1 Corintios 8
8
Mok ka'tik sta' smul ja ma' jelto ko'el wajumi
1Jaxa yajni wax k'ana oj kal a wabyex ja jas a job'owex ki yuj ja wa'elal it wax ts'ikxi yi ja k'u'lub'al dyos jumasa. Jpetsaniltikon ja ke'ntikoni wax na'atikon t'usan yaman ja iti. A'nima jach' jastal jawi, jel t'ilan oj jak jk'ujoltik yuj ja jas wax na'atiki, ja'yuj jel niwan wax ka'a jb'ajtik, jaxa syajal jk'ujoltiki, wax ya sta' lek yip ja jsak'aniltik b'a sk'u'ajel ja Dyosi. 2Ja'yuj ja ma wax yala jel wa sna'a, ja smeranili, mini jas sna'a. 3Jaxa Dyosi, wa sna'a sb'aj spetsanil ja ma wax yajtaji yuji.
4Jaxa yuj ja wa'el jumasa it tsikjitayi b'ajtan ja k'u'lub'al dyos jumasa, sok ja jawi, wanix na'atik lek ja k'u'lub'al dyos jumasa, mini yuj sak'anuke'a, cho yujni kechan jun Dyos aya. 5Ay chab' oxe wax yalawe ay jitsan jastik wax yilawe b'a satk'inal sok ja b'a lu'umi wax ya'we och dyosil. 6Jaxa ke'ntiki, wanix na'atik kechani june ja Dyosi ja'ni ja Tatali. Ye'n ch'ak sk'u'l spetsanil ja kosa jumasa, jaxa ke'ntiki, yuj ja ye'n, ja'yuj ay jsak'aniltik cho kechani june ja Kajwaltiki, ja'ni ja Kajwaltik Jesusi. Ja Dyosi, ch'ak sk'u'l spetsanil ja'ni yuj ja Jesusi, sok sts'akatal ja ye'n ja'yuj sak'anotik ja ke'ntiki.
7Mi a petsanilukex waxa na'awex ja kosa jumasa iti. Ja yajni mitoxa k'u'anex ja Kajwaltik Jesusi, waxa toyowex ajyi k'u'lub'al dyos jumasa, sok jachuk wa'ntoxa k'u'anex sak'ani ja k'u'lub'al dyos jumasa jawa. Ja'yuj yajni waxa k'uxuwex ja b'ak'et it tsikub'alxa yi b'ajtan ja k'u'lub'al dyos jumasa, wax ek' a k'ujolex lajan sok waxa ta'a a mulex. 8Jaxa jastal wax k'u'antik ja Dyos sak'ani, a'nimax kab'tik ma mix kab'tik ja wa'el jumasa jawi, junxtani wax yilawotika, Mi yuj jel oj tojb'uk sok mi yuj jel oj jomuk ja kaltsiltiki. 9A'nima ay jastal oj b'ob' kab'tik spetsanil ja jastik jumasa, jel t'ilan oj talna jb'ajtik b'a mi oj ka'tik k'e jun ab'al k'umal sok ja moj aljeltik jumasa ja ma' mito tsats ayuke sok ja Kajwaltiki. 10-11La kaltik a wil junuk ja we'nlex a waj wa'uk ja b'a wax toyxi ja k'u'lub'al dyos jumasa, ti b'i oj yil jun jmoj aljeltik wa'nto sk'u'an ja k'u'lub'al dyos jumasa. Ja'yuj a'nima wax na'atik lek ja k'u'lub'al dyosi, mini yuj sak'anuka, jaxa ja jmoj aljeltik jawi, oj ek' sk'ujol lekni stoy jel ja dyos jumasa jawi, ay jastal oj ya'kan sk'u'ajel ja Kajwaltik Jesús it cham b'a Cruz yuj ja ye'n. 12Yajni wax k'u'lantik yi b'a mi lekuk ja jmoj aljeltik jumasa, yuj ja mi sna'awe b'ay ja lek sok b'ay ja mi lekuki, wanix cho jk'u'lantik yi b'a mi lekuk ja Kajwaltik Jesusi. 13Ja'yuj ja ke'n mini sb'aj oj kab' ja wa'el jumasa jaw b'a kechan oj kaj sle' smul jun jmoj aljeltik yuj ja oj kab'i.
Iliyochaguliwa sasa
1 Corintios 8: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021