1 Corintios 5:7-8

Ja'yuj a'wikxa kan t'unuk ja sle'jel wa mulexi. Ja mulali, jach' jastal ja byejo levadura b'a mixax makuni wax jipxi eli. Ta yuj k'a waxa wa'wex kan sle'jel wa mulexi, wani la ajk'achb'iyex jastal ja yajk'achil pan it mey slevadura'il waxa lo'owex b'a sya'al k'inali. Ja yajk'achil jsak'aniltiki, ja lajan sok ja k'in b'a sya'al k'inali. Ja chej wax kab'tik b'a k'in sb'a sya'al k'inali, ja'ni ja Kajwaltik Jesús it ti milji b'a Cruzi. Jaxa ke'ntiki lajanotik sok ja pan it wax lo'xi b'a k'ini, sok jel t'ilan jach' oj ajyukotik jastal ja pan it mey slevadura'ili, ja iti, ja wax yala jastal oj ajyukotik toji, sok ja oj je'tik ja jastal tsamal aytiki. Mok waj je'tik ja kistal jmodotiki, mok ma' cho jk'u'ltik yi b'a mi lekuk, mok jlajtik jastal ja pan it wax k'u'laxi sok ja levadura it mixax makuni.