuje ɗe yoone toɓay yoori.
8Wanŋarɗe ɗiɗi, naa bo tati e ummoo,
e yaha e wanŋarde wonne, gam ɗe keɓa diyam ɗe jara,
amma ɗam heƴataa himɓe ɓe jara ɓe ɗonkita.
Amma enon fu on calake wittoygo to am.
Min Joomiraawo nun bati ka.
9Mi accii nafa mon wojji, ka nyoli.
Baɓatti nyaamii gese leɗɗe mon ɗuuɗɗe,
ɗi nyaami innabooje mon, e ibbe mon, e jaytuuje mon.
Amma enon fu on calake wittoygo to am.
Min Joomiraawo nun bati ka.
10Mi waddanii on nyaw kalluŋu hande no gaɗannoomi himɓe leydi Misira,
mi accii wayɓe wari gojankeeɓe mon e kaafaaje,
mi accii pucci mon teetaa,
mi accii oon nana luunŋol waraaɓe der hoɗorde mon.
Amma enon fu on calake wittoygo to am.
Min Joomiraawo nun bati ka.
11Mi halkii on hande no kalkirnoomi Sodoma e Gomora.
Go laatiɗon hande joccel yiite cuttaaŋel diga der yiite.
Amma enon fu on calake wittoygo to am.
Min Joomiraawo nun bati ka.
12Gam mum, mi hiitoto on onon himɓe Isira'iila.
Gam sabbu mi hiitoto on, ciriyee fottugo e am, min Alla mon.
13Gam min nun waɗi baalle,
go tagumi hennu.
Mii annina neɗɗo ko desumi waɗugo.
Mii wonƴita jayŋol ŋol laatoo niwre.
Mii yaha dow baalle duuniyaaru.
Inne am nun Alla Joomiraawo, Joom huune fu.
Iliyochaguliwa sasa
Amosu 4: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.